شقيقة النعمان (١٠)
"تمنيت قلبًا قويًا جسورًا
يجيء إليك بحلمٍ عنيد ..
ولكن قلبي ماعاد قلبي!
تغرب عنك،
تغرب عني ..
وما عاد يعرف ماذا يريد."
الحارث
وصلت للنجف، اندزلتي رساله على الواتساب، ابتسمت
مصوره صوره وهي تدرس نونه
ضحكت وشمرت التلفون على صفحة فكري كله ضل يمها ..هدوئها هذي الفتره السكينه الي تحل بكلبي من تجي يمي!
عيونها ، عيونها الي تخلي بگلبي نار
وكلت امري على الله ونزلت، والكل يسألني ليش ما جبت وياك فتون! كعدت وارتاحيت صبولي جاي حـاجاني ابو محمد
"سيد ما نـاوي تجيب علي الأكبر؟ وتصير ابو علي الاكبر صدك؟"
ابتسمت، وباوعت عليه
"كُل هذا قسمة رب العالمين يا ابو محمد
اذا كتبلي علي الأكبر هلا ومرحبة بي
واذا الله ما كتبه الي، حكمة ربك بعد"
"اي بس ميخالف سيد، الرجال لازم ينذكر بالخلفة"
"الرسول صلى الله عليه رعلى آله وسلم
مجان عنده ولد، لكن انـذكر كافضل خلق رب العالمين
الشخص ينذكر بأعماله الصالحة وخيره ومنفعته لله وللدين"
هز راسه وگال:
"والله سيد كلامك صح، انت رجال مؤمن وسبحان من نزل الطمأنينه بقلبك
اني الله يشهد من تزوجت ام محمد واول خلفه اجت بنيه ضجت ومن اجه محمد لا شديت ضهري بي وفرحت"
"هذا اكبر حرام يا ابو محمد
لان رب العالمين نهى عن التفرقه بين الأولاد، ووصفهم رب العالمين وقال (وَإِذَا بُشِّرَ أَحَدُهُمْ بِالأنْثَى ظَلَّ وَجْهُهُ مُسْوَدًّا )
لاتنسى ان الولد مثل البنيه بكلشي"
بـاوعلي بأستغراب حجه ابو حسن
" شلون سيد؟ رب العالمين مقدم الرجال على النساء درجة"
اومأت براسي بتفهم وحجيت
"صح كلامك، مقدمنه بشنو؟ للرجال عليهن درجة
في الخلق، خلق النبي ادم عليه السلام
قبل حواء، وفي الإنفاق ، والقيام بالمصالح هم "
اخذت نفس وكملت
"مو معناها انو الرجل افضل من المرأه لا بالعكس اكو حالات المرأه افضل من الرجل
مثلا بر الام يتقدم مرتبه على بر الوالد
وبقوله ان الجنه تحت اقدم الأمهات "
"وايضا الرجال قوامون على النساء
هنا رب العالمين مفصلهن علينه، ان العمل والقيام كله على الرجل
وكذلك الصرف عليها
يعني الرجل مجبور يتشغل ويعيش عائلته ،لكن المرأه الها اختيار يا اما العمل ربه بيت يا اما تشتغل الي يعجبها "
"والله سيد كلامك يدخل العقل
الا ذاك اليوم سمعت واحد يفتي من يمه، الله مفضل الرجال على النساء
َوما اعرف شنو وضربوهن والله كلامة يسم البدن "
"اي ماهو هـذا الفكر الذكوري الي يـردون يبثونه حتى يسكتون النساء
واحـدهم ما يعرف غير الشرع حلل اربعه
ولا يفقه بدينه اي شي"
أنت تقرأ
ما ملكت أيمانكم
Romanceمـا ملكت أيمانكم " رواية عاطفية تجمع قصص مُختلفة في غطاء الدين وهل سيثبت الدين مع كل مُغريات الحياة؟ " هتان، كنعان والحارث" تلاث اخوه لكل منهم قصة مختلفة في هذه الحياة، تابعوها معي رواية" مـا ملكت أيمانكم" وارجع واكرر، الرواية ليست رواية اباحية ولا...
