شقيقة النعمان (١٢)
أراكَ شمساً وأفلاكي تطوفُ بها طافت بحُبِكَ يا دُنيايَ أقماري واللهِ لستُ أرى إلّاكَ مُنفرداً كالبدرِ مُكتملاً أشغلت أنظاري.
هتان.....
نزلت من الدرج ,صار دلجان بوجهي فزيت بسرعه رجعت خطوه لوره نزل الجكاره من حلكه وضل يباوع عليه بنـظرات مفهمتها كل الي يدور براسي شلون اجه ؟ وليش دخل لبيت ندى
تقدم خطوات عليه صا كبالي وكال "ها علويه شتسوين هنا؟'
-/"ا انت شتسووي هنا وشلون دخلت للبيت ؟"
"والله هذا بيتي اذا عندج مانع ادخـل اله "
بيتك؟ضليت احاول اربط كلامه وكلام ندى بس بهـذي اللحظات صار كبالي وضل يباوع عليه بنظرات كلها حقد من فوك لـجوه
"اي علويه طالعه حلوه بملابس الطلعه احلا من ملابس المدرسه "
سمعت صوت ندى
"هاا عموو بابا ينتظرك بالمكتب "
"عمو؟" درت عليها بصدمه
"اييييي عمو دلجان الي حجيت الج عليه "
الصدمه سببت الي صداع ؟عم ندى لهذا السبب جنت اشوفه يم المدرسه , دنكت راسي وسويت روحي ما اعرفا
صعد الدرج وصار كبالي عيوني بعيونه صارت ثواني ابتسم وصعد ,سلمت على ندى ونزلت ركض صعدت يم معاذ وهو كالب وجها
"
"ها جيت قبل الموعد؟"
"اي خلصنه دراسه "
احجي وياه والف سالفه وسالفه براسي شلون صارت هالـصدفه ,ليش من بين كل الاشخاص الي اعرفهم دلجان يطلع عم ندى ,خل ارجع وافتح الموضوع ويه الحارث
رجعنـي معاذ للبيت ,وراح مدري وين شفت الحارث يجحجي ويه امي سلمت وكعدت يمهم
"يمه البنيه شابه ومن حقها بعرس وحفله "
"يا امي زوجتي ما صار الها سنه من ماتت شلون "
"انت تعرف كلش زين يمه الحزن بالأسلام تلث ايام بس ,على الاقل بس خل نلبسها فستان ابيض "
"يمه وتالي؟هو نروح نخطب ونعقد بنفس اليوم ,وثاني يوم اجيبها واجي اهلهاموافقين واحنه موافقين شنو بعد "
من سمعتهم يحجون تدخلت"حارث هي بنيه وما متزوجه قبل من حقها تدرب شعور الفستان الأبيض لا تكسر بيها خطيه"
وكف وحجه ويانه "ما اكدر"
"ما ادري شبي احسه مو فرحان ابد "
كلبت عيوني بملل
"غير انت كتلتي تزوج وتزوج وبنتك وبنتك ,اني خايفه لا يتورط "
"لا يمه خزاميه خوش بنيه وخطيه هم يتيمه خليها تربي بنته وتدير بالها عليه "
"ما ادري بيكم والله "
عفتها وصعدت دكيت الباب ودخلت جان كاعد حاط ايده على راسه
"شبيك حارث ؟"
رفع راسه عليه وكال :
"ها بابا لا ما بيه شي ,كول رايده شي "
"زين ليش احسك متندم لان دا تزوج "
"لا حبيبتي بالعكس خزامى خوش بنيه ,بس اكوا حسبه براسي "
هزيت راسي بتفهم
أنت تقرأ
ما ملكت أيمانكم
Romanceمـا ملكت أيمانكم " رواية عاطفية تجمع قصص مُختلفة في غطاء الدين وهل سيثبت الدين مع كل مُغريات الحياة؟ " هتان، كنعان والحارث" تلاث اخوه لكل منهم قصة مختلفة في هذه الحياة، تابعوها معي رواية" مـا ملكت أيمانكم" وارجع واكرر، الرواية ليست رواية اباحية ولا...
