شقيقة النعمان (١٤)
أنـا النَعيم الذي ستبكي علـى فُقدانهِ عمرًا
(هذا الفـصل هديه لمتابعه على الانستا🖤🙏)
الحارث.....
ركضت على كنعان مـن وكع ،شلته مغمـض عيونه ، ويـرجف حيل
"بسم الله الذي لا يضر مع اسمهُ شيءً في السماء ولا في الارض وهو السميع العليم" ضليت اقره عليه وهو يرجـف حيل
حتى نسيت خزامى ونسيت امي هناك
ضربت على وجهه اجه دكتور محمد يركض
"ها هاا شبي سيد؟؟"
"ما ادري بَس ساعدني اشيله شوي "
شلناه حطيته بغرفـه ، اجت بنيه من بعيد تمشي شافته اجت تركـض
"شبييي كنعااان ؟؟"
باوعت عليها بعدم فهم؟ شفت الصليب تذكرت كلامه! هي هاي البنيه....
استغفر الله هاله حزن مو طبيعية ، نقبض صدري! طاقتها السلبيه قويه. ....
شدوله مغذي ، رحـت لخزامى دخلوها طوارئ اخذت نفس وكعدت اجت يمي امي
"يمه لاتخاف إنت مؤمن ، وهذا قدر"
"الحمدلله يمه الحمدلله"
، دنگت راسي اقره ادعيه
الله يستر ،يارب يـسر ولاتعسر
اني شاد حيلي بس هي شبيها! لـيش هيچ البارحه عين الله عليها..
طلعت والدكتوره ،رحت عليها واني خايف اسمع شي مو زين
بشريني دكتوره ؟"
"حاليًا حالتها مُستقره ، بـس يحتاجلها غسيل كلى ، كليتها جداً متأذيه وقريبه من الفشل الكلوي
"كلتهى!"
"اي عدها كلى وحده،ومبين عمليه تبرع "
الف سالفه وسالفه خطرت ببالي ،شنو تبرع !
"وهي شلونها هسه؟ گعدت"
"اي بلي شديت الها مغذي ، وگعدت الحمدلله وقف النزيف "
شكرت الدكتوره
رحت للغرفه ضلت امي تحچي ويه الدكتوره
فتحت الباب، كاعـده وشامره راسها على المخده ،صفره ـكركم
رفعت راسها عليه أبتسمت الي ،
رحت گعدت يمها ،لزمت أيدها وبستها
"شلونج؟ "
"زينه ،حبيبي مبيه شي هياني بخير"
صوتها مخنوگ وهادئه بشكل مو طبيعي مو خـزامتي هاي!
مشـيت ايدي على خدها نزلت دمعه من عينها مبينه تعبانه كلش ،بيها شي بس مدا ترضى تحجيلي
"مناويه تحچيلي؟ ليش هيج فجأه تأزمت حالتچ؟"
"اني من زمان مريضه ،لاتخاف شوي واصحى
بس طلعوني تعرفني اختنگ'
"بس خل يسوولج غسيل كلى ،والله كريم "
سكتت ما حچت شي
"ليش عندج كليه وحده؟ "
ضلت ساكته ، قدرت هي ما بيها حيل،بست راسها وطلعت گلتلي جيب تلفوني وياك ،رجعت للبيت اجيب فلوس العمليه
خليت امي يمها
دخلت للبيت ،اجت هتان عليه
" طمتي حارث؟ "
"الحمد لله عدت سلامات .'
"اخذتي وياااك حباب"
" حبيبة گلبي ما عليها شي ،خليج بالبيت عيب عدنا خطار ،ميخالف ،خليج يم خالتي والبنات"
عفتها وصعدت ، طلعت فلوس ...رحت للميز طلعت تلفونها چان مشمور يم الچربايه من تخربطت هو بأيـدها جان
من لمسته انفتحت الشاشه القفل
باوعت اشعار رساله من ١٢ ساعه مكتوب بي " اخوچ مات"
!!! اخوها؟؟؟
عقلي نفر ،شنو القصه منو اخوها وشنو مات ،حـاولت افتح التلفون ، اكو رمز سري
والرساله مدزوزه من وحده اسمها امنه
أنت تقرأ
ما ملكت أيمانكم
Romanceمـا ملكت أيمانكم " رواية عاطفية تجمع قصص مُختلفة في غطاء الدين وهل سيثبت الدين مع كل مُغريات الحياة؟ " هتان، كنعان والحارث" تلاث اخوه لكل منهم قصة مختلفة في هذه الحياة، تابعوها معي رواية" مـا ملكت أيمانكم" وارجع واكرر، الرواية ليست رواية اباحية ولا...
