#شقيقة_النعمان (٢٠)
مريم الحسيني
و كوني وحيداً رغم إزدحام الجميع ، أبتلع أيامي بغصة في حنجرتي ، أصارع ألمي بليلٍ شديد السواد ، لا رفيقٍ افضفض له ولا صديق يشرح لي صدري ، المٍ وراء الم وخيبه تلوى الأخرى ، وفي كل يومٍ أصحو فيه أجد نفسي أمام بؤسٍ وحزنٍ والمٍ وندمٍ ، وبرودةٍ في قلبي كأنني بلا قلب
......
كنعان.....
نـشمرت كدامي ركضـت عليها اريد الزمها دفعتني حيل
گـعدت بالگاع تصرخ بكل قوتها!!... احاول الزمها تدفع بيه
"كارمن ، باوعيلي، اسم الله عليج"
طلعت تلفوني من جيبي وايدي ترجف من قوه الضربه ،احس راسي كام يجري دم
شغلت سورة محمد بصوت عالي ، هي ضلت تملخ بشعرها وتصرخ.... بسم الله الذي لا يضر مع اسمه شيء في السماء والارض....
من هدات شوي رحت ركضت عليها قيدت أيدها وضليت اقره عليها بهدوء
شي مثل الي نسلخ من جلدها!!! ...طلع اييي شفته طبع بعيوني!
واحترگ گبت الغرفه نار !!! شوي واختفت كلشي اختفه، كارمن شمرت راسها بحضني ..
غمضت عيوني واستغفرت الله ،
دنكت عليها اباوع مغمي عليها، شلتها بهدوء وحطيتها على السرير
وضليت أقره على راسها لخد ما فتحت عيونها شوي شوي
كامت تبجي حيل، ولزمت ايدي بكل قوتها
وهمست من بين انفاسها "احبك كنعان"......
....
هتان....
للـصبح افتر بالمطبخ ولازمه التلفون ، منتظره يعلنون النتائج ويفتح الموقع ... كلها واگفه فوگ راسي
الحارث يدعي ويهدي بيه واني اريد اصرخ وابچي ..
طفر كنعانو اخذ التلفون من ايدي
"كافييي مو كتلج فد نص ساعه ويعلنونهن!!"
"جيييب كنعان مو وكتك جيب"
"اني ابحث مالج غرض تعالي گعدي من الصبح على نفس الكعده"
اخذه مني وكعدني ، ضليت ادعي كل الوقت
لحد مصررخ "علنوووهن؛!"
طفرت من مكاني بسرعه وگفت فوگ راسه
"مدرستي بسرررعة كنعااان طلعها"
"سمي بأسم الله اللمه العربيه كلها هسه على النت
خل الگه الرصافه"
ضل يگلب ويدور على اسم مدرستي
من شفت اسمها صرخت بسرعة "هااااي، ادخل بسرعه"
دخل عليها احس هبط ضغطي ، ضل يدور بالاسماء
"هتاان عارف سعيد"
غمضت عيوني منتظره يكلي راسبه
"الاسلاميه ميةةةةةةةة"
صرخت بعلوا صوتي من كالي ميه"علللليك الله!!"
"والله والله. العربيييي ٩٨، الإنكليزي ١٠٠ الأحياء ميةةةةة
الرياضيات ٩٩ ، "
من كال هيج نهاريت گعدت بالكاع ابجي
حجه وياه الحارث"كمللل!!"
"الفيزياء والكيمياء ٩٩"
عفتهم كلهم وكمت اركض لغرفة امي سجدت بيها واشهك وابجي
اجوا يركضون وراي،كمت واني اشهك ،ركضت شمرت روحي بحضن الحـارث
"بارك الله بيج بنيتي ، بارك الله بيج ، متأكد امي هسه فخورة بيج"
اهز راسي وابجي ، وخرت منه درت على كنعان
"شكد المعدل ؟"
"99.2 معدلج، احلا طبيبه "
مـن كال هيچ ضحكت ، اجه عليه بوسني من خدي
وطلع ورقه وحطها بأيدي ضحكت
معاذ جان واگف يضحك وياهم ، اجه عليه حضني حيل
"عفيه بالسباعيه رفعتي راسنه، اطلبي اي شي يجي كدامج"
"تسلم حبيبي ما تقصر "
درت نظراتي للحارث كأنما عرف اني شنو اريد هديه منه
أبتسم وأومألي براسه ، وگال "باجر إن شاء الله نروح"
هزيت راسي بألايجاب .... ركضت للغرفه ابشر وقاص
الي طار من الفرحه وكلي شفتي راهنت عليـچ وكلت انتِ دكتورة ....
....
الحـارث.....
من صعدت للغرفة ،درت على معاذ
"باجر اوديها لكبر. ابوي وامي، دربالك على البيت خليك حذر شفت التهديد اليوم!"
"اي خويه لاتخاف ،انت هم دربالك"
من حچينه اجه علينا كنعان بسرعه "تهديد شنو؟"
مديت ايدي وطلعت اله الظرف الي بي طلقه
ضل صافن عليه، رفعت راسي صارت بوجهي ، وجها قلق..
ضحكت ونزلت عيوني، أكيد تعرف منو داز التهديد +
أنت تقرأ
ما ملكت أيمانكم
Romanceمـا ملكت أيمانكم " رواية عاطفية تجمع قصص مُختلفة في غطاء الدين وهل سيثبت الدين مع كل مُغريات الحياة؟ " هتان، كنعان والحارث" تلاث اخوه لكل منهم قصة مختلفة في هذه الحياة، تابعوها معي رواية" مـا ملكت أيمانكم" وارجع واكرر، الرواية ليست رواية اباحية ولا...
