شقيقة النعمان (١٥)
خيبتي هذه الليلة كخيبة من عاد لمنزله حاملًا للسعادة، أراد العودة ليفرح ويسعد مع من يحب ويستحق ذلك، ولم يكن هناك أحدٌ في إنتظاره.
هتان.....
امشي ولازمه ايدي واصـرخ حيل دخان تارس الدنيا
"يمةةةةة وينچ
، ولججج يمةةةة'
عـيوني گامـت تجري دم من المنظر
جثث بالگـاع ، أيـدين ،روس مطشره
الدم مالي المكان الدنيـا ظلمه من كد الدخان
امشي وادوس على الجثث برجلي
عـيوني تدور امي بكل مكان
واگـول اي، هسه هسه اشوفها
...فقدت الأمل ....
گعدت بالگاع اصرخ حيل. الغصه لزمـتني
واني اشوف الناس تركص وتصرخ
والنسوان تلطم ...المنظر خلاني افقد عقلي
اجـت الإطفاء واني مـا لگيت امي
شفـت طفله صغيره تصرخ وهي تباوع على جثه امها
بدون اطراف ، اجاني رجال جبير
"عمو شبيج؟ تعالي اخذچ للاسعاف ايدج فد مره "
" مبيه شييي اني مبيه شي عمو ختولي ايدي اريد امييي ،عموو امي فدوه ماكوو وينهااا"
"هسه نلگاهااا حـبيبتي هسه "
فقدت واني اصرخ عليها وادور عليها ليش مجاي تلگاني؟ ليشش مدا تدوررر عليه
شفت جسم واحد ضخم اجه علي من نص الـدخان عرفته دلجان
" هتااان!! شجااي تسوين هنااا احچييي
تأذيتييي'"
گـمت ابچي وابـاوع ،حتى لو مجرم اريده يشوفلي اميي
"اريددد اميييي ،دلجاااان اميييي مدا الگاهاااا فدوووه شوفلي امي"
كومني من الگاع وغطه شعري بغتره جان لابسها ويه ملابسه
"هسه ،تعالي بس نعالجج تعالي"
"ما اريد، اريد امييي هسه اريدهاااا"
اخذني من ايدي وگال:
"هسه تعالي ندورها '
امشي ولازمه ايده بكل قوتي وابچي بعلوا حسسي ضلينه ندور عليها ماكو اختفت
وراها شفت ناس ملتمين ويغضون بمره سمينه شوي
تيهت ايده ورحت اركض
،گعدت على ركبتي ووخرت الغضه
واني صرخت حيل
"يمةةةةةةةة، للاا يمة لااااا لاا
گووومييييي فدوه گوميييييي'
ضليت الطم على وجهي واني اشوفها غارگه بدمها ،حديده داخله بنص گلبها
روحي. فرفحت واني احـرك بيها وابجي
"ليششش مجاااي تگووووم ، يمههه ابوس ايدددج گوميييي گوميييي يمممممه ،كووون الحديده بنص گلبييييي ولابيييييج"
"-هتااان كافييي ،ماااتت گوميييي"
"وخررر منييييي ،مـتموووت ، امييييي متمووووت متعوفني هيج
ولجججج يمه وين عايفتنيييي ،گوميييي اروحلج فدوه گوميييي"
اهز بيها حيل واضرب بوجها ماكو نايمه!
"ابوي عافني وانتِ هم وين انطيييي وجهييي اجچيليييي وين ارووووح "
گومني منها ،ضليت الطم على وجهي حيل
احس الدنيا تفتر بيه على گد ما فقدت دم
جرني من ايدي ،وراها ما حسيت بشي ....
..
كنعان.....
وصـل النه خبر انفجار صاير بسوگ شعبي قريب علينا
شوي وضلت تجينه حالات الاصابات
هوسه نگلبت المستشفى
الاف المصابين وعشرات الموتى!!
أنت تقرأ
ما ملكت أيمانكم
Romanceمـا ملكت أيمانكم " رواية عاطفية تجمع قصص مُختلفة في غطاء الدين وهل سيثبت الدين مع كل مُغريات الحياة؟ " هتان، كنعان والحارث" تلاث اخوه لكل منهم قصة مختلفة في هذه الحياة، تابعوها معي رواية" مـا ملكت أيمانكم" وارجع واكرر، الرواية ليست رواية اباحية ولا...
