شقيقة النعمان (٨)
مَا كُنْت أُومِن بِالْعُيُون وَفِعْلُهَا
حَتَى دهتني فِي الْهَوَى عَيْنَاك
الْحَسَن قَدْ وَلَاك حَقًّا عَرْشِه
فتحكمي فِي قَلْبِ مِن يهواك".
(تنوية.... جـميع الأشياء المذكورة في هذا الفصل هي اشياء وتفاصيل حقيقيه مسنودة من الواقع، ولا علاقة للخيال بها)
كنعان ...
فتحـت عيوني... اباوع اني بمكان مو بيتنـه!
مكان غريب اشبه بحديقة جبيرة بس بيها سياج، صوت المي لفتني
عصافير... بط
كلشي جان اله تفاصيل؟ عبالك بواقع اني..
ضليت امشي وما اعرف وين اتجه... بس انو امشي بدون وجهه
سمعت خطوات وراي اصوات بشعة لدرجة مقززة!
درت وجهي وضليت امشي. وصلت لشجرة الصوت يجي من وراها
من مديت راسي، وگف كل شعر جسمي من المنظر
عيوني جحضت من مكانها
نفسي بده يتسارع..
أعوذ بالله من الشيطان الرجيم، ضليت اردد هاي الكامت
اعوووذ بالله من الشيطان الرجيم
قل أعوذ برب الفلق من شررر مااا خلق..
اخذت نفس بسررعة وفتحت عيوني، كلشي مغوش اسمع بس صوت بجي
وشخص يقره فوگ راسي هدوء حارث هذا!
"حارث"
حاولت اكعد عدل ساعدني ضليت اباوع بعيونهم! "شصار؟"
" يمةةة انغمى عليك اول مدخلت وگمت تصررخ حيل"
لزمت راسي اريد انسى الي شفته لفتني صوت الحارث
"شبيك كنعان؟ صاير وياك شي"
"لا خوية، اني من الصبح دايخ وشغل اليوم
تلگاه طلع عليه وهم ما متريگ"
حجه وياي بصوت ناصي
"وضعك مو مال وجع راس كنعان احجيلي"
"لاخوية الحمدلله ما بيه شي، هسة اسبح واصلي الظهر
واصير زين"
"خل ناخذك للمستشفى يمه خاف بيك شي"
بست راسها
ما بية شي يوم
كرصت خدود هتان التبجي وصعدت لغرفتي
فتت للحمام، غسلت وجهي وترست البانيو مي دافي وشمرت روحي بـي بملابسي
ضليت افكر
عمري ما شايف أفلام لو لقطات مو زينه
ليش تحلمت بهيج منظر!
الف سالفة اجت براسي، اخر شي اقتنعت لان دخلت ال٣٠ وما متزوج
صار وياي هيج
قررت احاجي امي تشوفلي مره حتى ما ادخل بالحرام زين وبيان! بيان الي ما جاي تطلع من راسي
اخـذت نفس ورجعت راسي على الحافه وراها
طلعت بدلت ملابسي وتوضيت وصليت...
...
يوم يومين اسبوع اني الكوابيس ما تفارگني لحظة
وكلها مشاهد ما يتخيلها عقلي ومجاي اتحمل
بس أگعد افز اركض اصلي لو اقره قرآن حتى تهده روحي شوي
بدت اثار الكوابيس تضهر على وجهي بشكل فضيع
هالات سودة تعب شعري بده يطلع بي لون ابيض
كمت اعتزل واكره اختلط بأحد ..رحت للمستشفى بيومها كلش كاره الحياه وما اعرف شبيه وليش هيج حالتي انتكست فد مره سجلت دخول ورحت لمكتبي ,شوي وطلعت اشرب كهوه شفت مره جبيره حسيت اني شايفها بمكان؟
ويه ما جاي ادخل لمكتبي سمعت صوت همس مثـل الصريخ ما اعرف اوصفه من حدته معقوله بس اني دا اسمعه؟ اباوع على المرضى والناس تمشي عادي!!
أنت تقرأ
ما ملكت أيمانكم
Romanceمـا ملكت أيمانكم " رواية عاطفية تجمع قصص مُختلفة في غطاء الدين وهل سيثبت الدين مع كل مُغريات الحياة؟ " هتان، كنعان والحارث" تلاث اخوه لكل منهم قصة مختلفة في هذه الحياة، تابعوها معي رواية" مـا ملكت أيمانكم" وارجع واكرر، الرواية ليست رواية اباحية ولا...
