السماء للقمر و لقلبي عيناك ✨✨
*البدايه*
•••[ في المستقبل البعيد] •••
جو ربيعي هادئ ، نسيم عليل كيهب محرك أغصان الأشجار و سط الهدوء كان صوت صرير الأرجوحة و صوت الأطفال كيلعبو بمرح ،
فوق كرسي خشبي عمومي ديال الحديقة عامة ، كولو مقشر و لون صباغة بهات ، كانت كالسة سيدة محجبة أنيقة فتلاتينات العمر شادة فيديها كتاب " رحيق المختوم" سيرة نبوية شريفة ، كدير طرف صبعها ففمها باش تقلب صفحة ، و مرة مرة كتعلي عينيها باطمئنان تحت نظاظر القرايا ، مراقبة طفلة كتلعب فالأرجوحة ، انكسر جوها الهادئ باش كلسات حداها بنت فسن المراهقة وجهها صفر و عينيها حمرين بلبكى ، ما اهتماتش ليها ورجعات لكتابها كتقراه فهدوء ، لحظات وبدات كتشم ريحة ماغريباش عليها كانت ريحة الكارو ، دارت ولقاتها لمراهقة لي حداها شاعلة كارو كتكميه و شادة فراسها بتعب ، هزات راسها وشافت سيدة لي حداها كيفاش حاضياها
المراهقة ... ياكما اخالتي ضراتك ريحة نبعد ؟
*... لا غير خودي راحتك ، خفتي ضريني انا لي نقدر نوض و ماخفتيش ضري راسك ؟؟
المراهقة... لا ماخفتش ماعنديش علاش نخاف
*... ههه باقا صغيورة ، يالاه قلتي بسم الله ، باقا اتشوفي العجب فحياتك .
المراهقة ... مانظنش نشوف كتر من لي شفت
ابتسمات وقالت *... اش تكوني شفتي ، مثلا لي يخليك تحرقي ريتك و قلبك ، تشوفي لي شفتي مازاالك صغيرة على هاد الويل (سكتات شوية وقالت ..)...فخبارك كنت كنعرف واحد البنوتة فحالك ، زوينة و صغيرة و العمر كولو قدامها و كانت قريب ضيعو غير بخطأ صغيير ؟؟
المراهقة بفضول سولاتها ، ... زعما خطأ واحد يضيع عمرها كامل مانظنش ، ياكما تفلى عليها شي واحد ؟ سقطات فشي عام ؟ ياكما مشات للحبس ؟؟
*... ههه لا ماشي هاكاك كل خطأ ونتيجة ديالو ، هي كان الخطأ ماشي ديالها هي غير تݣدمات فيه و تناساتو يصحاب ليها عمرو يرجع ولكن رجع.
المراهقة ... صراحة شوقتيني نعرف هاد الخطأ ، بصح كتشبه ليا هاد البنت .
شافت فيها و فلكارو لي شادة بين يديها جاها كبيير على وحدة فعمرها ، هي دبا خاصها تكون فدارهم كدير كاسكروط باش تمشي تقاد تمارينها ، ماشي فجردة شادا لكارو و عينيها منفوخين بلبكا و كتقول هضرة كبر منها ، فكراتها فديك البنت ، البنت لي عمرها كبرات بقات ديما صغيرة.
*... اه كتشبه ليك ، شعرها قصير فحالك و غليوضة و قصيورة فحالك ، ( شافت للماكياج لي دايرة و لباسها المعري و اكسيسواراتها المبالغ فيهم ) تاهي كايعجبها الماكياج و الحوايج ، كانت فنة فحالك و سميتها ندى .
نطقات المراهقة بحماس ... فحالي تانا سميتي ندى والله واااو ، عاودي ليا قصتها عافاك اخالتو
،
ابتاسمات لحماسها طفولي و قالت *... نعاود ليك ولكن بشرط (حيدات الكارو من يديها وزطمات عليه تحت نظراتها ) هادا ممنوع ، باش نعاود ليك فراحتي اوكي ،
المراهقة ... اوكي،
سدات لكتاب ورا ما تنات طرف الورقة فين حبسات و حطاتو على ركاببها و سرحات بنظرها كتشوف فندى المراهقة مبتاسمة ، و بدات كتعاود بابتسامة دافئة و حنونة ، فحال ملامحها الجميلة ،
أنت تقرأ
🦋 هي الندى 🦋 (في طور تنزيل 💫)
Юморبــــــســــم الــــلـــه الرحــــمـــن الرحــــيـــــم ، بسم خالق الكون و المجرات ، نافخ الروح و الحياة ، باسمه تعالى أبتدي ، روي حكايتي ، بحروف نسجت احداثها ، من مخيلتي ، بلمسة واقعية في كل شخصية من شخصيات روايتي ، اقدمها لكم صديقاتي ، مع خالص...
