بــــــســــم الــــلـــه الرحــــمـــن الرحــــيـــــم ،
بسم خالق الكون و المجرات ، نافخ الروح و الحياة ،
باسمه تعالى أبتدي ، روي حكايتي ، بحروف نسجت احداثها ،
من مخيلتي ، بلمسة واقعية في كل شخصية من شخصيات
روايتي ، اقدمها لكم صديقاتي ، مع خالص...
فرااس الحومة ، صوت الزغاريت و دقايقية و العيالات كيصليو على نبي كيتسمع من لبعيد جاي من دار بلدية قدييمة وقفات طموبيل ديال حميد قدامها و خرجات سناء لي كانت صايكة،
لابسة جلابة مخزانية فالكحل براندة عريضة بلا زواق و طرزة جيهة صدر و الكمام مع فتحة الوسط ، طالقة شعرها زعر و دايرة شال خفيف على راسها و شربيل فرجليها فنفس لون جلابة عليه نفس طرزة ، سدات طموبيل و حركات راسها للي فطموبيل يخرجو تاجهات للور و حلات لباب وهزات بنتها صغيرة فاتن لي كانت لابسة جليليبة فحاال ماماها نفس لون و الخدمة ،
خرجات من جيهة لوخرا بنت فاوائل العشرينات بينها و بين حميد شبه رهيب نفس العينين الكوحل و نفس نظرة الصارمة و الملامح الباردة ، الفرق بيناتهم لون البشرة عكس حميد هي بيضاء البشرة فحال ماماها شعرها قصير كحل يالاه كيقيس كتافها رقييقة وطويلة فحال نورة تقريبا ،
لابسة جلابة فلمووف غالق مخيطة بلبرشمان و تحتها شبكة فنفس لون و سنسلة لاصقة على العنق فيها حجيرات فلغوز بارد على شكل نجيمات نفس شكل الكورميط فيديها خاتم خطوبة سامبل فلاغجونطي، و فيه الحجرة على شكل لوزة هازة صاك فغوز بيبي صغيير نفس لون صباط ،
اخر واحد هبط هو ست الحسن و الكمال لابسة سرواال جينز فاتح بوي فراند و لفوق طووب بسميطات رقااق و قصيرة مبينة كرشها عاد كويرة كحلة فوقها من ملامحها وتعابيرها كتبان مخيخة جايا و سيف على عنقها خرجات وهزات شكارة موراها و مشات بلاما تسناهم تنهدات سناء و فردوس دقة وحدة ، سدات لوطو و توجهو لدار كان لباب محلول،
دخلو كاملين وندى كتمشى بشوية هزات عينيها لقات واحد الولد يكون قدها فسن رقييق وقصير لابس شورط و تيشرط شعرو كيرلي و عينيه خضرين شافيها وخنزر مغزف عليها، فمو فيه ضربة برات وبقا لاطراس ديالها،
اما هي عضات على شفاتها تحتانية و هزات حجبانها باستفزاز و دخلات شافت فمها ،
ندى ... انا انطلع لبيتك نبدل حوايجي و نماكي عاد نهبط ،
خنزرات فيها سناء و قالت
سناء ... دوزي لمك سلمي وسيري تاشنقي راسك ندى ،
ندى خلاتها وطلعات فدروج لي مقابلين سطوان شافت سناء فبنتها لي كانت هازة فاتن فيديها وقالت.
سناء .. الله يرضي عليك الحنينة لاما تبعيها
ومات ليها بالايجاب و تبعاتها طالعا ، اما سناء ابتاسمات و دخلات كتشوف دنيا عامرة كانو مقسومين على جوج رجال بوحدهم و العيالات بوحدهم كانت دار بلدية كبيرة بساريات و شجر الوسط زيتونة و حامضة و لغرس د الورد و الخصة رخامية الوسط عامرة بلما و و فيها بتلات الورد منتورين فوق لما، دراري صغار كينقزو من قنت لقنت فرحانين بلقاءهم و صوت الاندلسي مطلوق على جهد ريحة عود ند دخلات صالة كانت عاامرة بالبنات والعيالات بكامل الأناقة التقليدية ،
دخلات سناء كتمختر بشعرها زعر شافتها مرة كبيرة كانت لابسة تكشيطة فلبيض ديال تليجة مع مضمة ديال ذهب و مصحف فعنقها وسرتلة فيد و نبالة كبيرة فليد لوخرى ، باين عليها سن ستينيات من تكميشات لي فوجهها نفس ملامح سناء و العوينات الخوضر ، باست ليها سناء راسها و عنقاتها بشوق،
فردوس 🖤🩶
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
