بــــــســــم الــــلـــه الرحــــمـــن الرحــــيـــــم ،
بسم خالق الكون و المجرات ، نافخ الروح و الحياة ،
باسمه تعالى أبتدي ، روي حكايتي ، بحروف نسجت احداثها ،
من مخيلتي ، بلمسة واقعية في كل شخصية من شخصيات
روايتي ، اقدمها لكم صديقاتي ، مع خالص...
صوت رنين المنبه كيعلن على وقت الاستيقاظ ، مدات يديها من تحت لغطا طفاتو وحيدات لغطا من على وجهها بملامح منتعشة من نسيم لي ضربها فوجهها ناضت طوات فراشها و مشات تقضي مسائلها بعد ساعة لاربع ، كانت كالسة على مائدة مستطيلة مقابلة مع باباها كتجنب تشوف فيه ، ماها كتمشي وتجي بزربة من لكوزينة كتجيب الفطور تاكلسات حداهم كتوكل بنيتة صغيرة تكون عندها شي عماين هكاك نحنح حميد وقال : ... احم فردوس مقارياش ؟؟
الام (سناء) .. لا عندها صباح خاوي ،
شاف فندى وقال : ... معاياش قارية العشية نتي ؟؟
ندى ... من جوج لستة.
حميد... نتي يوميا جوج لستة مكتقاضاش عندك ، مهم ملي تخرجي من المدرسه دوزي المحل بغيتك فشي حاجة.
ندى بتساؤل... شناهية هاد الحاجة ؟؟
ناض من فوق طبلة وقال: ... تال لعشية وتعرفي ، يالاه انا سبقتك لطموبيل (عنق مراتو بايسها من حنكها وقال كيوشوش فودنيها ) ايلا بغيتي شي حاجة عيطي ليا صافي تهلاي فراسك ، كنبغيك .
ابتسمت بخجل و قالت : ههه كن هاني طريق سلامة تهلا فراسك.
هادشي داز تحت عنين ندى لي ميقاتهم بملل ، وناضت تبعات باها تمشي لمدرستها . . . .
فوسط لقسم ساهية لبروف كيشرح وهي غايبة عن العالم تا ساطت بجهد خلات كلشي يتلفت جيهتها ابتسمت بجرح و قالت : ندى... موسيو نقدر نمشي لطواليط ؟
شاف فيها لبروف و حرك راسو بالايجاب ناضت بشوية كتكسول فلمشية ، كانت لابسة اونسومبل سبورتيف فصفر جيهت صدر على ليمن كارو صغير مكتوبة فيه بالبيض "be deferent" نفس كان تريكو قصير شوية وسروال مفضفض و فيه نفس الموتيف لي فتريكو مع طابلية بلا كمام و اير فورص بيضة جامعة شعرها من لقدام ومخلية لور مطلوق.
دازت جيهة سقاية و بان ليها ياسر تماك مع شي بنت مشات تال جيهتهم و ضرباتو لكتفو برفق وقالت بابتسامة دافئة بشوشة و نظرة حنونة :
شافت فيه البنت بغضب وقالت بزربة فحالا كتعرض داكشي لي كتقول ،: *... صافي سالينا حلفتي بلي مابيناتكم والو و بلي مكتبغيهاش ساعة نتا غير كداب وانا كي الحمارة متيقاك اخر مرة دوي معايا فيها .
شاف فيها ورجع شاف فندى لي كتهز حجبانها بسم للبنت وقالت : ندى ... لخلا و جلا الما وشطابة تال قاع لبحر خزيت.
شافت فيه و قالت: ندى ...اش هاد الاشكال د ن*م اصاحبي (قلبات عينيها كتعيبها) ننن سالينا نننن حلفتي ليا ننن يخ سيدة حاسبة راسها فمسلسل تركي اودي الله يعطيها العز اما دل راها فيه تفو على كنس .
اما ياسر كان باقي مصدوم منها لي كطيح عليه كي الباطل هز يديه باستسلام وقال : ياسر .... صافي اختي هالعار ركبتي فيا شيب لبارح مفلقاني ليوم شارياها ليا مع تويشية هالعار اختي شكون سلطك عليا .
ندى... انا هي دنبك اولد فتيحة انبقى تابعاك حياتك كلها غاتهنى ، المهم معاياش خارج ؟
ياسر ... مع طناش .
ندى ... فلعشية ؟؟
ياسر .... ستة علاش ؟؟
ندى ... صافي تسناني انهبط لحومة نهبط معاك (تاكانت غادة ورجعات وقفات حداه ) و بعد على القاصرات راه فيهم غا المشاكل ،
تمشات كتمختر تال قسمها ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
