بــــــســــم الــــلـــه الرحــــمـــن الرحــــيـــــم ،
بسم خالق الكون و المجرات ، نافخ الروح و الحياة ،
باسمه تعالى أبتدي ، روي حكايتي ، بحروف نسجت احداثها ،
من مخيلتي ، بلمسة واقعية في كل شخصية من شخصيات
روايتي ، اقدمها لكم صديقاتي ، مع خالص...
التمرد كيخلق ليها طابع خاص بيها لي هو التفرد و التميز بالنسبة ليها و صلو حدا البحر مبعيدش عليه جامع و من جبهة لوخرا اوطيل و قهااوي عاد لافوار بعيدة عليه شوية وقفات ونزلات حيدات الكاسك كتحرك راسها يمين شمال و جبدات سنسلة كتسورت الموطور و جيمي حداها كيلهت تاوصل ياسر هو ونورة قداد لموطور وجاو جيهتها ،
شافت نورة لكيت فودن ندى وقالت :
نورة ... بالله عليك باش عرفتي ندى طالقة نتي سبابي و سباب بلايا،
رد عليها ياسر مخسر وجهو ...هي بعدا طالقة خالد، نتي طريق كاملة طالقة ليا نانسي و لا منعرف جد مها اش.
ضحكات ندى ... وااايلي رداتك سندس خاصك غا عكير ،
ياسر ... تحركو تحركو براكا من دودودو،
و صلو جيهة صخر و وقفات عليهم ندى كي العسكري،
ندى ... واااالو بربي تاتصوروني انا و الحطة
ياسر ... شوفي مع نورة انا ماكنعرف تا نشد تيلي عاد نصور
شافت عند نورة لقاتها حالة شكارة و هازة حجبانها بحماس تا جبدات كاميرة صغيرة ،
شهقات ندى وقالت ندى ... ماااااح عليك الحوووب ،
نورة ... و تقادي ونتي كتوحوحي عليا تماك ،
ندى ... هي لولا ،
وقفات كتقاد وتعوج مرة توقف مرة تكلس مرة تعنق جيمي وسط لبحر دارت ليها تا فيد و هي كتجري بالقفطان و تلعب و شي تصاور هي وياسر طلعات ليها فحال شوتينغ بالخصوص نورة فنانة فتصوير عندها هواية ملي كانت صغيرة كتحماق تقاد وتصور و تبين الحاجة من زاويتها و منظورها هي ، سالاو و رجعو لبلاصتهم كتوريها ،
نورة ... راه صورتك تاباش كنتي فوق لموطور صراحة جاوبو مقييودين ( هزات راسها بتعالي وقالت ) اووودي انا لي مقودة .
ندى... وااايه اساطا راك ضايعة برب عندك موهبة فيدك، وقف ياسر كينصل تيشرت و شورط ،
غمز لندى فهماتو و فسخات الحزام و نصلات القفطان خلاو نورة غا حالا فمها ،
ياسر... سكتي سكتي باركة من هضرة كاين شي فاحشة قدك.
ندى مدتهاش فيها بقات بديباردور لاصق سماطي فلكحل و شورط سيكليزم قصير تاهو كحل جمعات لقفطان فشكارة دياسر هو وطالون بقات حفيانة تاتلاح ياسر و تلاحت موراه كتعوم بقات نورة غا مصدومة منهم وهوما كيعومو فهاد لبرد مرة مرة كيجبدها من رجليها تا كتغوت ولا تلاح عليه تخنقو كيضحكو بمرح و نورة كتصورهم ،
بقاو شي ساعة تاتهدو و عياو عاد طلعو كيقفقفو خدا ياسر فوطة ديال لبحر كبيرة تلوا فيها و جر حداه ندى معنقها وملويها عليها ،
بدات نورة كتجبد الماكلة لي جابت ندى مع كانت ملوية فپاپي اليمينيوم كل واحد شد خبزة و كاس دالموناضا كياكلو مع البحر كيجيب جوع مخلطين فلخبزة دجاج و لحم كياكلو متلذذين بالمذاق اما ياسر لي كيتسطا على ماكلة العراسات اما تانورة كلات غير نص و هوما قسمو نص لاخر سلاو الخبز دازو الحلوى و ديسير كلاو و شبعو و ناضو كيغنيو وخا تا واحد فيهم ماعندو شي صوت ولكن هانية مزهيين طرح،
كلهم بصوت وااحد كيغنيو :
***... نتي ضري ونتيييي دوا ... يالي قلبي علييك نكوااا ... لوكان نعيش ma vie deux fois jamais je n' aurais marre de toi ... Jamais je n' aurais marre de toi... فينك ياطير ياطير ياا مسك الجنة و فييينك يا غزال يا غزااال لي معاك نتهنا .... و فييينك يااااطير يااطير لي معااك نتهنا ، فيينك ياااغزال يالا غزااال ياااامسك الجنة ، ونتييي ضرييي واانتي دوااا............***
حبسو لغنا كيضحكو تسمع الهاراج موراهم كانو شي دراري كيلعبو كرة شافت فيهم ندى بابتسامة تاحط ياسر يدو على كتفها وقال : ياسر... تبغي تلعبي ؟؟
هزات راسها بالايجاب مد ليها يديه نوضها و خلاو نورة كتصور و مشاو كانو شي عشرة ديال دراري لاج ديالهم بين 18 تال 25 ،
وقف ياسر سلم عليهم و طلبهم يلعبو معاهم شوية ، استغربو من ندى لي باغا تلعب ولكن رحبو بيهم و نورة كتصورهم فرحانة ، بداو لعب وندى كتجري وتباصي لياسر بزربة عجباتهم طريقة دلعب خفيفة و و كتعرف تراوغ تا عيات و ودعوهم و رجعو لبلاصتهم كينهجو و ندى كضحك بحماس،
نورة ... اتبارك الله على نيمار ههه
ياسر ... وازدتي فيه نيمار كاع هههه ،
ندى... انا حسن منو ، وياالاه نوضو ،
شاف فيها ياسر ... انرجعو دبا ؟
ندى ... نبك يالاه للافوار،
ياسر ... من نيتك ، ماشفتيش شحاااال ساعة امادموزيل بغينا نباتو،
