خرجات كتبركم ، تاتنهدات الام بقلة حيلة و رجعات كتكمل شغلها مشات ندى بيتها هزات تيلي ديالها كتشوف لومبلوا و شنو عندها عاد وقفات قدام لبلاكار كتشوف معوجة فمها بحيرة، تاشافت واحد الكسوة دلخيط ربيعية فلمارو فاتح حد ركبة لاصقة على لجسم كول V بصديفات صغار فنفس لون لكسوة و مشات لجهة لمجر خدات ليبة شفافة حيدات حوايجها و لبساتهم كتشوف مع المراية لي كانت فلقنت ديال لبيت طول منها بشوية كتقيس فجنابها وتشوف كي جاتها، بانت على وجهها ابتسامه رضى، جاتها على طايتها هي هاديك مبينة منحنيات جسدها و معالمها الأنثوية في طور النمو،
مشات لمجر جبدات پلاك حطاتو يسخن شوية شافت ساعة لقاتها لوحدة نيشان مشطات شعرها وبدات كتصاوب فيه تاسلاتو و دهناتو بسيروم دشعر ،
دارت ايكخون و كلوص و هزات شكارتها حطات فواحد جيب عكار و كلوص لونو غامق خدات ريحة رشات منها و حطاتها فشكارتها زادت تا ايلاينر و ديماكيو و قطن ، مشات لواحد لقنت فلبيت كانو فحال رفوف فيهم صبابطها هزات دي بوط طوال ،لبساتهم وهزات طابلية ديالها لبساتها وخلاتها محلولة رجعات لمجر خدات سنسلة فيها فراشة مع خاتم بنفس عمارة سنسلة دارت شكارتها فضهرها
و خرجات من لبيت لقات ماماها رجعات لخدمتها سورتات باب بيتها و مشات لكوزينة لقات لغدا مغطياه ليها ماماها ميقات فيه و رجعات غطاتو هزات صرف كان فوق لمسطرة و خرجات ،
دوزات لابيل كنتسنى تاسمعات صوت انثوي كيقول :
*.... الوو! ندى ،
ندى .. الو نورة كيدايرة صافا بيخير ؟.
نورة .. صافا بيخير و نتي ؟
ندى... صافا صافا ،قوليلي قارية هاد لعشية ؟؟
نورة ... لا كان عندي غير لماط مغنمشيش شبان ليك نخرجو ؟؟.
ندى . بابتسامة... داكشي لاش لقيتيني معيطة ليك انا اندوز لعندك دبا صافي ؟
نورة .. صافي دوزي دوزي
ندى .. يالاه بسلامة
قطعات معاها وخرجات من دارهم سدات لباب و مشات بزربة كانت المسافة بين دارهم ودار نورة شارع واحد طلعات العمارة ديالها تاوصلات لبابهم و بدات دق حلات ليها بنيتة صغيرة رقيوقة و قصيورة شافت ندى ميقاتها و كحزات باش دخل حيدات لمصاصة لي كانت ففمها و قالت بنفخة كتهضر من نيفها :
... نورة فلبيت كتسناك مسي....
خلاتها ندى كتهضر ومشات لبيت دقات حلات ليها نورة كانت طول من ندى شوية و رقيقة عليها لابسة طوب نازل على الكتاف ضهرو مشبك و سروال تجين سليم مع صباط طالون من ملامحها كتبان كبيرة على ندى فاوائل العشرينات شعرها طويل و كحل فلون عينيها المجبدين و مسحوبين نيفها رقيوق فحال شفايفها و عندها حفيرات زيين ، خمرية البشرة ،
دخلات ندى ورجعات هي كتكمل لميكاب ديالها ، زاحماتها ندى كتخفي حبوب وجهها لي معقدينها و بدات كترسم الايلاينر بتركيز تا قاداتو و ابتسامة رضى على وجهها ، هزات مساكرتها وكطلع فرموشها بطريقة خلات عينيها تبان واسعة و فاتنة هزات لانجيت مسحات لكلوص لي كانت دايرة طراسات فمها ب lip liner فلمارو و دارت عكار بلون فتح منو وبدات مدمج شفايفها بفرشاة عاد زادت كلوص شفاف فوق منهم بين شفايفها كبر بقات كتأمل وجهها عوينات لقطة لي عندها ولونهم لمايل للخزي ،حنيكاتها المطيبزين ،
أنت تقرأ
🦋 هي الندى 🦋 (في طور تنزيل 💫)
Humorبــــــســــم الــــلـــه الرحــــمـــن الرحــــيـــــم ، بسم خالق الكون و المجرات ، نافخ الروح و الحياة ، باسمه تعالى أبتدي ، روي حكايتي ، بحروف نسجت احداثها ، من مخيلتي ، بلمسة واقعية في كل شخصية من شخصيات روايتي ، اقدمها لكم صديقاتي ، مع خالص...
