دخل باها شاف المنظر وابتاسم مشا وباس ليها راسها وقال
حميد ...الله يرضي عليك و يخليك ديما ضاحكة و مايشتقك سيدي ربي فحاجة ،
خدات يديه وباستها من جوج جيهات بقا مدة وهو خدام وهي كتعاونو مركبة جاد ضهرها تاجا حاتم كيضحك مفرمش
حاتم ... ها ندى ماما جات ،
ندى ... بابا انا اندي جاد لسكينة ونجي،
حميد وما ليها بالايجاب ، ومشات كتشوف مع جاد لبيي وصلو لواحد دار قديمة شوية لباب ديالها مقشر حلوه ودخلو كانت واحد لكليسة بلحوفة فسطوان طلامطهم فلخضر كاشفين و طبلة دلخشب زرقة و مقشرة دايرة لوسط ،
كانت مرة فاواخر العشرينات لابسة جلابة بسفيفة فلغوز مربعة من جيهة الكتف و دايرة شال فلكحل مكمش حفيانة حاطة رجليها على ضس كيبردو شوية كيبانو مدبورين حداها صابو كولو تقشر و تكعص بكترت لوقيف،
متكية على المخدة و دايرة دراعها فوق راسها مغمضة عينيها سمعاتهم وحلات عينيها شافت ندى هازة جاد فلحمال و ابتاسمات بدفئ و قالت :
*... سعدي و فرحي بمو دراري (خدات جاد من عندها وقالت ) سيري الله يغطيك برضا و يفرشك برضا و ينقي ليك طريقك من شوك ،
باستها ندى من حنكها و ابتاسمات ليها و خرجات مع حاتم كلسو فيا واحد دار وجبد لبينطوس وجبدات تاهي وبداو كيلعبو كتسمع راق راق باق وهوما كيخبطو شي نص ساعه توني كان صفر ولا كري بلوسخ.
تاتجرات من لكول يالاه اتبدا تسب وهي تقول دارت ابتسامة عريضة وقالت :
*.... اهلا اهلا اهلا بسليفي العزيز شافتنا بركة و غبورات هادو غبرتي تاقرب يهرب ليك لوين.
دوا بصوتو الغليض مع حاتم وقال
*... تحرك لداركم نتا (ضار عندها وقال ) نتي مناوياش تسالي هاد تبرهيش لي فيك،
قلبات عينيها بملل كتنفض حوايجها ، كان دري فأواسط العشرينيات ، طويل و سمر وعامر ملامحو قريبة لملامح حمييد و واخدة شوية من ياسر،
داير تحسينة العسكر ، معندوش لحية غير كويديمة داير سنسلة ديال نقرة رقيقة فعنقو لابس شوميز كحلة مع سروال توب فرمادي و ساعة دجلد فيديه كحلة و خاتم خطوبة دنقرة ،
شافت فيه وقالت :
اشمن تبرهيش راه غا كنعيشو. طفولة شحال فيك ،
*... واحد ختك كيدايرة لاباس عليها ،
مدات ليه زريعة حرك ليها راسو بلا هزات كتافهاا وقالت وهي كتنقي زريعة
ندى... مسكينة باتت كتهتهت بسخاين مخلات كاع ماما تنعس ،
ضار شافيها بصدمة. وخوف وقال.
*... اواااه علاش شنو عندها كيدارت تاجاتها ؟؟ واش ضربها البرد؟؟
ندى ... لااا اصاحبي راه كتنوض سنان،
ماحساات براسها تا جاتها تقرفيدة لراس ،هزات راسها مقصحة لقاتو مخنزر وقال
*... نتي ماغا تنقصيش هاد تبهلة لي فيك راه انصمك حسك كندوي معك على فردوس،
أنت تقرأ
🦋 هي الندى 🦋 (في طور تنزيل 💫)
Humorبــــــســــم الــــلـــه الرحــــمـــن الرحــــيـــــم ، بسم خالق الكون و المجرات ، نافخ الروح و الحياة ، باسمه تعالى أبتدي ، روي حكايتي ، بحروف نسجت احداثها ، من مخيلتي ، بلمسة واقعية في كل شخصية من شخصيات روايتي ، اقدمها لكم صديقاتي ، مع خالص...
