وهي ترد عليها ندى ... هوما مجلجين انا مالي ، زايدون يفوت ولدك الكاطريام لي خاوخ فيه و ديك ساعة يدير تا لانازا انا بابا قالي الله يسر ليك .
الخالة ... ايوا غي نصحتك ابنت ختي .
ندى ... ايوا الله يجازيك بالخير اخالتي.
و ميقاتهم كالسين ليها على قلبها تا بانت ليها غزلان وناضت كتسلت لعندها ،
ندى ... غزلااان ،
غزلان ... نعام؟
ندى ... تسنايني انا جاية .
وقفات كتسناها و مشاو بجوج هبطو فدروج كيوصلو لتحت دار كانت واحد الكليسة مقابلها بيت و تحت دروج كاينة طواليط و من جيهة لوخرا كانت كوزينة بلدية كبيييرة دنيا مرونة و طناجر و ريحة طيابات مشات كتبركك و هي تشوفها محنية كتقلب فدجاج ،
مشات عندها وعنقاتها تقفزات وقالت بمزاح
ندى ... الاالة عيشة النهار مشا حطي لناس تتعشا.
بتاسمات المرة وقالت
عيشة... الفنة الغزالة ندى ، كيدايرة ابنتي لاباس عليك، واحد فتيحة لاكتشوفيها ،
ندى ... لاباس اخالتي ، شوفي خالتي بغيتك فواحد الغرض .
جمعات حجبانها بتساؤل و قالت .... اماهو ابنتي .
ضارت ندى شمال و يمين و قربات كتوشوش ليها فودنها و عيشة كتهز راسها بموافقة وقالت
عيشة ... كوني هانية دوز شي نص ساعة هكاك و أجي ليهم .
باستها ندى من حنكها بجهد ،
ندى ... سيري انا بغيتك لي حجة.
ضحكات عيشة... امين ازينة هاا وجيبي معاك فين ديريهم .
جاوبتها وهي غادة ... وخاااا ،
شدات فغزلان لي مستغربة شنو بغات ندى من عند طيابة و لكن ماقدراتش تسولها و خلاتها اما ندى طلعات كتجري لبيت مها دخلات جبدات حوايجها خشاتهم فلماريو هوما و لاتخوس دالماكياج حيدات طوانك بقات غا بسنسلة لي علاشكل هلال حداه البدر ،
خلات غا لكويرة و شكارة خاوية نسات وبقات بطالون تاوصلها مساج فيه :
💬: " Hna wslna atl9ayna fin knklsso dima"
جاوبات ب ok
، هبطات لتحت بانو ليها الكراطن دلحلوة هزات وحدها حلاتها كبقشش فيها بانو ليها شكلات دلوز و صابليات هزات تلاتة ديال الكراطن و دارت كتقلب تابانو ليها القراعي د الموناضا هزات جوج وحدة سبرايت و وحدة كوكا و مشات عند طيابة مدات ليها بلاستيكة فيها تلاتة دلخبزات كبار خداتهم من عندها وشكراتها دازت لديسير هزات منو تاهو وبدات تستف فشكارة تادكساتها عاد طلعات كتسلت لبسات لكويرة وخرجات ،
كتجري نييشان لواحد وسعة كبيرة فحال شي خربة ،
لقاتهم كالسين وحداهم جوج ماطر وكلب شيان بوليس وقفات وسلمات عليهم وقالت
أنت تقرأ
🦋 هي الندى 🦋 (في طور تنزيل 💫)
Humorبــــــســــم الــــلـــه الرحــــمـــن الرحــــيـــــم ، بسم خالق الكون و المجرات ، نافخ الروح و الحياة ، باسمه تعالى أبتدي ، روي حكايتي ، بحروف نسجت احداثها ، من مخيلتي ، بلمسة واقعية في كل شخصية من شخصيات روايتي ، اقدمها لكم صديقاتي ، مع خالص...
