••••[ أحداث من الماضي ]••••
وسط الثانوية تأهيلية ، صوت الجرس كيعلن على انتهاء فترة الاستراحة و أغلبية التلاميذ توجهو لأقسامهم تابدات ساحة كاتخوا شوية بشوية ، فأخر الكولوار د طابق سفلي كانت واقفة قدام مكتب الحراسة العامة حاضية الحارسة العامة ،لي جاية مجمعة مع الأساتذة تاوصلات المكتب لمحاتها واقفة وشافت فيها ساخطة و حلات المكتب كتنكر ، جلسات فمكتبها الخشبي عليه لوازمها وملفاتها اية قرآنية فكادر و لوحة صغيرة مكتوب عليها "حارسة العامة ذة :كريمة الوراقي" هزت نظاظرها ولبساتهم كتكتب فواحد الملف وكتهضر فنفس الوقت مخاطبة البنت لي واقفة قدامها
كريمة... اش خاصك ا الوكيلي ؟
جاوباتها البنت بنبرة منخفضة حادرة عينيها و كتلوي صباعها من توتر
*..بغيت ...امم .مادام خاصاني ورقة دالغياب .
هزات الحارسة عامة راسها وقالت باستهزاء
كريمة .. شكون مات دبا مول الحانوت لي حداكم ؟؟
هضرات البنت كنحاول تستعطفها مخبية يديها على الحارسة،
*...خرجاتني لفرونسي على قبل الغومو،
كريمة .. وفين بسلامة هاد الغومو؟
جاوباتها بتعابير متأسفة
*... عطيتو لواحد لبنت كتقرا معايا و مجابتوش ليا هادي شهر و مبقاتش كتجي.
كريمة ... كي شفتي نتي بسلامة و العافيه كتجي ،
تنهدات و هزات ورقة من لي شبيكة فيها وريقات صغار بويض و كتبات سميتها "ندى الوكيلي 1SEG3" و تاريخ و طبعات بطابع المؤسسة .
هزات عينيها فيها ونطقات بنبرة تحذيرية
... لمرة جاية منتفك معاك تاتجيبي ليا والي امرك باك ماشي مك.
ضربات جيت ودنيها وقالت
...هاودني منك شدي يالاه قيسمك.
خداتها منها بفرحة و قالت
ندى ... شكرا مدام .
وخرجات كتزرب مع فاتت المكتب شوية حلات صدايف طابلية دقة وحدة تسمعات "طراااق " و حيدات البانضة طلاقات شعرها كتقادو بيديها و مشات كتمختر بابتسامة مغرورة تا لجيهت ملعب الباسكيط بقات كتحول عينيها كتقلب على واحد شخص تلقاتو كالس فواحد لقنيت مخبي تمشات بشوية و وقفات عليه
ندى... هيييه شكادير هنا،
تفعفع تطيح لكارو من يديه و دار تيشوف شكون غير عرفها شنق عليها مغزف
*... الله يعطي لمك العداب يابنت الحرام ،
طلقها و هبط هز الكارو كينفض فيه و دارو ففمو كينتر منو عاد طلق دخان وقال :
*... البرهوشة مقارياش ؟
ندى : عندي غا اجتماعيات دبا ،
*... ومالها ماشي مادة دخلي ليها اش درتي فلغياب ؟
هزات ليه حجبانها بابتسامة و مدات ليه ورقة سماح بدخول بجوج صبعان وقالت بغرور:
..شوف ، ندى ومن لايعرفها
أنت تقرأ
🦋 هي الندى 🦋 (في طور تنزيل 💫)
Humorبــــــســــم الــــلـــه الرحــــمـــن الرحــــيـــــم ، بسم خالق الكون و المجرات ، نافخ الروح و الحياة ، باسمه تعالى أبتدي ، روي حكايتي ، بحروف نسجت احداثها ، من مخيلتي ، بلمسة واقعية في كل شخصية من شخصيات روايتي ، اقدمها لكم صديقاتي ، مع خالص...
