باست ليها سناء راسها و عنقاتها بشوق ،
سناء ... مااا كيدايرة لاباس عليك بيخير
جاوباتها بصوت رقيق و قالت
الجدة ... لاببااااس ياالحبيبة فاينم لبنات؟
ابتاسمات سناء وقالت :
سناء ...هاهوم جايين،
الجدة ... جات معاك لفيعة دندى؟
عبسات سناء و قالت بعتاب
سناء ... علاش كتقولي عليها لفعة اماما وراه جات ،
الجدة ... ايوا على الله مادير لينا تاني تافضيحة تشوهنا مع ناس ،
حركات راسها بالايجاب طلع ليها دم وطاح ليها المورال و مشات سلمات على خواتاتها مبتاسمة بتكلف و عيالات خوتها شي كيصكاني فشي ،
اما لفوق لالة ندى لبسات قفيطن جوهرة فلبيسطاج مايل للخزي نفس لون عينيها مخيط بسفيفة ،شعرها ديجا كانت صاوباتو بوكلي فدار ،
ختها كالسة فوق الفرشة كتلعب مع فاتن و هي واقفة مع المراية ،
كان فراش لبيت عادي ناموسية متوسطة مقابلها ماريو مصبوغ فلباج و كوافوز نفس شكل كادر ناموسية و فوتوي صغير فالقهوي و بولة لفوق كان لبيت مضوي و شراجمو كبار مسدودين ونازل ريدو فلبيض شفاف ،
عكرات بلون مايل للقهوي و زادت فوقو كلوص و ايلاينر طويل و رقيق و ماسكرة طلعات بيها شفارها مزيان و هايلايت فدمعة العين و على الحناك و نويف مع فغاجو فلون الخوخي رشات ريحتها ،
ضفارها مصبوغين فلحمر و صندالة دطالون ناضت كان القفطان جايها على فصالتها مع حزام المجدول و فيه لفتاحي فجناب مبينين رجليها شافتها فراسها برضا عاد خرجات و تبعاتها فردوس هازة فاتن ،
شافتها ندى وساطت بسخط كتمتم،
ــ ندى ... تفووو دايرين ليا الحراسة،
هبطات وهي تشوف غزلان و هبطات كتجري كانت لابسة تحتية فلكري مخيطة براندة لواية و طالقة شعرها القهوي طوييل و عكار فلحمر و مكحلة عينيها لابسة سنسلة رقيقة فيها فراشة و طوينكات فنفس شكل واقفة تانقزات عليها ندى من لور قفزاتها ،
ندى ... بااايبييي اي ميييس يووو،
غزلان ... يابنت الحرام قفزتيني اتسكتي لجدمي لقلب هوووف .
شافتها بنظرة اعجاب من القفطان كي واتها و ماكياجها لي جابها بوومب ،
غزلان... هاي هاي هاي على نونا ديالي جييتي قرطاسة ااحححح عليك كتبااني فنة ماشاء الله تبارك الرحمن
عززات ليها تقتها براسها وزادتها غرور على غرور
ندى ... بتأكيد نكون فنة (شافت فيها وقالت ) شفت دنيا صاقلة فين شعبي و الهيت،
غزلان... لعريس مابغاش قوة صداعات ،
قلبات عينيها كتفرفر بشفارها و المومو دعينيها مابقاش كيباين و قالت بسخرية
ندى ....ههههاهاااهاااي هالي قالت شوافة .
[دارت صبعها فلسانها و شرطات فلحيط،]
ندى ... هانا هانتي لاما دوز عليها سراط انا ماشي ندى من دبا لحكامة و قلة ليقامة .
قاطعاتهم فردوس ... ختي براكة من دودودودو ونتي لا كسيريتي اش جاب ماحبسك زيدي قدامي .
تنترات منها ندى وقالت ... مغادا فين معاك سيري بعدي مني .
غوتات عليها فردوس كارزة على سنانها ... من نيتك دوزي تسلمي اقليلة الاداب .
ندى بالغوات ... وااااابصحتي لاكنت قليلة الادااب غا بعدي مني .
فردوس كتسوط ... واااموصيييبة مع هاد البرهوشة هاد نهار .
تدخلات غزلان كتبرد الطرح .. هانتي شوفي ندى سيري سلمي عليهم بزربة و نكلسو انا وياك صافي .
ضربات فيهم ومشات مخنزرة وفردوس تابعاها ساخطة من تبرهيشها دخلو لصالة و توجهو الانظار ليهم دورو عينيهم ،
فردوس ... سلام عليكم ،
و دخلات كتسلم على خلاتها و عيالات خوالها و ناس لي كتعرف اما ندى تاكتحمر فيها سناء عاد كتسلم بنفخة فحالا فيهم شوك تاسلاو و كلسو حدا مهم كان أغلبية ملامحهم قريبة لملامح سناء وندى لي متميزة عليهم بلونها الخمري، كالسة دايرة رجل على رجل و هازة نيفها لسما ،
وهوما كيهضرو جابولها لقنطة تاوصلها ميساج فلواتس خلاها تبتسم بمكر و جاوبات كضحك تانطقات جداها
الجدة ... بسم الله عليك ابنتي كضحكي غبوحدك ضحيكينا معاك ،
حبسات راسها متردش عليها وقالت بضحكة صفرة
ندى... شي حاجة خاصة الميمة.
نقزات خالتها ... ايوا قوليلي اندى فين كتقراي ؟؟
ندى ... فالمدرسة .
بيضات سناء عينيها و خالتها ضحكات بحرج وقالت
... لازعما فين وصلتي ؟ اينا مستوى ؟؟
قلبات عينيها كتميق وقالت... سيزيام،
الخالة ... اينا شعبة دايرة ؟
ساطت ندى بجهد وقالت ... الايكونومي
وهي تقول خالتها وحدا اخرى
... وييييلي كن درتي سيونس ماط كتقراي مع المجلجين .
يتبع ...
Vote 💫 commentaire 💬
أنت تقرأ
🦋 هي الندى 🦋 (في طور تنزيل 💫)
Comédieبــــــســــم الــــلـــه الرحــــمـــن الرحــــيـــــم ، بسم خالق الكون و المجرات ، نافخ الروح و الحياة ، باسمه تعالى أبتدي ، روي حكايتي ، بحروف نسجت احداثها ، من مخيلتي ، بلمسة واقعية في كل شخصية من شخصيات روايتي ، اقدمها لكم صديقاتي ، مع خالص...
