غادة بكل هدووء هازة صاك ديال لحوايج و صكادو فضهرها كتمشى ،وسط الحومة كتلعب بحجرة فطريق ولي داز تسلم عليه ، توصلات قدام دار متكونة من سفلي وجوج طوابق مصبوغة بلكري و مصلوحة جديد ، صونات تاسمعات صوت مراة كيقول شكووون جاوبات،
ندى ... خالتي فتيحة انا ندى ،
تحل لباب و دخلات لقات مرأة فالأربعينات لابسة بيجاما طويلة مقطنة دلبرد و زيف حياتي سميمرة شوية حروفها كحلين و غليضة ، عنقاتها بحرارة و دخلات معاها لكوزينة كتهضر بحماس،
ندى... توحشتك توحشتك توحشتك بزاااف كون تشوفي قداااش،
فتيحة كدور فراسها وطلق فلمسمن،
فتيحة ... اييييه عليها كتقولي تجي عندي شوية تفاجي عليها لقنط لي دايرين ليا هاد لحتارف حرااام يهضرو .
ندى... تانتي لعطلة كلها انبقى معاك تاتجري عليا،
فتيحة ... اوهو مانجريش على لكبيدة ديالي جابك الله تفطري معايا عمك راه لحق على باك لبلاد ودوك لغاملين مايفيقو تال لعصر ،
سالات فتيحة لمسمن بطياب وصاوبات ندى أتاي هزات صينية و داتها لبيت لجلاس و رجعات كتكمل و تحط فوق طبلة وكلسو يفطرو،
فتيحة... ايوا كيدايرة واحد ماماك و خواتاتك لاباس عليهم ؟ واحد فردوس غابرة لا برية لا تليفون ؟؟
ندى .. ايوا غا مع الخدمة و شغالات و القراية ،قوة فريع راس ،
فتيحة ... كي داز عرس لبارح فدار جداك ؟؟ شكون تجوج ؟
ندى ... والله ماعرفت كيداز مشيت جلست نص ساعة ودرت ليهم من هنا دازو قاااليييك بنت خالت ماما ديك لي كانت خدامة فاتصالات،
فتيحة (باهتمام)... خدات شي حد خدام معاها؟،
ندى ...تؤتؤ قالت ليا غزلان داها ميصري (هزات فتيحة حجبانها بتفاجئ) اييه لبارح دايرين لاكط سكوتي باينة فيه حااكم طرح،
فتيحة ... هي قد فردوس ختك لا ؟؟
ندى ... لالا كباار منها هاديك فاتن بنت حبيبي لي قد فردوس،
فتيحة... فكرتيني فيها شحاال ما شفتها كانت لمرحومة مها صاحبتي وتاعت قلبي،
ندى ... الله يرحمها ، تابنتها الله يعمرها دار ضريفة ، عرفتي كتحمق بزيين، ..
يلاه غاتهضر تالقات هيثم جاي كيتكسل شافها وقال
هيثم ... بايتة تحلمي بينا جايا على نبوري،
ندى... غامن لمحبة والله ،
هيثم( كيكب لقهوة) ... زعما زعما ماهارباش من مك،
سرطات ريقها ودارت ضحيكة صفرة
ندى ... مالي قات&لة كينيدي باش نهرب اش درت ؟؟
هيثم... لا غا لبارح خليتي مك عقلها ايخرج و زدتي خلفة نتي وداك راس لحمار مارجعتي تال اخر وقت ،
أنت تقرأ
🦋 هي الندى 🦋 (في طور تنزيل 💫)
Humorبــــــســــم الــــلـــه الرحــــمـــن الرحــــيـــــم ، بسم خالق الكون و المجرات ، نافخ الروح و الحياة ، باسمه تعالى أبتدي ، روي حكايتي ، بحروف نسجت احداثها ، من مخيلتي ، بلمسة واقعية في كل شخصية من شخصيات روايتي ، اقدمها لكم صديقاتي ، مع خالص...
