❣️အချစ်ကွန်ချာ❣️{Part--100}
*******❣️********
သော်ကငြိမ်စံအိမ် 4:00 PM
" တီ............"
" ဦးရိပ် ပြန်လာပြီ "
ကားဟွန်းသံကြားတာနဲ့ ထမင်းစားရင်း ပြေးထွက်သူက ခါးပင်။
ရိပ်မှာလည်း ကားပေါ်ကဆင်းပြီး နောက်ခန်းမှ ပစ္စည်းထုပ်တွေယူနေတုန်း အသံစာစာလေးဖြင့် အော်ကာ လာကြိုသူလေးကြောင့်
အမောတို့ပြေရသည်ပဲ။
ဘယ်လိုနေနေ အချစ်တွေသာ ပိုပိုတိုးလာရသည်က နှိုင်းပြစရာတောင်မရှိ။
" ဦးရိပ် "
" ဗျာ ဗျ ၊ ဘာတွေစားနေတာတုန်း ကလေး"
သာထူး လက်ထဲ ပစ္စည်းထုပ်တွေထည့်ပေးကာ ငယ့်အား ရိပ် ပွေ့ချီရင်း မေးလိုက်တာဖြစ်သည်။
" ထမင်း "
" ဘာနဲ့စားတုန်းဗျာ "
" ထုပ်ထုပ်နဲ့စားတာ "
" အာ "
ဘာပြောမှန်းမသိ၍ ရိပ် အသာပဲပြုံးနေမိတယ်။
ထမင်းပန်းကန်ကိုင်ပြီး အိမ်ပေါ်တက်လာသည့် ရိုင်းအား
" ခြံထဲမှာ ကျွေးတာလား ရိုင်း "
ရိပ် အမေးကို ရိုင်းက မျက်နှာရှုံ့မဲ့ပြကာ
" ဘယ်ကလာကွာ ၊
သူ လျှောက်ပြေးနေလို့ လိုက်ကျွေးရတာ
ခြံတစ်ပတ်ပြည့်ပြီ ငါ့ကောင်ရေ ၊
အလုပ်သမားတွေကို တွေ့တော့ အရင်လို
ကြောက်ပြီး မပြေးဘဲ
ရေတံခွန်ထဲက ကျောက်ခဲတွေနဲ့ ကောက်ထုနေလို့ အလုပ်နားခိူင်းထားရတယ် ၊
တကယ့် ဟာလေး "
ပြောလည်းပြော ဆိုဖာပေါ်လည်း ခြေပစ် လက်ပစ် ထိုင်ချလိုက်သည်။
ရိပ်မှာသာ ရိုင်းပြောပြသည့် ကိုယ့်ချစ်ရသူလေး၏ ထိုအပြု အမူကြောင့် မရယ်ဘဲ မနေနိုင်ခဲ့။
" အဟွန်း...ငယ်လေးကတော့ကွာ ၊
ထမင်းက ဘာနဲ့ကျွေးတာလဲ ရိုင်း "
" ပုစွန်ငါးဆုပ်ကို မုန့်ညှင်းနဲ့ထုပ်ပြီး ပေါင်း
တာရယ် ၊ ပုစွန်ထုပ်ရယ် ၊ ကင်မွန်းချဉ်ရွက်
ဟင်းချိုလေးရယ် ၊
ဘာဖြစ်လို့လဲ "
" ဪ...မသိပါဘူးကွာ ၊ ငါမေးတော့
ထုပ်ထုပ်နဲ့စားတယ်ဖြေလို့ "
YOU ARE READING
အချစ်ကွန်ချာ
Romanceမာယာများတဲ့အချစ်ကြောင့် နောက်ထပ်မချစ်မိအောင်မာယာေတွနဲ့ကာကွယ်တတ်ခဲ့ပေမယ့် မင်းရဲ့ ဖြူစင်ရိုးရှင်းတဲ့ချစ်ခြင်းကတော့ ကိုယ့်နှလုံးသားရဲ့အကာအကွယ်နံရံတွေကို ပြိုပျက်စေတဲ့အထိ နူးညံ့စွာအင်အားပြင်းလွန်းခဲ့တယ် ( လရိပ်မြှား ) ကျွန်တော့် အပြုအမူတိုင်းက ရင်ထဲကလ...
