❣️အချစ်ကွန်ချာ❣️{Part--120}
********❣️********
❣️❣️
Moonshine group
ဥက္ကဌရုံးခန်းထဲ ဦးလရိပ်မြှားတစ်ယောက် ကွန်ပျူတာထဲ ခေါင်းစိုက်မတတ်အလုပ်လုပ်နေရင်း
လူကတော့ လန်းဆန်းမနေခဲ့။
ရိပ် ဒီတစ်လောထဲ ကိုယ်လက်တွေ ကိုက်ခဲနေတာ ကြာပြီဖြစ်သည်။
ဒီနေ့တော့ မဖြစ်ချေတော့။
မူပိုင်ဒေါက်တာလေးဆီ ဆေးကုသမှု သွားခံယူမှ ဖြစ်တော့မည်လေ။
စဖြစ်ကတည်းက မပြောလို့ ကိုယ့်ဒေါက်တာလေးက ကောက်တော်မူမလားမသိပေ။
ဦးရိပ် နေကောင်းလား ၊ ဘာဖြစ်နေလဲ မေးစကားတွေကို လှီးလွှဲပြီး အလုပ်များဟန်ဆောင် နေခဲ့တာ မဟုတ်လား။
" အစိုင်း "
" ဟုတ်ကဲ့ သူဌေး "
" ဒီနေ့ နေ့လည် ဘာလုပ်ဖို့ရှိလဲ "
" လေလံပွဲကို သွားရပါမယ် သူဌေး ၊
တကယ်လို့ သူဌေးမသွားချင်ရင် ကျွန်တော်
ပဲ သွားလိုက်ပါ့မယ် "
" ကျေးဇူးကွာ ၊ ငါ ငယ်လေးဆီ သွားမလို့
ဒီရက်ထဲ တစ်ကိုယ်လူံးကိုက်ခဲနေတာ
နေရအဆင်မပြေဘူး "
" ဖျားနေတာလား သူဌေး "
" မဟုတ်ဘူးကွ ၊
အဖျားမရှိဘဲ ကိုက်ခဲနေတာ "
" တုပ်ကွေးလက္ခဏာဖြစ်မယ် သူဌေး ၊
ဖျားလည်းမဖျားဘဲ ကိုက်ခဲနေတာ "
ရိပ်က မျက်မှန်ကိုချွတ်ကာ ဆုံလည်ခုံကိုနောက်မှီချလိုက်ရင်း
" အေးကွာ ၊ နေရထိုင်ရအတော်ခက်တယ် "
" အဲ့ဒါဆို အစ်ကိုလေးဆီသွားပြီရင် အိမ်ပြန်
နားလိုက်ပါ သူဌေး ၊
ကျန်တာတွေ ကျွန်တော်လုပ်လိုက်ပါ့မယ်"
" ဒီဖိုင်တွေက ငါစစ်ရမယ့်ဟာတွေလေကွာ
ငါ ယူသွားလိုက်မယ် အစိုင်း ၊
ဒီဖိုင်တွေအပြင် တခြားစစ်ရမယ့် ဖိုင်တွေ
ပါ ယူသွားလိုက်မယ် "
" ဟုတ်ကဲ့ သူဌေး ၊
ကျွန်တော် ကားနားထိလိုက်ပို့ပါ့မယ် ၊
ဒရိုင်ဘာခေါ်သွားလိုက်မလား "
" အင်း...ခေါ်သွားလိုက်မယ် "
အစိုင်းက ဖိုင်တစ်ထပ်ကိုင်ပြီး ရိပ်ကိုလိုက်ပို့ပေး၏။
YOU ARE READING
အချစ်ကွန်ချာ
Romanceမာယာများတဲ့အချစ်ကြောင့် နောက်ထပ်မချစ်မိအောင်မာယာေတွနဲ့ကာကွယ်တတ်ခဲ့ပေမယ့် မင်းရဲ့ ဖြူစင်ရိုးရှင်းတဲ့ချစ်ခြင်းကတော့ ကိုယ့်နှလုံးသားရဲ့အကာအကွယ်နံရံတွေကို ပြိုပျက်စေတဲ့အထိ နူးညံ့စွာအင်အားပြင်းလွန်းခဲ့တယ် ( လရိပ်မြှား ) ကျွန်တော့် အပြုအမူတိုင်းက ရင်ထဲကလ...
