❣️အချစ်ကွန်ချာ❣️{Part--33}
********❣️********
" ဝိုးးး အရမ်းလှတာပဲ ဦးရိပ် "
အလုပ်ကိစ္စဖြင့် ပြင်ဦးလွင်ရှိ ဦးရိပ်၏ မနော်ဟရီစံအိမ်ကို ညဘက်ကြီး ရောက်လာခဲ့ကြတာဖြစ်သည်။
မန္တလေးက မနော်ဟရီစံအိမ်နှင့် ပုံစံတူပဲဆိုပေမယ့်
ပန်းအလှတွေကြောင့် ပြင်ဦးလွင်စံအိမ်က ညနေစောင်းမှာတောင် တိမ်တောက်ချိန်ကြောင့် ပိုလှနေခဲ့၏။
" ဒီမှာက ငယ်လေး မြင်းစီးချင်စီးလို့ရတယ် !
အနောက်မှာ ရှိတယ် !
ဒီညတော့ ညစာစားပြီး နားလိုက်ကြရအောင်လေ!
မနက်မှ လိုက်ပြပေးမယ် "
" ဟုတ်...ဦးရိပ် "
ပြင်ဦးလွင်၏ အအေးဓာတ်က ရန်ကုန်သားလေး ခါးကို ပညာပြနေသလိုလို။
" ချမ်းတယ်...ဦးရိပ် "
ဦးရိပ် ဂျာကင်ထဲ ခန္ဓာကိုယ်လေးတိုးဝင်ရင်းပြောတော့
အပြုံးတွေဖြင့် ပြန်ထွေးဖက်ပေးရှာသည်။
" ရေနွေးလေးနဲ့ ရေချိုးလိုက် ငယ်လေး !
ပြီးမှ ထမင်းစားကြမယ်...လန်းသွားအောင်ချိုးလိုက်
မြန်မြန်တော့ချိုး !
ကိုယ် ရေပူ ရေအေးစပ်ပေးမယ် "
" ဟုတ်ဗျ..."
ဦးရိပ် စပ်ပေးတဲ့ ရေပူ ရေအေးဖြင့် ခပ်သွက်သွက်ချိုးပြီးထွက်လာတော့ အဝတ်အစား အသင့်ထုတ်ပေးထားတဲ့ ဦးရိပ်ကြောင့် ဖျတ်ခနဲ မမှီမကမ်းဖြင့် မေးဖျားကို နမ်းလိုက်စဉ်
" ယာ့...ဦးရိပ် "
ရင်ခွင်ထဲပွေ့ဖက်ခြင်းခံလိုက်ရသည်က တပြိုင်နက်ပင်။
နဖူးပြင်မှာ နွေးခနဲဖြစ်သွားပြီး
" ကိုယ့်ကို မမြူဆွယ်နဲ့နော် ငယ်လေး "
" အမ်...ဘာမြူဆွယ်လို့လဲ ဦးရိပ်ကလည်း !
ဖယ်ပေးဦး အင်္ကျီဝတ်မလို့ "
ရှက်ရမ်းရမ်းပြီး တွန်းထုတ်ပေမယ့် ဖယ်မပေးဘဲ
" ကိုယ် ဝတ်ပေးမယ် ! မရုန်းနဲ့ ငယ် အအေးပတ်တော့
မယ် ငြိမ်ငြိမ်နေ ကွ "
" အာ့...ငယ်က ကလေးမှမဟုတ်တာ ဗျ "
" အင်း...ကိုယ်သိတယ် ! ချစ်လို့ကွ သိပ်ချစ်လို့ "
أنت تقرأ
အချစ်ကွန်ချာ
عاطفيةမာယာများတဲ့အချစ်ကြောင့် နောက်ထပ်မချစ်မိအောင်မာယာေတွနဲ့ကာကွယ်တတ်ခဲ့ပေမယ့် မင်းရဲ့ ဖြူစင်ရိုးရှင်းတဲ့ချစ်ခြင်းကတော့ ကိုယ့်နှလုံးသားရဲ့အကာအကွယ်နံရံတွေကို ပြိုပျက်စေတဲ့အထိ နူးညံ့စွာအင်အားပြင်းလွန်းခဲ့တယ် ( လရိပ်မြှား ) ကျွန်တော့် အပြုအမူတိုင်းက ရင်ထဲကလ...
