[Unicode]
Chapter 2628: ညီမခင်ပွန်းက ညီမအပေါ်မှာ ကောင်းပေးတယ်..."တတိယအမ, အမပြောချင်တာက ညီမကပဲ လီယုကို လက်ထပ်လို့မရနိုင်တဲ့ သဘောများလား?"
လုယုကျင်းက ပြန်လည်မေးလာသည်။
"ဒါက ငါဆိုလိုချင်တဲ့အဓိပ္ပါယ်မဟုတ်တာကို ညီမသိပါတယ်။ အမပြောချင်တာက ညီမကအရမ်းငယ်ရွယ်သေးတာကို ဘယ်လိုလုပ် လက်ထပ်လိုက်ရတာလဲလို့ မေးချင်ခဲ့တာ။"
နဉ်ရှု ရှင်းပြကာပြောလိုက်သည်။
လုယုကျင်းက သူမရဲ့အမအကြီးဆုံး၏နေရာကို လုယူသွားခဲ့တာပဲဖြစ်သည်။ သူမက လူတွေအကုန်လုံးကို အရူးလို့များထင်နေတာလား?
"တတိယအမ, ညီမရဲ့ခင်ပွန်းက ညီမအပေါ်ကို ကောင်းကောင်းဆက်ဆံပေးတယ်။ပြီးတော့သူကပြောခဲ့သေးတယ် ညီမကငယ်ရွယ်နေသေးတာမလို့ လက်ထပ်မှုကိုအထမြောက်အောင်
မလုပ်သေးဘူးလို့တောင် ပြောခဲ့တယ်။"လုယုကျင်းက ပြောပြသည်။
နဉ်ရှု: ....
ဒါက ဘာလို့လဲဆိုတော့ လီယုက မိန်းမတစ်ယောက်နဲ့ဘယ်တော့မှ အကြင်လင်မယားအရာမြောက်အောင်လုပ်မှာ မဟုတ်လို့လေ။
"တစ်သက်တာပျော်ရွှင်ရဖို့အတွက်ဆိုရင် ညီမက တိုက်ခိုက်ပြီးရယူရမှာပဲ။"
လုယုကျင်းက ပြောသည်။
နဉ်ရှု: ....
"ဒါပေမဲ့လည်း ဒါကမင်းအမကြီးရဲ့ခင်ပွန်းလေ?"
နဉ်ရှု မယုံနိုင်စွာ ပြောလိုက်သည်။
"အကြီးဆုံးအမနဲ့ လီယုက လက်မထပ်ရသေးတာကြောင့် လီယုကို အကြီးဆုံးအမရဲ့ခင်ပွန်းအဖြစ် သတ်မှတ်လိုက်လို့မရဘူး။"
လုယုကျင်း သူမနှုတ်ခမ်းကိုကိုက်လိုက်သည်။
"ညီမက တရားမဝင်သမီးတစ်ယောက်ဖြစ်နေတာမလို့ လီယုကို လက်ထပ်ဖို့အတွက် မထိုက်တန်ဘူးလို့ တတိယအမက တွေးနေတာများလား? ညီမရဲ့အမေက ကလေးဘဝကတည်းက ဆုံးပါးသွားခဲ့တာမလို့ ညီမကို ကာကွယ်ပေးမဲ့သူဘယ်သူမှမရှိတာကြောင့် မထိုက်တန်တာလား?
နဉ်ရှု မျက်ခုံးကို ခပ်တင်းတင်းကျုံ့လိုက်သည်။ဘယ်သူက မထိုက်တန်ဘူးလို့ ပြောနေလို့လဲ? လုယုကျင်းကသာ အရမ်းအထိမခံလွန်းနေတာဖြစ်သည်။
YOU ARE READING
နဥ်ရှု Reborn Legitimate Daughter (Realm-42) [Completed]
Tarihi KurguName(s) - Cannon Fodder's Record of Counterattacks 快穿之炮灰女配逆袭记 Author(s)-Hen Shi Jiao Qing 很是矫情 English Translator - Butterfly's Curse Realm Title - Reborn Legitimate Daughter(Realm-42) Translator - Midnight_ella ⚠ I do not own thi story. I just tran...