"မင်း Jay ကို ကြိုက်နေတာလား?"
ထပ်ပြီး TaeHyung အဓိပ္ပါယ်မဖော်တတ်ပါသည့် မျက်ဝန်းများဖြင့် ချာတိတ်က မော့ငေးလာပြန်၏။
ကြိုက်တယ်လည်းမပြော
မကြိုက်ဘူးလည်း မငြင်း......။
ဒီတိုင်း အတန်ကြာ ရှိနေပြီးမှ
မျက်တောင်ဖျားအား တစ်ချက်ခန့်မျှသာ ခတ်ကာ ခေါင်းအားငုံ့ချသွားတော့သည်။
အပြင်ဘက်က ရာသီဥတုသည် TaeHyung စိတ်နဲ့အပြိုင် ဖြည်းဖြည်းချင်း
အုံ့မှိုင်းလာသယောင်.....။
"Snowy Mocha......~
Whipped cream မပါတာ...။
ပြီးတော့ ကျွန်တော် Cake မယူဘူး"
သိုးမွှေးဆွယ်တာမီးခိုးရောင်လေး၏ အနားစွန်းအား ဖိချေကာ တစ်လုံးချင်း တိုးသက်စွာ ဆိုလာပေမယ့် TaeHyung ကို လုံးဝမော့ကြည့်မလာ။
ဝမ်းနည်းသွားတာလား?
မေးခွန်းတွေမဖြေချင်နေတာလား?
မိမိနဲ့ စကားဆယ်ခွန်းပြည့်အောင်ပင် ရင်းရင်းနှီးနှီး မပြောဖူးပါသော ၊
တစ်နည်းဆိုရလျှင် Customer တစ်ယောက်ထက် ပုဂ္ဂိုလ်ရေးအရ ပိုမပတ်သက်ဖူးပါသော ချာတိတ်လေးအား TaeHyung စည်းကျော်ချင်မိသည်။
စတွေ့ကတည်းက အနှီကောင်လေး၏ မျက်ဝန်းထဲမှ အဓိပ္ပါယ်အချို့ဖတ်မိခဲ့၍
စိတ်ထဲနေရာပေးမိခဲ့လား? ၊
ဆိုင်မလာတော့သည့်နေ့မှစ၍
ချာတိတ်က သူ့စိတ်ထဲ အပြည့်အဝနေရာယူလာသလား? ၊
သို့တည်းမဟုတ် Jay ကို ပြုံးပြလိုက်လို့လား???
Coffee တွေ မသောက်ရပါပဲ ကိုယ်တိုင်ထုတ်မိသည့် မေးခွန်းများကြား TaeHyung ရင်တုန်ချင်လာမိသည်။
ချာတိတ်ရော သူရော
နေရာမှ မရွေ့မိ။
နေရခက်သော ထိုအခြေအနေကြား
နှစ်ယောက်လုံး ငြိမ်နေမိစဉ်မှာပင်...
"ငါတို့ကျားပေါက်လေး အလုပ်များနေတာလား?"
ရုတ်တရက်ကြီး ရောက်ချလာသည့်
Ha-Rin ကြောင့် TaeHyung
နှုတ်ခမ်းစွန်းတွေ ကော့ညွှတ်သွားသည်အထိ ပြုံးလိုက်မိသည်။
"လွမ်းနေတာ....
ဘာလို့ နောက်ကျမှ လာရတာလဲ?"
"ဟင်??"
Ha-Rin သည် သူ့ကစားကွက်အား
မရိပ်မိ ၊ အူကြောင်ကြောင်နဲ့ လူကိုကြည့်လာသည်။
TaeHyung ညာဘက်လက်က ရုတ်ချည်းပင် Ha-Rin ၏ ပုခုံးထက် သိမ်းဖက်လိုက်ပြီး ၎င်းအဖြစ်အပျက်အား ငေးမောကြည့်နေသည့် ချာတိတ်မျက်ဝန်းအိမ်တွေကမူ ပိုမို အရောင်ဖျော့သွားကြတော့သည်။
YOU ARE READING
ESPRESSO & ......?
Fanfiction"Espresso တစ်ခွက်လောက် ရနိုင်မလား?" "ချိုတာလေး ယူစေချင်တယ်" "ဘာလို့လဲ?" "ချိုတာလေး ခံစားစေချင်လို့။ ကိုယ်ပေးတဲ့ အချစ်တွေလိုမျိုး"☕ "Espresso တစ္ခြက္ေလာက္ ရနိုင္မလား?" "ခ်ိဳတာေလး ယူေစခ်င္တယ္" "ဘာလို႔လဲ?" "ခ်ိဳတာေလး ခံစားေစခ်င္လို႔။ ကိုယ္ေပးတဲ့ အခ်စ...
