အချိန်ကား မနက် ၈ နာရီစွန်းစွန်း။
စက်ပိတ်ထားသော ဖုန်းအား ကြိမ်ဖန်များစွာ စိတ်ကျေနပ်မှု မရမချင်း သူခေါ်ဆိုပြီးနောက် ခုံပေါ်တွင်ပင် ခြေပစ်လက်ပစ် ထိုင်ချမိတော့သည်။
မနေ့ညက
သူတန်းစီပို့ထားသော စာများအားလည်း ထိုကလေး ကြည့်မထား။
ဘာလို့လဲ??
ချစ်ပေးမလို့ပါ.....။
နောက်ကျပျက်ကွက်ခဲ့တာတွေအတွက် အတိုးချပြီး ချစ်ပေးမလို့ပါ။
ချစ်တတ်အောင် ၊ သတ္တိရှိအောင် သူ့ဘဝထဲ ဇွတ်တိုးဝင်လာသည့် ပိုးဖလံကလေးကို အတိအကျ အပိုင်သိမ်းပစ်တော့မလို့ပါ......။
အခုက ဘာဖြစ်တာလဲ?
ဘာဖြစ်တာလဲ? ကလေးရာ...။
ဘွတ်ကင်လုပ်ထားသောဆိုင်မှ ခေါ်ဆိုလာသည့်ဖုန်းအားလည်း စိတ်မပါစွာ ဖြေဆိုရင်း Jay ရှေ့တွင်ပင် သူပြိုလဲပြနေမိတာက.....
ကြိုက်မရှက် ၊ ငိုက်မရှက်မို့ပါပဲ.....။
ချစ်မိသွားတော့လည်း ဒီလိုမျိုး အလဲလဲအကွဲကွဲတွေ......။
သူပြောသားပဲ.... ။
ဒါကြောင့် မချစ်ချင်တာလေ....။
ပိုင်ဆိုင်ပြီးမှ ဆုံးရှုံးရတာရော
မပိုင်ဆိုင်ရသေးခင် ဆုံးရှုံးရတာရော
အတူတူပဲ....။ တစ်ခုမှ သက်သက်သာသာဒဏ်ရာမရှိ.....။
"ဖုန်းမကိုင်ဘူးလား?"
"အင်း....
ငါ အိမ်လိုက်သွားရမလား?"
"နေပါအုန်းကွ...
ညနေထိတော့စောင့်ပါအုန်း။
မနေ့ညကထိတောင် စကားပြောဖြစ်သေးတယ်မလား? မင်းတို့"
"အင်း"
စိတ်မပါ လက်မပါ 'အင်း'ဟူသော သံရှည်ဆွဲဖြေသံက TaeHyung ၏ အနုတ်ပြနေသော စိတ်အခြေအနေအား အတိအကျ ဖော်ပြနေတာမို့ Jay လည်း ဘာဆက်ပြောရမှန်းမသိတော့။
"ငါ သတ္တိမရှိရင်တောင်
သူ့ဘက်က ရှေ့တိုးလာပေးမယ်ဆိုပြီး
ငါ ......"
".........."
"ငါ အတည်ကြီးလည်း ချစ်ရော........"
တိမ်ဖျော့တိုးငင်သွားသောအသံနဲ့အတူ မျက်နှာအား လက်နှစ်ဖက်ဖြင့် အုပ်ကာ ခပ်ပြင်းပြင်း အသက်ရှူသံက Taehyung ဆီမှဆိုတာ Jay သိပ်တောင်မယုံချင်။
YOU ARE READING
ESPRESSO & ......?
Fanfic"Espresso တစ်ခွက်လောက် ရနိုင်မလား?" "ချိုတာလေး ယူစေချင်တယ်" "ဘာလို့လဲ?" "ချိုတာလေး ခံစားစေချင်လို့။ ကိုယ်ပေးတဲ့ အချစ်တွေလိုမျိုး"☕ "Espresso တစ္ခြက္ေလာက္ ရနိုင္မလား?" "ခ်ိဳတာေလး ယူေစခ်င္တယ္" "ဘာလို႔လဲ?" "ခ်ိဳတာေလး ခံစားေစခ်င္လို႔။ ကိုယ္ေပးတဲ့ အခ်စ...
