The way to you (Daou × Offroad){Uni+Zaw}

Episode (9)

"ပြီးခဲ့တဲ့ပြိုင်ပွဲရဲ့ ရလဒ်အရ Top 5ယောက်အပါအဝင် winner10ယောက် နဲ့ Top 5က ရွေးချယ်တဲ့ save member 5ယောက်၊ အားလုံးပေါင်း 15ယောက်နော်... သည်တစ်ခေါက်ပြိုင်ပွဲပုံစံက soloမဟုတ်ဘဲ မင်းတို့ရဲ့ group typeပုံစံကို မြင်ချင်တယ်၊ ဒါကြောင့် မင်းတို့ 3ယောက် တစ်ဖွဲ့စီ နဲ့ အဖွဲ့5ဖွဲ့ ခွဲပြီး ပြိုင်ရလိမ့်မယ်..."

ဝန်ထမ်းအစ်မ၏ စကားမဆုံးခင် Daou မေးလာသည်။

"အဖွဲ့က ဘယ်လို ခွဲမှာလဲဗျ..."

"မဲနှိုက်ရမယ်...!"

အခန်းတစ်ခုလုံး အာမေဋိတ်သံများဖြင့် ဖုံးလွမ်းသွားသည့်တိုင် Daou ဘေးတွင် ငြိမ်သက်စွာရှိနေသည့် Offroad ကမူ ခေါင်းကိုသာ ခပ်သာသာလေး ငုံ့ထားပြီး တိတ်ဆိတ်နေပေ၏။ အမူအရာသိပ်မပြသည့်တိုင် သူ့ဘာသာဆုပ်ကိုင်ထားသည့် လက်နှစ်ဖက်ကမူ လက်ချောင်းထိပ်လေးများက မသိမသာ တုန်လှုပ်နေပြီး ၎င်းကို Daou ချက်ချင်းသတိပြုမိလိုက်ပါသည်။ ထို့ကြောင့် ထိုလက်လေးနှစ်ဖက်ကို သူ့လက်ဖြင့် အသာအယာဆုပ်ကိုင်လိုက်သည့်အခါ သူ့ကို ဖြတ်ကနဲမော့ကြည့်လာပြီး ချက်ချင်းပင် မျက်နှာလွှဲသွားပေ၏။

Daou - "Top 5 အနေနဲ့ ကြိုက်တဲ့သူကို ရွေးချယ်လို့မရဘူးလားဗျ...!"

ဝန်ထမ်းအစ်မက ရှင်းပြလာသည်။

"သူဌေးက မင်းတို့ရဲ့သီချင်းဆိုတာ၊ ကတာ၊ performance ကောင်းရုံနဲ့ပဲ အရည်အချင်းကိုမဆုံးဖြတ်ချင်ဘူး...သူက မင်းတို့ရဲ့ ရင်းနှီးကျွမ်းဝင်မှု၊ ကူညီဖေးမမှု၊ ဦးဆောင်နိုင်မှု၊ စည်းလုံးမှု ကို မြင်ချင်တာလို့ ပြောခဲ့တယ်...ကိုယ်သဘောကျတဲ့သူကို ရွေးချယ်ခွင့်မရှိဘူး..."

တစ်ခန်းလုံး တိတ်ဆိတ်နေပြီး တစ်ယောက်မျက်နှာ တစ်ယောက်ကြည့်မိကြသော်လည်း Offroad ကတော့ Daouကိုရော မည်သူ့ကိုမှ ကြည့်မနေခဲ့ပါပေ။ Daouမှာ အထွန့်တက်ချင်သော်လည်း အကြောင်းပြချက်ကောင်းကောင်းရှာမတွေ့ဖြစ်နေပြီး ဝန်ထမ်းအစ်မက ဆက်ပြောလာပေ၏။

"ဒါပေမယ့် Top 5 အတွက် အခွင့်အရေးတစ်ခုတော့ ပေးထားတယ်...!"

ဒီတစ်ခါတော့ အားလုံး၏ အာရုံစိုက်မှုက ဝန်ထမ်းအစ်မဆီမှာ သွားရောက်ဆုံဆည်းပြီးသော် Offroad သည်လည်း ခြွင်းချက်မဟုတ်တော့ပေ။