﷽
__________________________ولد الباشـا
"الثَمن "
الكـاتبـه فاطمه الأحمد
لطفاً علقو بين الفقرات والتصويت فضلاً
+متابعه للحساب fatima_alahmad
بارت من 9290 والتفاعل ما يسوي واهس🔥💔😍
#خاتونات
قــــرأة ممتعه أحبتي
------﴾❦﴿------
⊰ الـ بتراء ⊱
ضويت الصاله و دورت بكُل زاويه ماكو
نزلت على ركبي ادور تحت الميز ماكو، فجأة الصاله صارت عتمه.
بتراء : دخيييلك يا علي سَند ، ااخ راسي
بهل عتمه ضربت راسي بالميز مثل التايهه ما
اندل دربي، وگفت اتلامس مُحيطي خطيت خطوه وفجأةً
انضربت بصدره، دخل ايده لشعري ورفع راسي لوجه ، ضوا شاشة موبايلي بوجهي و اردف.
__ تدورين على هذا ؟؟؟؟؟؟.
بلعت ريگ ، الدم نشف بجسمي خلص انتهت اللعبه، هزيت راسي "اي" وهو نزل ايده من شعري بهدوء وطلع موبايله.
دخل على تطبيق شغل بيها اضوية الصاله.
ضليت اناظر حواليا بإستغراب ورجعت نظرتله.
طبگ تلفوني ويا تلفونه ويحچي.
علي سَند : نفس موبايلي.
بتراء : م ما لاحظت انت هم توَّك تلاحظ.
__ بالعكس آنـه ملاحظ كُلشي ومن زمان.
بتراء : ملاحظ شنو، انت هسا گلت نفس موبايلك ..و ليش يمك جيبه.
__ عبن حسبالي موبايلي شلته بدون إنتباه.
وشغله ثانيه، ملاحظ بس ما احچي.
تقرب وتلامس خصلات شعري، عيونه يتفحص كُل ملامحي.
__ ملاحظ تفاصيلچ انتي تذكريني بعابر سبيل.
اجيت اسحب تلفوني من ايده ما انطاني
بتراء : وين أكو عابر سبيل ينذكر ، انطيني موبايلي.
__ أكثر عابر سبيل ترك أثر ، ريلاكس مو لازم بالأول ألگى اجوبه على اسئلتي!
بتراء : روح دور بغير شخص ليش تجي عليَّه ، انطيني الموبايل خل اصعد غُرفتي.
عيونه تتفحص وجهي ورقبتي، خفت لا شايف الگلاده، تلامست رقبتي وتحسسته تأكدت الگلاده تحت ياخة التيشيرت، تقرب خطوه وآني تراجعت خطوه.
علي سَند : عطرچ مو غريب عليَّه.
بتراء : م ما مخليَّه عطر، بدون بهارات من عندك.
أنت تقرأ
ولد الباشا "الثَمن"
Mystery / Thrillerانفتح الباب رفعت راسي بالمرايا شفته شخص طويل لابس رسمي وشاد قناع مثل الموجودين بالحفله سد الباب, وگف مباشرةً وراها ينظرلي فوگ وتحت اردف _ ليش تشربينه وبعدين تتقيئين غصب.؟؟ غسلت حلگي اخذت كلينس رتبت الروج وبعدني اراقبه بالمرايا بدون لا احچي او ال...
