﷽
__________________________ولد الباشـا
"الثَمن "
الكـاتبـه فاطمه الأحمد
بارت من 7777 كلمه 🔥😍لطفاً علقو بين الفقرات والتصويت
+متابعه للحساب fatima_alahmad
فصل ميت رجعتگ ماتعوض الراح..
#خاتونات
قــــرأة ممتعه أحبتي
------﴾❦﴿------
⊰ الـ بتراء ⊱
حظرت نفسي وتأنقت بفتسان تُرابي
و عفت شعري مفتوح، طلعنا من البيت متوجهين
للبصره اللي رجعت منها قبل خمس ساعات..
المشكله من طلعت عبالي قريبه بس جاسر چآن يقود مثل الطياره گال الطريق اربع ساعات وصلنا بساعتين وما طول لقائي بأختي غير ربع ساعة وفورا جاسر رجعني عود حتى ما يشكون مع ذالك انجبرت اكذب
عليهم وگلت ام رند فجأة مرضت ورحت وياهم للمستشفى لحد المغرب.
الطريق هدوء بس متردده انظر للخاله احسها ما صدگتني وبعد عندها اسئله.. وفعلا احساسي بمكانه
لمن حمحمت ورجعت سئلتني.
يَقين : براء ليش ما اتصلتي بيّه ضل بالي يمج
غبتي عن البيت خمس ساعات على الاقل چنت اجيت للمستشفى وراچ.
نظرتلها وادهم بصفها يم الباب گاعد هم نظرلي مع ابتسامه بارده ليش يحسسني يعرف كلشي اسويه.
بتراء : خاله مو گلتلچ ، نسيت اخذ تلفوني.
يَقين : توّي اسمعها منچ.
الأدهـم : يَقيني يمكن نسيتي، الف مره أگُلج لا تتعبين نفسج.
يَقين : لا أدهم ما ناسيه، براء اتصلي بصديقتج خل اطمئن على امها.!
خاله طلعت شكاكه أكثر من علي سَند.
هزيت راسي "اي" وطلعت تلفوني اتصلت على رقم وَسن ضل يدگ يدگ وما تجاوب.
بتراء : خاله رند ما ترد يمكن مشغوله بأمها
يَقين : چآ اتصلي على صديقتج الثانيه.
صفنت بوجهها هاي عليمن تحچي آني بس اعرف اسم رند عود صديقتي.
بتراء : اي ، اي وحده منهن؟؟
الأدهـم : جوري...
چآن يباوع گدامه وبعدها نظرلي مع ابتسامه حقيره لو اشرب من دمه ما ابرد نار گلبي بهذا البارد.
يَقين : اي جوري اتصلي بيها.
من التوتر سويت روحي ابحث عن اسمها وفجأة الخاله سحبت التلفون من إيدي.
أنت تقرأ
ولد الباشا "الثمن
Actionعالم مُغطىٰ بالذهب الأسود وَ السوَآد . حياة تعيشُها حالكةُ الظُلمِ وَ الظلام . أرواحٌ مــأسـورةٌ في سـرآيا الفُجارِ ذواتِ الأصنام. حيثُ السَّغر وَ الطُغيان . حيثُ كُرهٌ وَ الإحتقـار . حيثُ الأسر والهلاك . حيثُ السُقم والإنقسام. ـــــــــــــــ...
