ولد الباشا "الثمن"

Part ‹ 33 ›

﷽
__________________________ولد الباشـا
"الثَمن "

الكـاتبـه فاطمه الأحمد

لطفاً علقو بين الفقرات والتصويت فضلاً
+متابعه للحساب fatima_alahmad

بارت ناااري شراااريي من 8600 كلمه 🔥😍

#خاتونات

قــــرأة ممتعه أحبتي

------﴾❦﴿------

⊰ سيرا ⊱

ضليت اجي واروح شسوي كُله بسببي
المشكله ما چنت اسمع الأصوات اللي حواليها

الطامه الكبرى الشخص اللي شفته وراها
دار الكاميرا على نفسه وچان متلثم حچى شي
بس ما سمعته بهل اثناء طفى الإتصال.

والموبايل بإيدي انقفل وطلع لوگو الجُمجمه بلون الأحمر بعدها تحول للاخظر، وظهر عباره
بالأنگلش مكتوب "هُنا الفوضى فلا تتجرأ"

سيرا : هاي شني شصار علگ لو شني.

لا بصمتي تفتح و لا الرمز يطلع صح ومتأكده الرمز مو غلط بس ليش يطلع غلط معقوله اخترق جهازي.

سيرا : دخيل اسمك يا علي بس لا يأذيها.

بعد عدة محاولات ضوت شاشة الموبايل مره ثانيه وانشال رمز الأمان ولا البصمه بقت، ضلت هيجي بدون باسوورد، دخلت لمعرض الصور كُل السكرينات ماكو.

فوگ الخمس سكرينات چانن
وماكو اللي وگف عقلي مصور شاشه سودا وكاتب عليها باللون الوردي وبصفه إيموجي الفيونكه.
قريتها وآني نار واشتعلت بيّه من المغثه .

سيرا : "ختيه الگيرل تلاحگولها"
منووو هذاا دخيل أسمك ، احسن شي اروح لأبيل هو يتصرف .

طلعت من غرفتي ودگيت باب غرفته ماكو ما يفتح دخلت بنفسي ما لگيته.

سيرا : چآن بالبيت شوگت طلع.

اجي واروح بالممر ومحتاره شتصرف ما ادري ليش تذكرتها، لمن خطفوني وهددوني ما احچي
اجت ببالي ذيچ البنيه الشگره اللي هددت بقتل أريم.

سيرا : معقوله ختيارة الجن ألها إيد!!!

نزلت بسرعه للطابق الأول الكل أما بغُرفهم او ملتمين بالصاله، دخلت للمطبخ فتحت الدُرج
سحبت سچينه زغيّره اخذتها ورحت لغُرفتها

وگفت أمام الباب محتاره شلون اطبلها لكن اللي
خلاني اتأكد بوحدها صوتها وهي تحچي اتصال على ما اعتقد.

_ شني يعني آني شعليـه هو حبها وما رايد إلا هي.

استمعت للطرف الثاني وبعدها حچت بإنفعال.