﷽44
_________________________ولد الباشـا
"الثَمن "
الكـاتبـه فاطمه الأحمد
لطفاً علقو بين الفقرات والتصويت فضلاً
+متابعه fatima_alahmad1
#لخاتونات
قــــرأة ممتعه أحبتي
------﴾❦﴿------
⊰ سيرا ⊱
بعدما علي سَند راح يطمئن على اختي
گلبي ارتاح بس خطيه ماما بعدها ما تعرف
كلشي خطه مُخططة تمددت بفراشي
فتحت الموبايل دخلت على السناب
چنت مصوره سنابات وحافظتهن
ضليت أشاهدهن وحده وحده سنابات
ويا خواتي وهلال، سنابات مليانه مشاعر
ومَوَدة، خاصة ويا اشتور اللي راسم البسمه
على وجوه الكل.
سيرا : شوگت نخلص وننجمع مره ثانيه
اخذت نفس عميق واجت عيني على اخر
سنابة چانت لـ إيمار وهو متمدد بالصاله
يلعب بليارد بالموبايل، ما چآن حاس عليّه
صورته.
تذكرت عندي تسجيل صوتهم
لمن چآن يعزف بالسطح وهلال تغني
خليت AirPods بأذني وشغلت التسجيل
الصوتي
يعزف بطريقه حلوه و مُتناغمة
ان شاء الله بأسرع وقت ينجمع بـأمه
حيل تعذب بفراگ أمـه حيل تعب نفسيا
وجسديا بسبب فراگها، انتبهت الموبايل يدگ
ذبيت السماعات وشفته "وَتـان"
گلبي نغزني بس لا بيهم شي ليش متصل
بهذا الوقت
سيرا : الو وَتـن.
_ الو سيرا شلونچ؟
گعدت متربعه بفراشي صوته
قلقني مبين تعبان وحزين، اردفت بنبرة قلق
سيرا : وَتـن صاير شي ما بيكم شي صح؟
انتوا بخير اشتور بخير امل هدهده عمو ايهم
كلكم تمام.؟
_كلهم الحمد لله بخير
بس نسيتي أهم شخص ما سئلتي عنه شلونه
شنو وضعه وين چآن وين صار من أيام!.
سيرا : إيمار!!.. وتن إيمار بي شي؟ وينه؟
كتم الصوت شويه ورجع يحچي بعدما سمعت صوت غلق الباب
_ يومين ينام ببيت المزرعة ما يرجع للقصر
تعبان نفسياً حتى اكل ما ياكل.
سيرا : سوده بوجه جسار وانت شني فائدتك
ليش ما تخليه ياكل.
_ كلما احاچيه يگول شني آكُل وآنـه
امي يمكن تنام جوعانه يمكن ما تنام الله
أعلم شني وضعها،، سيرا إيمار خلص أنتهى
أنتهى صبره صاير مثل طفل عمره خمس
سنين يطلب امه طول الوگت گاعد يرسمها ويبچي واذا اجيت يمه يگوم يطلع بره.
أنت تقرأ
ولد الباشا الثمن
حركة (أكشن)عالم مُغطىٰ بالذهب الأسود وَ السوَآد . حياة تعيشُها حالكةُ الظُلمِ وَ الظلام . أرواحٌ مــأسـورةٌ في سـرآيا الفُجارِ ذواتِ الأصنام. حيثُ السَّغر وَ الطُغيان . حيثُ كُرهٌ وَ الإحتقـار . حيثُ الأسر والهلاك . حيثُ السُقم والإنقسام. ـــــــــــــــ...
