ولد الباشا الثمن

Part ‹ 57 ›

﷽57
__________________ولد الباشـا
"الثَمن "

الكـاتبـه :#فاطمه_الأحمد

رأيكم على كل الفقرات ولا تنسـو تخلو النجمه تصير بُرتقالية 🙂‍↔️❤️‍🔥

+متابعه للحساب fatima_alahmad1

(من وين أبدي ، بيا حجر ابدي ، بياهو انهي.! )
.🔥🤯💀

قــــرأة ممتعه أحبتي

------﴾❦﴿------

⊰ الـ عـزّهَ ⊱

رديت للبيت واحس أكو شي غريب.. أصوات جايه من الصالة.. انطيت جنطتي للمساعده

عـزّهَ : سِدرة منو جاي عدنه؟.

گالت ما تدري.. رحت بنفسي اشوف اشو بلقيس نزلت من الدرج تحذرني

بلقيس : ويين ويين .

عـزّهَ : انتي ما عليچ!.

فتحت باب الصالة ودخلت اتصنمت بمكاني اشوف الشيخ گاعد بصف علي سَند.. بتراء گاعده ورافعه راسها بوجه علي سَند اللي..كل دمارات وجه واضحات عيونه محمره اخويه الما يوم شفته مكسور اليوم اشوفه مدنگ بصوت مليان خيبة گال

_أنتي طـــــالگ.

بلعت ريگي فعلياً اختل توازني من صدمة المَشهد
شدَيصير! شني اتصرف شحچي شكول، ما اگدر اتصرف وجسار گاعد وياهم هسه ننكشف.. عفت يَدة الباب بقِلّة حيلة.. جسار انتبهلي والشيخ أنهى كلامه وگال تم الطلاق.

جسار : وأخيرا بنتي تحررت من قيود اخوچ..

عيوني على أخوية المدنگ ونظراته مليانة خيبة وضياع
قويت گلبي وحچيت

عـزّهَ : وَ رُبمـا العَكس..

جسار : العَكس؟.

حوَّلت نظراتي لـ بتراء اللي متأنقة على اخر حبة ومخلية مكياج سموكي ويا روج احمر.. نظراتها حاده وقوية
مستحيل الگدامي تكون بتراء هاي إنسانة ثانيه إنسانة نسخة من جسار..

بتراء : قصدچ تحرر مني؟؟؟.
ليش چنت مروضة اخوچ چنت مخلية زنجيل برُگُبته؟

عـزّهَ : ااحچي عدل..

جاوبتني واندارت حچت ويا علي سَند

بتراء : وإذا لا شتسوين؟.. وانت شكو باقي گوم اطلع.

عـزّهَ : بترااء!!

جسار : عـزّهَ لا تتدخلين.. گوم اطلع مره وما عندك يمي اااطلـع..

گام شال موبايله وحچا وياها

علي سَند : من هسه لياليچ تطـول وما تخلص.