ولد الباشا "الثَمن"

Part ‹ 15 ›

﷽
__________________________ولد الباشـا
"الثَمن "

الكـاتبـه فاطمه الأحمد

لطفاً علقو بين الفقرات والتصويت فضلاً
+متابعه للحساب

#خاتونات

قــــرأة ممتعه أحبتي

------﴾❦﴿------

⊰ الـ عـزّهَ ⊱

مر أكثر من ثلاث ساعات وهو گاعد بنفس المكان عالسطح يدخن باكيت ورا باكيت, آنا بمكاني هم گعدت اراقبه خوفي من أنه يتكرر الماضي ما عفته بوحده, طول هاي الساعات الي مرت ما شلت عيوني عنه رغم ميته من النَعس اخذتني النعسه وما ادري شلون غفيت بمكاني دقايق , شميت عطره قريب عليّه مثلت النوم كشفني وعرف بيه اراقبه بعدما يفيد انكر ضليت على وضعي استمع لـ كلماته.

عَـزّآم : حسبالج أكررها؟ ذاك الجبان مات من زمان
عـزّهَ مات.

سكت وصار يوخر خصلات من شعري اكمل كلامه

__خفتي اسويها واحاول انتحر؟ مثل ما صار من 20 سنه؟ ابشرج ميت من ذاك اليوم مايحتاج اموت مره ثانيه.

تنهد وضل ساكت لدقايق رجع يتلامس خدي اكمل

__ اطهر شي لامسته أيدي, هذا الگلب من اول يومه بأسمج ما رايد غيرج ليش تكابرين.

قرب وجه خلى گصته بگصتي واحس الرجفه لزمتني
اردف

__ هذاك السر هو السبب بكلشي جاي يصير ويانه
من 20 سنه وذاك يكبر ويانه وهو سببج الأول حتى تترددين ناحيتي. والله

عيوننا تشابكت اول ما فتحتهن بلع ريگ, هزيت راسي بالرفض على كلامه وهو يهز راسه ويحچي

__بلى بلى هذاك السر دمرني وحارمني منچ
حارمني من روحي

عـزّهَ : لا مو صح مو هذا السبب لا تحجي هيج

ابتعد وگام, گمت وياه ضل يفتر بمكانه ويدخن شمر الجگاره يحجي بعصبيه حسيت شراين نحره راح تنفجر من اعصابه.

عَـزّآم : صحح صح ماكو سببب ثاني مااكو سبب مُقننع اااكثر منه

عـزّهَ : عزام هذا الكلام مو صح و

__ شني عبالج غبي وما افهم؟ لج بويا أنتي خااايفه خااايفه تتزوجيني خاافيه تتزوجين ااابن حراام..