ولد الباشا الثمن

Part ‹ 49 ›

﷽49
_________________ولد الباشـا
"الثَمن "

الكـاتبـه فاطمه الأحمد

لطفاً علقو بين الفقرات والتصويت فضلاً

+متابعه للحساب fatima_alahmad

#الخاتونات

قــــرأة ممتعه أحبتي

------﴾❦﴿------

⊰ الـ بتراء ⊱

اسرعت خطواتي وانداريت عرفتهم ولد بلقيس
فورا ركضت بالإتجاه اللي ياخذني على القصر مثل ما دلوني، اركض وادري بيهم وراي

لكن فجأة وگفت موسعه عيوني لمن ناجي طلع بوجهي
متغير كلش هوايا شعره طولان ومربي لحيه خفيفه
ولد بلقيس هم اجو صرت مُحاطة بيهم ونـاجي سحب أقسام! بوجهي گال..

نـاجي : Game over... بـتـورة

بتراء : نـ نـاجي!!

عض شفته السُفليه كأن مقهور.. اردف

نـاجي : ليش بقيتو ناجي! دمرتوه حتى رُقيه اخذتوها من ناجي!.

حچآ الأشگراني بتنبيه وطريقة كلامه غريبه

_ طول بالك ما تقتلها..

نـاجي : ااانچب ومَعلييييك

_ نـاجي الخال هاشم انطانا امر!!

نـاجي : انعل خالك هاشم المسويكم بيادق بإيده..

حچآ اخوه الأصغر بس بالتركي گال"على اساس انت ملك أنت حالك حالنا بيدق." وأخوه يجاوبه بالعراقي! يگله ابقى بصفحة لا تحچي..ناجي عين عليهم وعين عليّه، يحچي

نـاجي : 22 /12 بهذا التاريخ بتاااريخ الليلة المفروض نعقد آني و رُقيه بسسس هاشم شسوااا راح انطى بناته لـِ أبنـاء الأشتر هيچي هديية مااا منها جزيييةة

اختل توازنه ومسح عيونه يريد يصحصح عرفته شارب ومو بوعيه! خلى المسدس بنص جبيني وابن بلقيس يحذره
يگول "ناجي أنت مو صاحي ناجي نزل المسدس ناجي نزل" وناجي مخلي عيونه بعيوني، چنت امثل القوة رغم
الرجفة بكل ذرة بجسمي.

نـاجي : هاشم ما كفاه اللي سواه بأخويه.. اخذ رُقييييه وقدمها هدية لـِ أبن الأشتر ر

بتراء : انطى بنته للزلمة الحوگ مو مثلك شارب وطالع بطريقي..

نـاجي : ههاهههه صايرة تحچين مثلهم" الزلمه الحوگ " و آني آني طالع بطريقچ.؟ نسيت شعندچ بمنطقة جساار؟ لو عاد مُعتذراً؟.. شعندچ شغل بمكان مثل هذا المكان؟

صاح ابن بلقيس ابنها الأصغر، من بعيد أنوب يحچي عراقي مكسر!!

_ ختة ختة..