ولد الباشا الثمن

Part ‹ 52 ›

﷽ 52
_______________ولد الباشـا
"الثَمن "

الكـاتبـه فاطمه الأحمد

لطفاً علقو بين الفقرات والتصويت فضلاً

+متابعه للحساب fatima_alahmad1

#الخاتونات

قــــرأة ممتعه أحبتي

------﴾❦﴿------

⊰ أريم ⊱

رحت بإتجاه غرفة خاله آيــدا استغربت من الباب الچان مفتوح.. تقدمت بخطوات سريعه اتبسمرت بمكاني
گدام الباب لمن شفت الغرفه ما بيها احد غير وحـده لابسه عبايه نجفية على راسها منطيّه ظهرها للباب والمخده بإيدها.. وخـالة آيــدا نايمه!!!.

أريم : هــــاي شتســــويييييين.

ركضت بسرعه لزمت إيدها لويتها ليورا ظهرها وعاطت

_ بنننننت الچلب ايييدي

وسعت عيوني من حچت، عرفتها من صوتها جريتها بعيد
وگع المخده من إيدها ورجعت هديت عليها لزگتها بالحايط لازمتها من رقبتها

أريم : الحية سجى الجسار مرت جيسوا.. لچ لچ تربية نَدى واگفة بعيني.. او اغسلچ غسلة تليق بيچ.. نــــاااوية تقتليييين الخــــــــالة!

سجى : ااالله ياااخذذذچ ااايدچ ولچ حيواااانه احترمي عمري ولچ امووت ايدچ.. خل احچييي

أريم : شحترررم منچ..حرامات عزام من هل بطن الجايف يل.. استغفرالله بسس وخــــري.

دفعتها للباب ودخل عمو أيهم لزمها بإيد وحده ما خلاها توگع.. نظرلي بخزره وآني تقدمت احچي بسرعه

أريم : عــــموو شفتها رادت تقتل الخاله چانت بإيدها المخده.

سجى : چــــذااابه والله ما ردت اقتلها ردت اخلي المخده ورا راسها.. ااايهم!

الباشا : أكسر ايدچ سجى اكسر ايدچ لو رايده تطخيها.

أريم : اااريد افهم هاي شتسوي هناا؟.

الباشا : أريم نصي صوتچ واطلعي..

أريم : بس فهمني هاي ليش هناا.. عموو!!

عافها واجا لزمني من زندي بهدوء بدون لا يأذيني مشاني للباب طلعني بره وسدها بوجهي..

أريم : هـااي شتسوووي.

سمعتها تتحلف ما استغلت نومة الخاله بسبب الأدوية وانه هي ما رادت تقتله.. عمي ضل ساكت إلى أن فزيت من ضرف على الباب وگال بصوت اربكني.

_ امشي للطابق الثاني يم هلال.. لا اكفر بـأبوچ.

مو بس مشيت..خطواتي اشبه بالركض عمو أيهم مو مال نعاند وياه.. دخلت للمصعد على الطابق الثاني ومن فتح رحت يم غرفة إيمار شفت عمو اشتر گاعد على الكراسي المحطوطة برا مشغول يراسل.. كنبصت گدامه اتنفس سريع واحچي