﷽56
__________________ولد الباشـا
"الثَمن "
الكـاتبـه فاطمه الأحمد
(البارت تأخر لأسباب خاصة بالأبطال "ألتمس منكم العُذر)
بارت من 11 ألف و 550 كلمة 🔥🔥🤯
النسـاء بِـ عِــز إنكسـارهُـنَّ يتَنفسنَ القوةَ .💎
قــــرأة ممتعه أحبتي
------﴾❦﴿------
⊰ أريم ⊱
ما لحگت اكمل كلامي دفع الباب برجله چآن واگف وراه! انسد الباب قفلها ، وآني الفستان بإيدي بلعت ريگ من صعوبة الموقف اندارلي بكامل جسمه نزع الجاكيت ورتب شعره اما الكمامة فـ ما شالها من وجه.. يتقدم وآني أتراجع
اردف الكلام اللي خلاني ارتب أوراق قديمه براسي!!.
_ مُلتقىٰ المُتخـاصمين مُنـذُ سِـنين..!
شفايفي بدت ترجف لمن المشهد تكرر أمام عيوني
_ مُلتقىٰ المُتخـاصمين مُنـذُ سِـنين..!
ابتعدت چم خطوة وَ هو يتقدم انلزگت بالحايط وين اضم روحي منه!. بلعت ريگي اما هو متلذذ بشوفتي وآني خايفه
_ ألفين و.....
خلى وجه بوجهي واني مغمضه عيوني بس اشهگ اكمل كلامه وصوته يم اذني يحچي بهمس
_ ألفين و خمسطاعش.. شارع المَعقل بناية رقم -
فتحت عيوني وهو ابعد رأسه ، بيني وبين وجهه شبر واحد ، حاولت اجمع الكلمات واحچي
أريم : أ جيت نحچي أنت طلبت نحچي لمصلحتنا لا تفتح ملفات قديمه.
_ فرصه ما تتكرر خل نفتح الدفاتر القديمه خل نفتحها
خـــــــــــــــل نفتح الدفـــــااااتر القديمه
من حچآ اخر كلمتين بصوت عالي ضرب ايده بكل قوته بالحايط بصف راسي، زين ليش محد يجي ليش محد يسمعنا!..نظرتله لمن حچآ ويصك على سنونه من الغضب من الحقد والكره عيونه تجدح نار مثل أسمه!!!
_ لـچ ااانتي السبب اخويه فقد عقله بسبببچ 8سنوااات بالمصحة العقلية وبعدددده .
غمضت عيوني اطلق العنان لدموعي كلما اتذكر اخوه!
حچيت واني بألف يا علي واگفه گدامه وگدام ضخامة جسمه وگدام شخص صار سنين يريد يشرب من دمي هلگد كارهني!
أريم : حميت نفسي منه حميييت نفسي من وحشييييته لأخـوووك
_ حميتي نفسچ انتي حميتي نفسچ منه...
أنت تقرأ
ولد الباشا الثمن
Боевикعالم مُغطىٰ بالذهب الأسود وَ السوَآد . حياة تعيشُها حالكةُ الظُلمِ وَ الظلام . أرواحٌ مــأسـورةٌ في سـرآيا الفُجارِ ذواتِ الأصنام. حيثُ السَّغر وَ الطُغيان . حيثُ كُرهٌ وَ الإحتقـار . حيثُ الأسر والهلاك . حيثُ السُقم والإنقسام. ـــــــــــــــ...
