﷽54
________________ولد الباشـا
"الثَمن "
الكـاتبـه فاطمه الأحمد
لطفاً علقو بين الفقرات والتصويت فضلاً
+متابعه للحساب fatima_alahmad
قــــرأة ممتعه أحبتي
------﴾❦﴿------
⊰ وَدق ⊱
Flash Back..ٕ
من اجاها الإتصال من بتراء رُقيه گامت تصعد على غرفتها تحاچيها.. بقيت آني باوعت بالوضع، ايدي متشابكه بإيد وَتن كل شويه يحچي كلمة بأذني.. عفت ايده وحچيت همس
وَدق : خل اگوم احچي ويا اختي هسه ارجع..
وَتـان : بعدين حاچيها.
وَدق : گلت هسه ارجع..
عفته وگُمت حچيت انه رايحه وراها طلعت من الصالة رُقيه شبسرعه صعدت ووصلت هاي راكضة ركض
وصلت على غرفتها فورا فتحت الباب ودخلت لگيتها
واگفه الموبايل بعده يدگ بإيدها وهي لازمه راسها
وَدق : ولچ جاااوبي.. جيبي اني اجاوب وافتح كام
اخذت الموبايل من إيدها فتحت الكام وواضح بتراء واگفه بالسطح ..گالت هلو فراشتي و رُقيه گالت اخ راسي!
..باوعتلها بقلق وبتراء تگول شكو.. هزيت كتفها
وَدق : شبي راسچ رُقيه.. رُقيه جاوبيني شبيچ رُقيه.
تگول راسي وخشمها طگ منه الدم.. انوب صارت تگح وگع الموبايل من إيدي وبتراء اتخبلت بس تريد تعرف شبينا.. و رُقيه تگح دم ما احس الا وهي واگعة من طولها
وَدق : رُقييييه...
من الرعبه وگعت على ركبي يم راسها عيوني متحجرة
على منظرها و بتراء بس اسمع صوتها تخبلت تگول شبيها رُقيه شبيها.. بهل اثناء دخلو الكل للغرفه وگاع مصفر لونه لمها بحظنه وينادي رُقيه!
دخلت بحالة عدم استوعاب وَتن كنبص سحبني لحظنه وأريم تحچي بصراخ
أريم : وگتتتت تبچييي عليها البنيه رااح تموت من وراااك
شلون ما تگول ينرادلها عملية..وگاااع گوووم
هنا حسيت الدنيا تفتر بيّه احچي والدموع تصب من عيوني
وَدق : شجااي تحچييين شبيهااا رُقيه
وگاع شالها لحظنه وركض بيها! برا والبقيه لحگوه واني اريد ادور على موبايلها شفته ورا الباب وبتراء مو عالخط
بألف يا علي اريد اطلع وراهم رجليّه ما تشيلني وَتن يريد يسندني انتر ايده
وَتـان : وَودد لا تسوين هيچي خل احچيلچ.
انزل الدرج وگدامي ما شوفه من الدموع وشفايفي يرجفن بآيات قرائية
أنت تقرأ
ولد الباشا الثمن
Aksiعالم مُغطىٰ بالذهب الأسود وَ السوَآد . حياة تعيشُها حالكةُ الظُلمِ وَ الظلام . أرواحٌ مــأسـورةٌ في سـرآيا الفُجارِ ذواتِ الأصنام. حيثُ السَّغر وَ الطُغيان . حيثُ كُرهٌ وَ الإحتقـار . حيثُ الأسر والهلاك . حيثُ السُقم والإنقسام. ـــــــــــــــ...
