طاح الكل بحبي ولا عمري حبيت ، ويوم هي جت طيحتني بحبها 🌷

الجزءالخامس عشر

كانت حالة نواف ب أحسن حاله ويقدر يطلع من المستشفى،  بس كانت حالة قلبه وعقله رايحه فيها من بعد م شاف سيلا، انقلبت موازينه
راح عبد الرحمن وسجله خروج وطلعوا كلهم للمستشفى
ركب نواف مع عبد الرحمن ، جاتهم سيلا ركض
سيلا : عبد الرحمن عبد الرحمن
عبد الرحمن: يا هلا والله بعيون اخوك
سيلا : عادي اركب معاك ؟
عبد الرحمن : اكيد يا روحي
سيلا ركبت السيارة وقالت : دحومي
عبد الرحمن: عيوني
سيلا: ابوسها عيونك ، اسمع
عبد الرحمن : اسمعك
سيلا : وش فيك ما انت على بعضك ؟
نواف بنفسه : تسأله اذا مو على بضه أجل انا وش اقول؟ من شفتك وانتي ماخذه قلبي وعقلي ، اهخخخ لو سمعت كلام العيال وأخذتها ولا صار اللي صار
عبد الرحمن ضحك ب إحراج : أنا مو على بعضي ؟
سيلا : اييه،  بلاك مو شايف نفسك والله واضح فيك شيء مم دخلنا عند نواف
نواف بنفسه : يا زين اسمي منك سوسو،  اهخخخخ مستحيل شلون حبيت لا اكيد ذا إعجاب،  بس ما ادري احس بموت ، اهخخ يا قلبي
عبد الرحمن صفق نواف : هيي انت اسمعوا بقولكم وش فيني
سيلا : يلا يا عيني خلصني قول
عبد الرحمن : اسمعوا والله لو ادري انكم قلتوا لأحد لو أقرب الناس بموتكم والله
سيلا : والله بقول ل لجين ما اقدر اخبي عليها وانت تعرفني
عبد الرحمن: تكفين قوليلها كل شيء إلا ذا
سيلا : لييه ؟
عبد الرحمن : انا يوم شفت لجين بالمستشفى ما قدرت اشيل عيني عنها والله أخذت قلبي
سيلا ونواف مع بعض : نععممم!!
عبد الرحمن: والله يا نواف مو بكيفي بس والله اختك تجنن ، لكن اوعدك ما راح يصير بيني وبينها اي شيء ولا راح اكلمها ، بس تكفى لا تزوجونها
سيلا ضحكت بصدمة : هههههه يا ربي يا زينك بس حب من أول نظرة
عبد الرحمن: والله وش اسوي
نواف : غض البصر
عبد الرحمن : أن شاء الله ، وانتي سوسو والله لو تقولين للجين اني لا اذبحك سامعة
نواف بدون وعي : لا والله ويلك تذبحها اذبحها بس وموتك على يدي
سيلا توترت من كلامه
عبد الرحمن: لاا! والله ما عرفتك يا اخوي
نواف بلعثمه: هاا ، لا اقصد هي أختك يعني خلاص
عبد الرحمن : اييه واضح
سيلا بعصبية : دحوم اسكت لا انا اللي اموتك ، وجعع
عبد الرحمن : اوفف انطمي انطمي بس واكرمينا بسكوتك
سيلا : اقول بس اسمع
عبد الرحمن : نعممم
سيلا بدلع : دحوميي والله آسفة بس تكفى مشتهية برجر ، خلنا نروح ماكل بالمطعم وكلم الباقين
نواف بنفسه : اههخخخ اهخخخ اهخخخ ، يا ربي يا ربي منها والله حبتي آخرتي،  اهخخ يا قلبييي
عبد الرحمن: طيب ابشري
نطت سيلا وضمته من ورا المقعد وقالت بفرح ودلع بنفس الوقت : شكرااا،  والله احبك احبك احبك احبكك
عبد الرحمن: عمري انتي وانا اعشققكك
نواف بنفسه : والله اني هايم فيك يا بنت محمد ، والله يعجل باليوم اللي اسمع ذي الكلمة منك لي
عبد الرحمن اتصل على الأهل وقالهم تعالوا المطعم ، واتفقوا على مطعم وكلهم راحوا له

وصلوا المطعم عبد الرحمن ونواف وسيلا
نزلوا واختاروا لهم طاولة
عبد الرحمن : وش طلبكم
نواف : برجر لحم
سيلا بحماس : نفسيييي
راح عبد الرحمن يطلب لهم ، وفتحت سيلا جوالها تراسل لجين
نواف : سوسو
انصدمت سيلا وتوترت: هلا
نواف : من تكلمين
سيلا نست نفسها وقالت بدلع : لجيني ، وقلبي ، وروحي ، وحياتي ، ودنيتي ، وانفاسي ، وهواي ، وشرياني ، وكل شيء خلو بحياتي هيي وناظرته وابتسمت من تحت النقاب
نواف : اهاا ،، ويقول بنفسه : يا ربيي يا صوتك وكلامك وعفويتك جابت أجلي ، ياحظها لجين دامك لذي الدرجة تحبينها،  قطع عليه حبل أفكاره صراخ سيلا
سيلا : لجينيي اشتقت لك
لجين : أنا اكثرر يا مهبولة
سيلا : يا عيون المهبولة انتي
ضحك نواف على هبالهم ، اما الباقين فكانوا متعودين على حركاتهم
الأمهات: وين بنجلس ؟
سيلا : هنا
نواف : لا حنا هنا وانتوا روحوا هناك لفوا كلهم بيشوفولهم طولة ، وفت سيلا عليه
سيلا : نوااف
نواف بفرحه : عيونه ، تقصد هلاا هلاا
سيلا توترت من كلامه : خلاص خلاص
نواف : لا وش كنتي تبين
سيلا : خلاص ولا شيء
نواف : متأكدة ؟
سيلا : ايه وش فيك انت ؟
نواف بنفسه : يا ربي اويل قلبي منك ، اخخ تجنننييينن
نواف : هاا ! لا ولا شيء
سيلا راحت وسحبت عليه
جاء عبد الرحمن وشاف أبوه وعمانه ونواف وجده ، عصب لما شاف جده ، بس جلس ما يبي يبين لنواف شيء
عبد الرحمن : نواف
نواف وهو سرحان ما سمعه
عبد الرحمن : هيي يالحبيب ، وجلس يناديه ، لين قام وهز كتفه
صحى نواف على نفسه : هاا
عبد الرحمن يقلد نبرة صوته : هاا ، اقول قم بس قم
نواف :  لوين ؟
عبد الرحمن: تعال نسولف انا وياك هنا برا في جلسات خارجية وفي زرع تعال معاي
نواف : يلا
راحوا وجلسوا وبدأوا بالسوالف
عبد الرحمن: اولًا الحمد لله على سلامتك يالعضيد ، ثانيًا وش ذا معقوله سويت حادث بس عشان قلنا لك تزوج اختي ؟
نواف : الله يسلمك ، اههخخ قلبيي
عبد الرحمن : وش فيك ؟
نواف : اسمع ، بيني وبينك
عبد الرحمن: اكييد، تكلم بس وش فيه قلبك ، لا يكون تحب وحدة عشان كذا عصبت من طاري سيلا مع العيال؟
نواف : لا لا ما كنت احب ولا بنت ، بس الصراحة ما ادري يوم شفت اختك طيحتني بشباكها وقلت ليتني سمعت كلام بدر
عبد الرحمن بصدمة : من جدك انت ؟
نواف : والله العلي العظيم
عبد الرحمن : طيب تعال اخطبها ، طلعنا انا وانت خرفان طيحونا
ذيلا البنات
ضحك نواف : اهخخ طيب وش اسوي اختك
ضحك نواف : اهخخ طيب وش اسوي اختك تاخذ العقل يا خي تجنن تجنن، ياحظك دامك دايم معاها اهخخ يا قلبيي
عبد الرحمن : لا نواف اللي كل البنات طاحوا عنده ما عمره طاح عند ولا وحدة منهم ، بس شفت اختي اللي تكرهك وتسبك ليل نهار ومو طايقتك تخرفنت وطحت بحبها !!
نواف بضيق من ان سيلا تكرهه: ليش تكرهني انا وش سويت ؟؟
عبد الرحمن: يا أبو الشباب هدي لا تصيح علينا
نواف بضيق: طيب ياخي .................. قاطع عليهم اتصال من جوال عبد الرحمن ، شاف عبد الرحمن أبوه يدق ، رد عليه
عبد الرحمن: آمر يبى
محمد : تعالوا وصل الأكل
عبد الرحمن: قلهم يجيبون حقي وحق نواف برا
محمد: طيب يلا ، سكروا الخط وجلس عبد الرحمن وشاف أقرب واحد له من اخوياه متضايق
ناظره عبد الرحمن : نواف يا رجال اسمع ، ما عليك ترا اختي خفيفة واقدر اخليها تحبك وتنجن من كثر حبها لك
نواف بضيق وفرح بنفس الوقت : قول والله
عبد الرحمن: والله ما عليك بضبطك بنفسي ، بس طبعًا ما راح اخليك تكلمها ولا شيء انا بطريقتي الخاصة اقدر عليها
دخل النادل وحط لهم الأكل وبدأوا بالأكل
نواف : ايه كيف ؟
عبد الرحمن: لا تشيل هم ازهلها وخلها علي ،، وكملوا ياكلون بصمت تام

عند الرجال
أبو سعود: وينهم
أبو عبد الرحمن : كلمت الموظف يوديلهم طلبهم،  ما تعرفهم ذولا
أبو سعود : ايه والله وكملوا ياكلون

عند الحريم أول ما وصلهم الطلب بدأوا سيلا ولجين يصورون
أم عبد الهادي : يا ربي وش ذا خلاص كم صورة بالله ؟
لجين : سترييك
سيلا : وييع اكره السناب بس اني ضايفه خلق الله كلهم واسوي معهم ستريك ، والزقة نورة كل ما بدأت معها قطعته
نورة : والله الزق انتي احترمي نفسك ترا أنا عمتك
لجين : أقول طسي ، وسيبي سيلتي بحالها
أم عبد الله : أقول حطوا يدكم وكلوا وما عليكم من ذولا قال ايش قال ستيك
ضحكوا كلهم عليها
سيلا : يا عمري عليك رموستي الستيك ذا اللي بالبرجر او خو لحم بشكل عام ، الستيك بصوب ، والستريك بصوب ثاني
أم عبد الله : ستيك ولا ستريك ، خلوكم من ذي اللغة وامشوا كلوا
بدأوا ياكلون وخلص الكل أكل ومشيوا متوجهين لبيت الجد

في سيارة عبد الرحمن
كان الصمت سيد المكان
لين نطقت سيلا : دحوم شغل اغنية
عبد الرحمن : وش تبين ؟
سيلا : اي شيء
شغل عبد الرحمن اغنية عايض

كيف أبين لك شعوري دون ما احكي
خابرك لماح لكن ما لمحته
لا تغرك كثرة مزوحي وضحكي
والله ان قلبي لغيرك ما فتحته

وكانت سيلا تغني معاه وتناست وجود نواف
نواف بنفسه : يا ربي ، ذي ماخلا شيء حلو إلا وهي ماخذته،  الله يعين قلبي بس
كملوا الأغنية وخلصت ، دخلوا الحي اللي فيه بيت جدهم
سيلا : اعترف انك تقصد لجين .....

كيفكم جميعًا ؟
رجعت لكم ببارت جديد
لا تنسون النجمة وأعطوني رأيكم بالكومنت ولا والله ازعل 😓