طاح الكل بحبي ولا عمري حبيت ، ويوم هي جت طيحتني بحبها 🌷

الجزء التاسع عشر

بعد ما خلص الإحتفال باليوم الوطني ، جلسوا شوي بالحديقة وشافوا كيف الناس يحتفلون ، بعدها بمدة عالساعة ١٢ في الليل ، طلعوا من الحديقة البنات والعيال متوجهين للمطعم يتعشون
عبد الرحمن : هاه وش تبون ؟
نواف : نبي مطعم سعودي
سيلا : البيك
عبد الرحمن : تم
راحوا البنات مع سيلا ، والعيال مع عبد الرحمن،  حركوا مع بعض للمطعم وما كان مرة زحمة لأنه الناس بدأت ترجع لبيوتها ، دخلوا المطعم وطلبوا لهم ، العيال أخذوا طاولة ، والبنات طاولة ثانية ، وكانت طاولتهم مقابل بعض

طاولة العيال
نواف بصوت عالي بحكم ان المطعم كان فاضي : عمو ساميي وقعت في الحب
ضحكوا عليه العيال
سعود بضحكة وعصبية بنفس الوقت : ارفع علومك يا ولد ، ولا ترا حسابي معاك بالبيت
ضحك نواف
سعود برفعة حاجب : لا يكون خذيت رقمها ولا سناباها ؟؟
نواف : صاحي انت ، بعدين علامك شديتها ؟ يعني الواحد ما يمزح ؟ ما يستهبل ؟
عبد الله : اهدوا،  اهدوا لا يطق فيكم عرق
وكملوا سوالفهم

عند طاولة البنات
كانت كل وحدة فاتحة جوالها يتفرجون على فعاليات صديقاتهم والمشاهير
سيلا بعد ما فتحت الستريكات دخلت الانستا وشافت ستوريات كل صديقاتها ، وهي تمشى بالبوستات إلا يطلعلها حساب بالإقتراحات كان اسمه ( 𝐍🇸🇦 ) ، والأفتار كان واحد يشبه نواف ، رفعت حواجبها مستغربة ، دخلت على الحساب ودققت بالملامح وطلع هو نواف ، شافت ستورياته والبوستات والريلزات،  وكانت نتأمل فيه ولأول مرة تدقق بملامحه لذي الدرجة ، وبدون وعي منها كانت كل ما تمشي على بوست او ريلز تسوي لايك ، بعدها سوت فولو وهي مو حاسة بنفسها

عند طاولة العيال
وهم بنص سوالفهم ، إلا نواف تجيه إشعارات ورا بعض ، عقد حواجبه وفتح الجوال ، وانصدم يوم قرأ الإسم ( 𝐒𝐘𝐋𝐋𝐀 ✨ ) ، شاف انها مسوية لايك لكل منشوراته وستورياته وقال بنفسه : يا رب انها هي ، يا رب انها هي ،، سوا لها فولو وكان يدعي انها تقبله لأن حسابها برايفت ، ترك جواله وكان نظرة عليها وكل تفكيره فيها ، جاهم الموظف وأعطاهم طلبهم ، ونفس الشيء عند البنات ، خلصوا عشاء وقامت سيلا تغسل يدها ، بعد ما غسلت يدها رجعت للبنات
سيلا : بنات في احد يبي سفن ؟ ترا غير السفن ما بجيب
كلهم قالوا ايه
توجهت للكاشير
سيلا : عفوًا ، ممكن أربعة سفن
الموظف : اوك
راح الموضف يجيب لها السفن ، انتبه عليها نواف وعرف انها جاية تطلب سفن ، راح عندها وطلب معاها
نواف : يا محمد
الموضف حاء له : ايوا
نواف : جيب لي معاك ٥ سفن غير اللي هي طلبته ، حطهم بكيس واحد حنا مع بعض
الموظف هز راسه بالموافقة،  واتوجه يجيب لهم السفن
فتحت سيلا جوالها
فتحت سيلا جوالها وانتبهت انه في حساب مسوي لها فولو ، ما انتبهت انه اللي ضايفها نواف ، توقعت انها بنت فقبلته ، وفتحت التيك توك وكانت تتفرج
عند نواف
أول ما قبلته سيلا جا له إشعار ، فتح جواله وفرح لما شاف قبولها ، فتح ستورياتها وكانت منزلة صورها وكل شيء صورته اليوم ، كان يتأمل جمالها ويدعي الله من كل قلبه انها تكون له ومن نصيبه وكمل يتفرج على ستورياتها ، سمع صوتها وهي تغني
نواف بنفسه: يا ربي ، يا قلبي اسأل الله الثبات ، والله تعبت تعبت من ذا الحب ...... قاطع عليه تفكيره صوت الموظف
الموظف : هذا الطلب
نواف : يعطيك العافية ، سيلا
سيلا ناظرته وعقدت حواجبها : هاا
نواف : اسمعي بعطي العيال السفن ، خليك عنا عشان ارجع اعطيك حقكم
سيلا ب إستغراب: تمام
راح نواف مسرع للعيال ، وأعطاهم حقهم
عبد الرحمن: واللي في يدك ؟ ، لا يكون بتشربه ؟
نواف : ليه ؟ لا بس طلبت لي وللبنات عشان اختي قالت لي ورايح اعطيها
عبد الرحمن : اهاا
راح نواف مسرعة لسيلا
نواف بدون وعي : سيلا ، سوسو قلبي خذي
سيلا توترت وانصدمت من كلامه ، أخذت منه الكيس وكانت بتروح
نواف : لحظة ، سوسوو
سيلا توترت زيادة وقالت بلعثمة: هاااا،  خخلصننيي وو..ش تب..ي ؟
نواف : اسمعي بقولك
هنا سيلا توترت أكثر وأكثر
نواف : ما عليه لا تخافين
سيلا : .......
نواف : شوفي عيوني ناديلي لجين ابيها
سيلا عقدت حواجبها وبعصبية : صاحي انتي مريض ؟؟؟ مخوفني وموترني وماخذني على حنب عشان ذا الكلام !! ما عندك رقمها ؟ لا تصير أهبل ، وراحت وتركته
نواف ما يدري وش جاه ، كان يبي يفتح معاها موضوع ب أي طريقة ، ضحك على نفسه وعلى كلامه معاها ، وتوجه للعيال