طاح الكل بحبي ولا عمري حبيت ، ويوم هي جت طيحتني بحبها 🌷

الجزء الثامن عشر

عند سيلا صارت الساعة ٣ ، قامت ونظفت كل شيء وتوجهت لغرفتها تنام

عند نواف وعبد الرحمن
عبد الرحمن بتنهيده : يلا الساعة ٣ امش ننام ، ولا نسيت بكرا اليوم الوطني ، وفي فعاليات ، يلاا قووم ننما ونريح شوي
نواف : طيب ، هذا اصلًا إذا جاني النوم
عبد الرحمن : يلا استأذن
قاموا كلهم لفرشهم ، وقعدوا يهوجسون لين ناموا

عند الجد عبد الهادي،  قام على أذان الفجر ، توضأ وتوجه للمسجد ، وكذلك عند الجدة ، صلت الفجر وراحت لبنتها وزوجات عيالها وبناتها تصحيهم، الكل صحى وبقى البنات ، توجهت لغرفة سيلا
الجدة : سيلا ، سيلا بنتي
سيلا : هاا
الجدة : قومي ، قومي لا يضحك عليك بليس ، قومي وصلي الفجر
سيلا بنوم : طيبب
الجدة : أقول،  اعرفك دايم تقولين طيب وتسحبين،  قومي يلا
سيلا : اووف ، طيب طيب يلا قمت
قامت وغسلت وجهها وتوضت ، راحت تصحي لجين ، دخلت عليها وقامت تطبل في الباب وتغني :
عاش سلمان يا بلادي عاش سلمان
عاش سلمان ملكنا عاش سلمان
وعاش سلمان يبلادي عاش سلمان
عاش سلمان ملكنا عاش سلمان
والشعب كله يردد عاش سلمان
والشعب كله يردد عاش سلمان

لللللللووووويشش،  لجيييييييييييين قومي يلا
قامت سيلا شغلت كل الليتات ، وقفل المكيف وراحت سحبت طنيتها وبدال ما تطبل في الباب صارت تطبل عليها :
غنت الدنيا وغنت البلد
غنت الأمجاد يا أبو فهد
غنت الدنيا وغنت البلد
غنت الأمجاد يا أبو فهد
نكتب الفرحة لك بأحلى قصيد ........ قامت صفقتها
لجين بعصبية : يا كلبة ، وطنية زايدة ، خيررر وش ذا احد يصحي النايم زي كذا ؟
سيلا بدأت تهز وتغني :
ويا سلامي عليكم يا السعودية
يا ديار الشيم يا دار الأوطاني
يالسع.............. رمت عليها لجين المخدة
لجين بعصبية زيادة : صاحية انتي ؟ صاحية ؟ احد يصحي زي كذا ؟ غلطانة ترا الإحتفال مو هنا ، روحي شوفي وين مكان الإحتفال ، مو في غرفتي
ضحكت سيلا :
سعوديوون يا فخر العرب
سعوديوون تاريخ ونسب .....

قامت لجين هبدتها وطلعتها برا الغرفة وسكرت الباب
لجين بنفسها: وجع ، والله لا أوريك يا حيوانة ، قلة حياء
وراحت توضت وصلت ، نزلت تحت لقيتهم كلهم متجمعين بالمطبخ
لجين: السلام عليك
ردوا السلام
أم سعود : كيفك يا بنتي
لجين : والله الكلبة سيلا ، جاية تطبل عندي ، وتغني للسعودية
ضحكوا كلهم
نجمة: والله وطنية زايدة ، الحمد لله ما صحيتيني،  شوفي يا لجين كل ما قلت كلمة موجودة في أغنية للسعودية ، قامت تغني
لجين : مهبولة ذي
سيلا : ابي بان كيك
نورة : والله يا حبيبتي صاجتنا من اليوم وتبينا نطبخلك ، لا يا عمري ، تعالي اللي تبينه سويه
سيلا : اووف منك بس
طلعت سيلا مكونات البان كيك وبدأت تسويه
سيلا : اسمعي جدوه اهم شيء البيض من يدك
أم عبد الهادي : أكيد
نورة : والله ان بيض أمي له طعم غير
سيلا : عمرك ما صدقتي ، لكن بذي والله إنك صادقة
نورة : اقول احترمي نفسك ترا أنا عمتك
سيلا : طيب طيب
طلعت نجمة الصحون والأكواب ، تساعدوا هي ولجين وغسلوها
سيلا : وخلصنا من البان كيك ، وين الصحن ؟
نجمة :  هنا يا روحي
راحت سيلا للصحن ورصت فيه البان كيك،  وحطت بالنص ، صحن صغير
سيلا : ترا بحط نوتيلا ، إذا تبون شيء ثاني جيبوا
لجين : عسلل
سيلا : خلاص جيبي معاك عسل عالسفرة
لجين : تمام بس بطلعه من الثلاجة برا يفك شوي
بعد ١٠ دقايق كان كل شيء جاهز
لجين : لحظة لحظة ، قبل لا تشيلونه لازم اصور ستريك
أم عبد الله : اوفف منك انت وذا اللي تصورينه،  كل يوم عالتنا فيه
لجين : طيب ، اشوي بس
خلصت تصوير بعد طلوع الروح ، أخذوا الصحون والشاهي لطاولة الطعام وبدأوا يفطرون
أم عبد الرحمن : سموا بالله ، بس بآخذ شوي من الأكل وأوديه لعمي
أم عبد الهادي بضيق : الله يسعد يا رب
أم عبد الرحمن: آمين ، وياك يا عيوني
أخذت أم عبد الرحمن من الفطور ، وكوب شاهي ، وتوجهت للمشب ، دخلت
وتقدمت حطت الفطور وحبت راسه ويده
أم عبد الرحمن : صباح الخير يا غالي ، كيفك ؟
اطلق أبو عبد الهادي تنهيده : صباح النور والسرور، بخير ، وانتوا شمسوين ؟
أم عبد الرحمن : دوم يا عمي ، والله الحمد لله كلنا بخير
طلعت من عنده وراحت لهم