طاح الكل بحبي ولا عمري حبيت ، ويوم هي جت طيحتني بحبها 🌷

الجزء الثالث عشر

عند أروى
نزلت لأمها بالمطبخ وباين عليها الحزن
أم أروى : وش فيك يا بنتي ، ليه هالملامح الحلوة حزينه ؟؟
أروى : اخخخ يمه ، يمه والله إني حزنانه على نجود ، واقعة بعلاقة أعوذ بالله منها ، وسوت مشكلة لبنت عمها
امها تنرفزت من كلامها وقالت بعصبية: أنا كم مرة قلت لك اتركي ذي البنت ؟ ، من يوم ما صادقتيها وانتي مهمومة،  كل مشاكلها فوق راسك
أروى : ابشرك يمه توني مسكرة منها وقطعت علاقتي فيها وبلكتها من كل مكان ، بس انا حلفت ان اللي فيها يبقى سر بيني وبينها ، وهي تعرف ا الشخص الوحيد اللي اقوله كل شيء انتي ، ومن اول هي تعرف وعادي عندها ، عارفة انك ما راح تفضحينها،  صح اني كرهتها من عمايلها، لكن حزنانه عليها ، اتمنى لو انها تتعدل ، والله يمى اني كل يوم ادعي لها قبل نفسي ان الله يهديها ، والله ، لأن كل م نصحتها ما في فايدة ، صح انه اكرها وقطعت علاقتي فيها ، بس والله ما انساها من الدعاء ، مو حبًّا فيها ، لا طبعًا ، بس خوفًا عليها من اللي تسويه
أم أروى : يا زينك يا بنتي ، يعجبني فيك انك دايمًا واقفة مع الناس حتى اللي تكرهينهم
أروى : اخخ يمى ، الله يكون في العون

عند سعود
وصل بيت جده ومعاه الفطور ، وهو رايح للمطبخ مر الصالة وانصدم من وجود أبوه وعمه وجدته ويوم شاف سيلا صد
صدت سيلا وقالت بصوت خافت : عمي عبد الهادي،  سعود جاء
عبد الهادي : ارحبب يا قلب ابوك
سعود : الله يبقيك يا غالي
أم عبد الهادي: يا هلا والله بالغالي
ماجد : حي الله ولد أخوي الغالي
عبد الرحمن: ارحبب يا ولد العم ، يالله حيه
سعود : الله يبقيك ، والله يحييكم،  كيفكم ؟
كلهم مع بعض : بخير ولله الحمد ، وانت؟
سعود : بخير دامكم بخير ، بس لحظة بروح اسلم على امي ونجمة وراجعلكم
اتصل سعود على نجمة :
نجمة : حيي الله حبيبييي،  هاا وينك ؟
سعود : في المطبخ انزلي وجيبي لجين وأمي بسرعة
نجمة : ياااي يلا يلا الحين ، سكروا الخط ، راحت نجمة تقول ل لجين وأمها يجون
أم سعود : اليوم الفطور عليكم امس حنا اللي سويناه اليوم ورونا سنعكم
نجمة : لا لا مو فطور تعالوا بسرعة فيه مفاجأة
لجين: الله يستر منك بس
وراحوا للمطبخ ، دخلت نجمة أول وركضت لسعود
نجمة : سعوديييي ،، أول ما سمعوا اسمه دخلوا المطبخ بيسلمون عليه
سعود : عيون سعودك ، حيي الله أمي واختيي وحبيبتيي
كلهم مع بعض : الله يحييك ، الحمد لله على سلامتك
سعود : الله يسلمكم،، همس بإذن نجمة : نجمتي حلوتي يس بسلم على أمي وأختي بعدين وقتي كله لك
نجمة: احببكككك
سعود : اعشقككككك
لجين : الله شوفي يمى عصافير الحب يتهامسون ما أدري وش عندهم
أم سعود : وانتي وش عليك فيهم
لجين :..
لجين : يا ربي
سعود : احسن كل شوي وانتي ناطة لنا
جلسوا مع بعض اشوي
سعود : هذا الفطور جهزوه حبايبي
نجمة : حاضر يا عيوني
سعود: يا زينك ويا زين عيونك حبيبتي وباسها على عيونها الثنتين وخدها نحنة مررة استحت
لجين غطت عيونها : وجع وجع وجع
أم سعود: أقول انتي انطمي وجهزي الفطور وانتي ساكته
سعود ضحك : احسسن
وطلع وهو بقمة الروقان ، وتوجه لأبوه وعمانه