طاح الكل بحبي ولا عمري حبيت ، ويوم هي جت طيحتني بحبها 🌷

الجزء السادس عشر

سيلا : اعترف انك تقصد لجين
عبد الرحمن: ايه والله اقصدها
سيلا : والله ما ادري الصراحة ، لكن ب إذن الله تكونون من نصيب بعض ونشوفكم أحلى عرسان
عبد الرحمن : آمين يا روح اخوك
سيلا : فديت روحك والله
عبد الرحمن : يا عمري انتي
وصلوا للبيت ونزلوا كلهم
الرجال راحوا كلهم للمجلس والحريم طلعوا فوق والجد دخل المشب
وعبد الرحمن ونواف راحوا للحديقة الخلفية
عبد الرحمن: نواف اجيب لك شاهي
نواف بضيق : ايه والله ودي
عبد الرحمن : والله صارت علوم كثيرة ذا وانت مالك إلا يومين،  ووالله صدق انا ما ادري كيف نجيت من الحادث ، كان مرة قوي ، وكمان صحيت بسرعة ما شاء الله تبارك الله
نواف : اهخخ يا سيلا
عبد الرحمن: اعقب ، اختي لا تتكلم عنها سامع
نواف بضيق وزعل : طيب
قام عبد الرحمن ينادي اخته : سيلااااااااااا ياسيلاااا سوسووو
نزلت سيلا ركض
سيلا : هلا هلا عيوني
عبد الرحمن: ممكن طلب ؟
سيلا : آمرني ، وغنت له :

انت ما تطلب ترا تآمر أمر
انت حاجة لازم انها تستمر

عبد الرحمن ضمها لصدره وقال: يا عمريييي انتيي ، الله يديمك لي يا عيوني
سيلا : وياك بيبي ، يلا الحين يجيك أحلى شيء لأحلى أخ وحبيب وصديق وخوي في ذي الدنيا
عبد الرحمن ابتسم : يا جعلني فدااك
سيلا اعطته بوسه بالهواء: مجار يا عمر اختك
وراحت سيلا للمطبخ تسوي الشاهي

عند الحريم
كانت أم عبد الهادي مررة متضايقة من طلاق زوجها،  وضايقت أكثر لما شافته بالمستشفى
راحت نجمة لها
نجمة : يمه تعالي بكلمك ( كانت نجمة تقول لأم عبد الهادي وأم سعود يمه ، من كثر ما تحبهم وتحترمهم وتعتبرهم أهلها )
أم عبد الهادي ابتسمت : تعالي يا عيوني
راحوا لغرفة أم عبد الهادي ، دخلوا وجلسوا على السرير
نجمة : يمه حبيبتي ودنيتي ، وش فيك يا عمري؟ ليه كل هالحزن ؟
أم عبد الهادي بضيق تنهدت وقالت : والله يا نجمتي انها ضايقة فيني الوسيعة
نجمة بحزن على حالتها : يا عيون نجمتك انتي ، وش اللي مضيق عليك يا روحها ؟ علميني ، فضفضي،  قولي ، والله لا أسمع لك غاليتي مثل ما انتي دايمًا واقفة معه بضيقتي قبل فرحتي ، قولي جعلها آخر أحزانك يمه
أم عبد الهادي فرحت من كلام نجمة لها : اهخخ ..... قاطعتها نجمة : ما ودي أقاطعك ، وأتمنى تعذريني اني قاطعتك ، بسم الله عليك من الآخ ، لا تقولينها وحنا كلنا حواليك وبصفك
أم عبد الهادي تنهدت : والله يا بنيتي اني مرة متضايقة من بعد ما طلقني،  مو عارفة شلون سواها ، ووشلون هانت عليه العشرة ، أدري فيه وب أسلوبه ، لكن ما توقعتها منه والله ، وبدأت دموعها تنزل
نجمة مرة حزنت عليها بس ما حبت تبين لها وهي جاية تواسيها ، ابتسمت لها وقالت : يمه
نجمة : يمه يا روحي انتي ويا حياتي اسمعيني يالغالية والله انها خيرة أدري اللي صار فيك مو شوي وانا هو غلط لكن صدقيني خيرة والله حنا جنبك ومعك بالمرة قبل الحلوة تكفين لا تبكين ، وعشان تتونسين بكلم الخدم يجهزون السطح ، وبنجيب الكيرم وأحلى شاهي من يدي لك ، ونفل أم امها
أم عبد الهادي ابتسمت : الله لا يحرمني منك يا قلبي
نجمة : ولا منك ، يلا انا بروح اجهز الدنيا ، واجيك واوعدك بنفلها
طلعت نجمة وتوجهت للمطبخ ، لقت سيلا ولجين يسولفون
نجمة : شتسوون؟
سيلا : دحوم يبي شاهي وقاعدة اسوي له
نجمة: اهاا ، اسمعوا
كلهم مع بعض : هلا
نجمة : جدتكم واضح متضايقة من اللي صار ، ف أنا قلت نزبط لنا جلسة فوق ونجيب شاهي وكيرم
لجين : ايوا ، تعرفين تصيدين جوها
نجمة : ههههه
راحت نجمة تكلم الخدم يجهزون السطح ، وراحت هي تسوي الشاهي
بالمطبخ
سيلا : اسمعي لجين
لجين : هلا
سيلا : روحي غرفتي نسولف على بال ما يخلصون تجهيز ، وأنا بودي الشاهي للحوم واجيك
لجين : تمام
راحت لجين لغرفة سيلا ، وسيلا راحت للحديقة الخلفية