طاح الكل بحبي ولا عمري حبيت ، ويوم هي جت طيحتني بحبها 🌷

الجزء الحادي عشر

أم عبد الهادي: ايييه والله صح شلون ما جات على بالي
لجين : والله يا سيلا طلعتي منتي بهينة
سيلا : اكييد وأنا حفيدة حفصة وبنت عم لجين
كلهم مع بعض : والنعمم
أم عبد الهادي: شلون بنقول للعيال ؟؟
سيلا : ازهليها وخليها علي
أم عبد الهادي : الله يستر
ضحكت لجين
سيلا : لذي الدرجة طايحة من عينك ؟
أم عبد الهادي: امزح يا بنتي والله أمزح
سيلا بغرور وتسليك : ايه ايه واضح
أم عبد الهادي: خير وش ذا الغرور ؟
سيلا : طبيعي بكون مغرورة دامك جدتي
أم عبد الهادي : يا روحي انتيي
راحت سيلا وفتحت الجوال دخلت الواتس وسوت قروب ضافت فيه عمانها وأبوها وكتبت السلام عليكم ورحمة الله وبركاته

عند أبو سعود ، وهو بنص قراءته إلا يسمع إشعار من جواله واستغرب مين اللي يرسل عالساعة ٤ الفجر ، فتح الجوال وشاف الرسالة من سيلا والواضح مرسلتها بقروب اسمه ( ابيكم بموضوع مهم )
أبو سعود كتب : وعليكم السلام ورحمة الله وبركاته ، هلا والله بسوسو ، كيف حبيبة عمها ؟ هلا عيوني آمريني أنا تحت أمرك ...

عند غرفة نواف
دخلت ممرضة سعودية ولحقتها صديقتها
فنون : هيي ابتهال توك كاشفة عليه وش فيك راجعة ؟
ابتهال : آآآآه يا فنون يجنن
فنون : يا رب يقوم ويتزوجني
ابتهال : خيير لا بيتزوجني أنا أنا أحلى
فنون : والله ؟
ابتهال : اكييد
فنون : دامك كذا انا بقطع علاقتي معاك ونشوف بياخذني والا بياخذك وطلعت من عندها
حزنت ابتهال على انه انقطعت علاقتها مع صديقتها وأقرب شخص لها من وهي صغيرة
وخلت نجود : ترا شفت كل شيء وسمعت كل اللي دار بينكم ، انتي اللي جنيتي على نفسك ، تره رجال بغيبوبه وانتم تهتمون فيه مو تتضاربون مين اللي ياخذه يمكن ما يعيش ..
قاطعتها ابتهال : بسم الله عليه بسم الله على قلبي لا تقولين كذا يا حيوانة
نجود : والله صدق انكم مريضات تترضاربون على رجال ما درا عن هوى داركم ، مو عشانه حلو طحتوا بالغرام ترا ذا إعجابب لا أكثر يالخبلة
ابتهال بنص دموعها : والله احبه احبه احببه اخخخخ
نجود مرييضة مرييييضة صدق انتي المريضة مو هو المفروض نحطك بداله صحصحي لا والله أعلم عمي وتعرفين ابوك وش يسوي ما عنده ترا ذي السوالف انتي تشتغلين هنا تأدين الواجب مو تجين بأنصاص الليالي تتأملين بواحد من المرضى
ابتهال : انا قاعدة اتأمله وهو بيصير زوجي ما سويت شيء غلط
ضحكت نجود : يا ربي ههههههه وواثقة !
ابتهال : ايييه وتشوفين
نجود : طيب طيب والله عند ابوك يا قليلة الحياء
ابتهال : اتحداك
نجود : وتشوفين انا نجود قد كل التحديات
طلعت نجود وتوجهت لسيارتها بترجع البيت
خافت ابتهال ان نجود تعلم ابوها لأن ابوها شديد وما عنده اي تفاهم وخافت ابتهال ان نجود تعلم ابوها لأن ابوها شديد وما عنده اي تفاهم وخاصةً بذي الأمور

عند سيلا اول ما أرسلت الرسالة رد عليها أبو سعود على طول
ردت عليه ( هلابك عمووو والله بخير الحمد لله وانت كيفك ؟ بس ابيك انت وعماني وعيالكم كلكم تجون تفطرون ببيت جدتي ضرورييي ) ارسلت الرسالة وراحت لجدتها ولجين
أم عبد الهادي : ايه وش بتسوين ؟
سيلا : سويت قروب وضفت فيه عماني وأبوي وقلتلهم ابيكم بموضوع ضروري وورتهم المحادثة ، وأنا اللي بتكلم وبقولهم السالفة
لجين : والله إنك كفوو
سيلا : كفوك
أم عبد الهادي : ما تقصرون حبيباتي
سيلا ولجين : ولو واجبنا