طاح الكل بحبي ولا عمري حبيت ، ويوم هي جت طيحتني بحبها 🌷

الجزء الرابع

أم سعود : بنات
كلهم مع بعض هلا
أم سعود : أحس قلبي يوجعني
أم عبد الله : انتي يا بقرة ما فيك الا العافية توك ما غير تضحكين شكله يوجعك من كثر الضحك
أم عبد الرحمن : فال الله ولا فالك ، صاحية انتي وش ذا الكلام ؟
أم سعود : بنات شلون أقولكم ، احس قلبي يوجعني على نواف
أم عبد الله : يا بنت الحلال استهدي بالله
أم سعود : ترا إحساس الأم دايم عند محله ، والله خايفة
أم عبد الرحمن : أعوذ بالله لا توسوسين،  تلاقينه مع عبد الرحمن
أم سعود : بدأت دموعها تنزل
البنات خافوا وحاولوا يهدونها...

عند البنات
نورة : الله علييك يا نجمة ، والله كانت ليلة ولا بالاحلام صدق صدق اشتقت
سيلا : ايه والله ، اشتقنا لذي السهرات مررة وناسة
لجين : اييييه
نجمة : حبايبي انتوا والله تستاهلون كل خير ، بنات ايش رايكم نطلع الحوش ونلعب وبالموية عشر دقايق ونرجع ؟
لجين : قدااام
نورة : حي عييينننك يا شيخة
نجمة : حي نباك
سيلا : يلااا بسرررعة، لا يقفطونا
نزلوا وراحو للحوش الخلفي ، وفتحوا الموية وقعدوا يرشرشون على بعض ولجين قعدت تصارخ وهي أقل وحدة تجيها الموية
نورة : يا حيوانة انطمي فضحتينا الله يفضحك عدوك يا شيخة
نجمة : خير يا لجين ، ما تعرفين تنطمين؟
راحت لجين وهي زعلانة ، ضحكت سيلا ولا قدرت تتركها زعلانة صح مو هي اللي زعلتها بس ما ترضى زعلها حتى من غيرها
سيلا : وانتوا والله لا أوريكم
نورة : اقول انقلعي مسوين نفسكم البيست فريند ما أرضى عليها
سيلا : يعنني وانتي العمة اللي عادي عندها زعل عيال أخوانها ، ضحكت نجمة
نجمة : اقصروا الشر خلاص ، تأففت نورة
نورة : أعوذ بالله منكم بروح غرفتي ويا ويل اللي تجي
سيلا : من زينك ومن زين غرفتك
نورة : ايه من زينها بعد ما اكلتي وشربتي وتبطحتي وسويتي اللي براسك
سيلا : اقول انقلعي ، راحت سيلا ل لجين
نورة لنجمة : وجع وش فيهم ذولا ؟
نجمة : يا ربي خلاص اتركيك منهم ، وامشي في فيلم حلو خلينا نتفرج ونسحب عليهم
نورة : والله إنك كفو يا شيخة
طلعوا فوق وقبل ما يطلعون كلموا ميالا تجهز لهم الفشار ومشروب غازي
جهزوا الفيلم والا دخلت عليهم ميالا معاها الأغراض
نجمة: يالله الحين تجيك جلسة على كيف كيفك
نورة : يا لبييه فديتك نجومتي يا ناس
نجمة : عيوني لك ، انا كلي فداك
نورة: مجارة يا روحي ، وشغلوا الفيلم

عند الممرض علي : كان قاعد ويقول بنفسه لازم أروح أكلمها ذي مو بصاحية،  توجه للمصعد ونزل لدور الطوارئ وكانت هيفاء بنفس مكانها راح لها
الممرض علي : السلام عليكم
هيفاء بصوت مليان بكي وعليكم السلام ، كيف زوجي ؟
قعد يضحك بنفسه ويقول بنفسه أجل زوجك هاا ههههههه
قعد يضحك بنفسه ويقول بنفسه أجل زوجك هاا هههههههه
الممرض علي : وليش تسألين عنه إن شاء الله ؟
هيفاء : وش اللي ليش اسأل عنه زوجي ليه حرام ؟
الممرض علي : ايه حرام
هيفاء : ضحكت بإستهزاء حلوة ذي تحلل وتحرم على كيفك مسوي لي نفسك شيخ تراك ممرض مو دكتور هههه
الممرض علي بإستهزاء وضحكه تنرفز : صح انا مو شيخ لكن هذا الشي اكيد حرام تسألين عن واحد ما بحل لك ، ترا أنا كاشفك من البداية من توترك ولقيت كرت الأحوال وما تبين لي انه متزوج ، ومن غير اني حققت بموضوع اللي تقولين عنه زوجك عشان اكلم أهله وأقولهم بحالته وطلع المحقق خويه وهو لا متزوج ولا له قريبة أو صديقة ب أسمك ، وش رايك بكلامي؟
هيفاء توترت وما ردت ومشت وضحك الممرض بأعلى صوته وضحته نرفزتها،  الممرض علي بنفسه احسن تستاهل ذي ما تستحي بعد