SURYAWARNA | COMPLETED ✔️

-13-

"මම කියනවට නිකං උබ උබේ අයියා දිහා බලන් ඉදපං. අද දවසට වෙන මුකුත් කරන්න එපා ඒක විතරක් කරපං. උබේ අයියා උදේ අවදිවෙන වෙලාවේ ඉදලා රෑ නින්දට යනකම් මොනවද කරන්නේ කියලා බලාගෙන ඉදපං. සමහරක් විට උබට මෙච්චර වටින් ගොඩින් ඇවිත් මම කියන්න ට්‍රයි කරන්නේ මොකක්ද කියන එක උබට තේරුම් ගන්න පුළුවන් වෙයි. තාරූ කියන්නේ උබට හැමවෙලේම කෑ ගහන බනින එකාමද කියලා උබට තේරෙයි"

මම අතේ තිබ්බ ටයිමර් එක හරව හරව ඉදලා ටේබල් එක උඩින් තිබ්බා. දැන් ටිකකට කලින් කෂ්මිර අයියා එක්ක අපේ අයියා ගෙදර ආව නිසා යුපුන් අයියත් ගෙදර ගියා. කෂ්මිර අයියත් ආව වෙලේ ඉදලා සෑහෙන වෙලාවක් සාලෙට වෙලා කියව කියව හිටියා උනත් මට සාලෙට යන්න මූඩ් එකක් තිබ්බේ නෑ. මම ටයිමර් එකත් අතේ තියාගෙන ගොඩාක් දේවල් ගැන කල්පනා කරා.

"කුරුළු!!! කුරුළු!!"

ටික වෙලාවකින් කෂ්මිර අයියා ගේට් එකත් වහන් යන සද්දේ ඇහෙනවත් එක්කම සාලෙන් ඇහුනේ අයියගේ සද්දේ. මම රූම් එකෙන් එලියට ඇවිත් බලනකොට අයියා සාලේ මැද ඉදන්ම ෂර්ට් එකේ බට්න් පන්නනවා.

"ඇයි"

"මොනවද කන්න ඕනී? උබ කෑවද? බලපං මේ තේ කෝප්පයි බිස්කටුයි ඔක්කොම සාලේ මැද්දේ. උබට මේවා අස් කරන්න බැරිද ආ!!"

අයියා මට කෑ ගහන ගමන් සාලේ මැද්දේ තිබ්බ කෝප්ප බිස්කට් ඔක්කොම උස්සන් කුස්සියට යනකොට මාත් ඒ පස්සෙන් ගිහින් බිත්තියට හේත්තු වෙලා එයා මොනවද කරන්නේ කියලා බැලුවා. එයා හැමදාම ඔය වගේ. කෑ ගහනවා බනිනවා ඒත් එයාම ඒවා කරනවා. ඊටපස්සේ සුපුරුදු විදිහට අපේ අයියා උදේ ඉදන් ඇදන් හිටිය යුනිෆෝම් එක පිටින්ම මං ඇදලා දාපුවා ඔක්කොම අස් කරලා හෝදන්න තියන ඔක්කොම වලං ටික සින්ක් එකට දාලා එයාගේ පාඩුවේ හෝදන්න ගන්නකොට මම ඒ දිහා බලාගෙනම හිටියා.

සාමාන්‍යයෙන් අයියා ගෙදර ආවාම යුනිෆෝම් එක මාරු කරන්නේ නැතුව මුළු ගේම අතුගාලා අස් කරනවා. එතකොට මම කරන්නේ සුද්දා වගේ නාලා කාලා කාටූන් බලලා නිදාගන්න එක.

"සමහරක් දවස් වලට තාරූට ක්ලාස් එකේදී නින්ද යනවා. ඇයි ඇහුවම ටිකක් පාඩම් කරාලු. මං උට බනිනවා රෑට රෑ වෙලා පාඩම් කරන්නේ නැතුව හවස් වෙලා කරපංකෝ කියලා. එතකොට ඌ මගෙන් අහනවා එතකොට මල්ලිව බලාගන්නේ කවුද බං? උට මෙලෝ දෙයක් තනියම කරගන්න තරම් තේරේන්නෑනේ කියලා"