SURYAWARNA | COMPLETED ✔️

-42-

අපේ අත්තම්මා අල්ල කසන සල්ලි රහස ගැන අපේ අම්මා එක්ක කියනවා මම අහලා තියනවා. ඒත් මට හිතන්නේ මේ කැසිල්ලනම් අර අපේ අයියගේ ඇණ බුරුල් කරන ක්‍රීම් එක නිසා කියලා.

මේ ගැන මම අයියට කිව්වා. පොර මට කිව්වේ පාර දිගේ එනකොට වල් ගොල්ල දිගේ හරකෙක් වගේ අත දික් කරගෙන ආව නිසා බූව ගෑවෙන්න ඇති කියලා. ඒ නිසා ඒ ගැන හිතන්න එපා කිව්වා.

"තාරූ අත කැපෙයි බලාගෙන"

පුෆ්~ මං අතේ තිබ්බ කැරට් අලේ අරන් චරස් ගාලා හපලා කෑවා.

"මට හුරුයි යුපුන්. බලාගෙන තෙල් ඉහෙයි ඇගට"

අමෝර් අමෝර්.....

කවුන්ටර් ටොප් එකට හේත්තු වෙලා හිටිය යුපුන් අයියා හිනා වෙලා තේ උගුරක් බිව්වා.

වෙලාව රෑ එකොළහයි. ඒත් යක්කු ගස් නගින හෝරාවේ කිචන් එකේ වෙනම සීන් එකක් යන්නේ. කවුරු කවුරුද? අපේ අපේ අයියයේ උගේ හොර ෂොට් එකයි.

"වාහ්!! මේක රස පාටයි ආහ්!"

යුපුන් අයියා තාච්චියේ බදින බයිට් එකට හොම්බ දාලා බැලුවම අපේ අයියා එයාගේ අර දුටුවන් වසී වෙන හිනාව දැම්මා. සිරාවටම මම කිචන් එක මැද තිබ්බ ටේබල් එක උඩ නැගලා බාවනා ඉරියව්වෙන් කැරට් කකා පැයකටත් වඩා ඉන්නැති. ඒත් මුන් දෙන්නගෙන් එකෙක්ටවත් මං ඉන්නවා කියලා ගානක් නෑ.

"තව මොනවද ඕනී? කැමති දෙයක් තියනවනම් කියන්න මං හදන්නම්"

"දැන් ඇති තාරූ ඔයාට මහන්සිත් ඇතිනේ"

අප්පේ ඔව්~ මටත් බලන් ඉදලා හරිම මහන්සි.

අම්මටහුඩු!! ඒ අස්සේ යුපුන් අයියා බිබී හිටිය තේ මග් එක අපේ අයියගේ තොල ගාවට ලං කරා. අපේ අයියා හිනා වෙලා තේ උගුරක් බිව්වා. යකෝව්!!!

මම ආයෙත් කැරට් කෑල්ලක් කරස් ගාලා කෑවා. අර උයන් පල්ලා තමා ආයෙත් හම්බුන වෙලාවේ මට කැරට් අලයක් දුන්නේ. මේවා මේ වත්තෙලුනේ හැදෙන්නේ.

අම්මපා මුන්ට එකට ඉන්නකොට වටපිටාවේ ලෝකේ අමතක වෙනවද කොහෙද. අර කෂ්මිර අයියා කියන කතාව හරි. තාරක කියන්නේ අහිංසක හිනාවෙන් මිනිස්සු නම්ම ගන්න මිනිහෙක්. යුපුන් කියන්නේ හීන් නූලට ගේම ගහන එකෙක්.