SURYAWARNA | COMPLETED ✔️

-33-

ටික් ටීක් ටීක්....

"Done!! මං ඉවරායී!!!"

ටයිමර් එකේ හරියටම විනාඩි හතළිස් පහ ඉවර වෙනකොට පේපරයක් ඉවර කරලා දැම්මා. ඒ අස්සේ මගේ කෑ ගැහිල්ලට බයවෙලාද කොහෙද ඇද උඩ හිටිය අපේ අයියයි ධවාන් අයියයි ඔළුව උස්සල මං දිහා බැලුවා. හේ හේ කොහොමත ඉතින්?

"අහ් හා හා යනවා ගිහින් අස් කරනවා ටේබල් එක. ඒකත් මන්ද කරන්න ඕන?"

ෂේප් එකේ කාමරෙන් රූටලා යන්න ගියපු මම ආපහු පස්සෙන් පස්සට රිවස් ඇවිත් වැඩ කර කර හිටිය මේසේ ගාවින් බ්‍රේක් කරා. ධවාන් අයියත් කණ්ණාඩි කුට්ටම උස්ස උස්ස හිනා වෙනවා. ලැජ්ජා කරනවනේ ඉතින් කුරුළු පැංචට!!

"විභූ අයියේ මොකක්ද ඔයා පෙන්නන්න ගියේ"

අර දෙන්නා ආයෙත් එයාලගේ අධ්‍යයන ලෝකයේ තනි වෙන්න ගියා.

"අහ් මේක.. මේ බලන්න සුදූ. මේ ඒරියා එකේ මෙන්න මේ තරම් ගැඹුරට කැණීම් කරොත් පොසිල හම්බෙන්න පුළුවන් සම්භාවිතාවක් තියනවා. ඒත් ඒක කරන්න අපිට සම්පත් සම්පාදන හිගයි. අනික හිතන තරම් වැඩේ සරල නෑ"

"එතකොට ලංකාවේ ඩයිනසෝර් කෙනෙක් හිටියා කියන්න ඉගියවක්වත් නැද්ද"

"ම්ම්.. තාම නෑ සුදූ. අනික භූ විද්‍යාත්මක දත්ත අනුව තාමත් ඒ ගැන තියෙන්නේ අනුමානයන් විතරයි. ඉන්දියාවෙනුයි, මැඩගස්කරෙනුයි පොසිල හම්බුන නිසයි මෙහෙත් ඇති කියලා විද්වතුන් කියන්නේ. අනික ළඟ ලගනේ. ඒත් ඕවා ලංකාවේ නැතිවෙන්න ගොඩක්ම හේතු වෙලා තියෙන්නේ ආම්ලික පසයි, දේශගුණයයි තමා."

"අහ්~... අම්ල පසට පොසිල දිරනවා නේද? කොහොමත් ඉන්දියානූ උප මහද්වීප වලට වඩා ලංකාවේ දේශගුනය වෙනස්නේ."

මොනා කියවනවද මන්දා. ආව වේලේ ඉදලා වෙරළ ඛාදයනයි, අම්ල පිත්‍තයි, මැඩගස්කරයයි අල්ලන් නහින්න හදනවා. අපේ අයියට ලොකු ලෙඩක් තියනවා ඔය ඩයිනසෝර්ලා ගැනයි වදවෙලා ගිය සත්‍තු ගැන හොයන්න.

ඒකටම හරියන්න අල්ලපු ගෙදර කැම්පස් ගිය එකා. පුරාවිද්‍යාත්මක දෙපාර්තුමේන්තුවක්. මැරුණ විදිහ හොයාගන්නේ නැතුව සතෙක්වත් වලලන්නෑ.