SURYAWARNA | COMPLETED ✔️

-45-

පුදුමාකාර ගැජමැටික් තමා මෙව්වා. මුට සල්ලි තියන නිසා හොදයි දකින දකින දේ ගන්න. මටත් සල්ලි තිබ්බනම් මාත් මේකක් ගන්නවා.

"ඕයී"

"ඇයි"

"වරෙන් කන්න"

මම අතේ තිබ්බ රිමෝර්ට් කාර් එක තිබ්බ තැනින්ම තියලා ඩැරනයා පස්සෙන් පඩිපෙල දිගේ පල්ල තට්ටුවට බැහැගෙන ආවා. ඌ ඇවිදිනවා නෙවේ පියාබනවා..

ඇත්තටම මේ ගෙදර හැමතැනම තිබ්බේ ජේසූ රූප විතරයි. ඕනම කෙනෙක්ට දැක්ක ගමන් කියන්න පුළුවන් ආගමේ ගෙදරක් කියලා. මාර පිලිවෙලයි. ඉස්සර මට මතකයි පුංචි ක්‍රිස්මස් එකට අපේ ගෙදර අනම් මනම් උස්සන් එනවා. අපේ අම්මලා, ලොකු අම්මලා ඒම පුංචි එක්ක ටිකක් ඔරප්පු උනාට එයාට හෙන ආදරෙයි. පව්ලේ බාලයනේ.

කොහොමරි අපි දෙන්නා පල්ලට එනකොට පුංචි කෑම මේසේ හරිගස්සලා තිබ්බේ. මමනම් ඉතින් ලොකු කතාවක් නැතුව පාඩුවේ බෙදාගෙන කන්න ගත්තා. පුංචිනම් ටිවී එකේ යන කතාවක් දාගෙන එකේ ඉන්න ප්‍රඩියුසර්ගේ ඉදන් ඩිරෙක්ටර්ට යනකම් බනිනවා ඇඩ් දානවා වැඩී කියලා. මං හිතන්නේ ඔය කතාව පටන් ගන්නකොට මම හය වසරේ.

මොනා නැතත් පුංචිට රහට උයන්න පුළුවන්. මේවා පව්ලෙන් එන එව්වද කොහෙද. මොකද අපේ අම්මටයි ආච්චිටයි අයියටයි මේ වගේම රහට උයන්න පුළුවන්.

ඩැරනයත් උගේ පාඩුවේ බත් අනාගෙන කනවා. අර කලින් දැක්ක ඇල්බම් එක ගැන අහනවද නැද්ද කිය කිය ඌ දිහා බලන් හිත හිත ඉන්නකොට මිනිහා ඔලුව උස්සලා එකපාරටම ඇයි ඇහුවා. මං මුකුත් නෑ කියන්න ඔලුව වනලා චිකන් කෑල්ලක් අරන් චරස් ගාලා හැපුවා.

මට අනුව ඒක අහන්න මේක හොද වෙලාවක් නෙවේ. සමහරක් විට ඒක නොදැක්කා වගේ ඉන්න එක තමා හොද. නැත්තං ඌ ඒක හංගන්නෙත් නෑනේ.

ඊටපස්සේ අපි කාලා බීලා ඉවර උනාම කාමරවල් වලට විසිරිලා ගියා. මමත් කකුල් දෙක ඇද ඇද ඩැරනයා පස්සෙන් කාමරේටම ආවේ ලාවට නිදිමතකුත් ලෝඩ් වීගෙන ආව නිසා. දැන් ඉතින් ස්කූල් යන්නත් නැති නිසා කලින්ම නිදාගන්න යන හින්දා අට පහුවෙනකොට බුදිමත ගහනවා.

"ඇදේ මුල්ලට යනවා"

ඩැරනයා මට ඇදේ මුල්ල පෙන්නුවා.