SURYAWARNA | COMPLETED ✔️

-41-

"පුළුවන්නම් ඔය පොඩි එකාව බිමට අතෑරපං රාජපුත්‍රයෝ"

මං දිහා බලන් හිටිය යුපුන් අයියා ගැස්සිලා පියවි සිහියට ආවා. කෂ්මිර අයියා කොහෙදෝ ඉදලා අපේ මැද්දට ඇවිත් මාරුවෙන් මාරුවට අපි දිහා බලලා ඔලුව දෙපැත්තට හොල්ල හොල්ල ඉදලා යන්න ගියා.

අප්පාහ්... මං ආව එක එයාට මෙච්චර ලොකු පුදුමයක් වෙයි කියලා හිතුවේ නෑ.

"අහ්ම්.. මේ කුරුළු මම බබාව දීලා එන්නම්"

"හා හා"

මම හා කියන්න ඔලුව වැනුවම යුපුන් අයියා බබාවත් අරන් අඩියට දෙකට මිසින් වෙලා ගියා. එයා යනකම් බලන් ඉදලා මාත් සෝෆා එකේ ඉඩ තියන හරියකින් ඉදගෙන අයියලා එක්ක එකතුවෙලා මැච් එක බලන්න ගත්තා.

"බලපන් අර යකාගේ රැගිල්ල විතරයි. මුට හයක් දාලා දෙන්න බෑනේ!! ඔක්කොම පැත්තක දාලා මම යනවා යකෝ ක්‍රිකට් ගහන්න"

හසිත අයියා අගල් හැට නවයේ ටිවී එකට අත දික් කර කර බනින්න ගත්තා. ඔය යකාට කට වහන් මැච් එකක් බලන්නම බෑ.

"ඔය මුච්චික රවුමානයා මට පේනන බෑ බං. වාමාංශික පරයා"

ඉසුරු අයියගේ වැඩේ පටං ගත්ත වෙලේ ඉදං එක එකාට බනින එක.

"අන්න අරීෂයා තොගේ ක්‍රශ් එක එනවා! තෝ කොල්ලකාරයා චාමිකට ලව් නේද? ඇත්ත කියපං තම්බි කැරියා!!"

කෂ්මිර අයියා අරීෂ් අයියව දාගෙන හොල්ලන්න ගත්තා. මිනිහා කොහෙ ගියත් රුයිතෙට ආතල් දෙනවනේ.

"යකෝ චාමිකට නෙවේ මම මැතිව්ස්ට කැමති"

"ඇයි බං?"

"කළු දොදොල් රසයි බං"

ඒ අස්සේ එකෙක්..

"තාරකයා උම්මාවක් දෙන්නම්"

"එහාට පලයං කස්සා"

කොහොමහරි ඉතින් කට්ටියගේ කෝලම් වලට හිනා වෙවී මාත් මැච් එක බැලුවා. කාලෙකින් මෙහෙම සෙට් වෙලා මැච් එකක් බැලුවේ. මැච් එකට වඩා ආතල් මුන්ගේ වැඩ වලට. බඩේ පැත්තක් කොර වෙලා තිබ්බේ හිනා වෙලාම.

"කුරුළු"

ඔය අතරේ අපේ අයියා මට ෆෝන් එක පෙන්නලා කතා කරපු නිසා මම සෝෆා එකෙන් නැගිටලා එයා පස්සෙන් ඇවිදගෙන ගියා.