بـسم اللـه الـرحمـن الـرحيـم
*_____________________*
بقـلـمي بُـشـرى ألـ جبـور
تعليـق بـين الفقـرات
التـصويـت بالنجمـة
حساب التيك توك 0j.a.i0
يوزر الانستغرام bushra_jabour
**********************************
.ردتَك عَوضهُم ماردتَك مثلهُم.
أنثى رقيقة بغدادية الأصل
تعبث بيها الاقدار والأزمان
لـ ترمي بها في ظلمات الزواج التقليدي
مَن لي غيرك وتبكيني؟
فأنظرْ بأيِّ سهامِ المَوتِ ترميني؟!
كم فيكَ مِن قمَرٍ غالوا أهلتهُ؟
كم نجمَةٍ فيكَ تبكى الآنَ في الطينِ؟
سنة 2001 الكاظمية المقدسة.
أيهم: اهلي مسافرين خارج لعراق من زمان واني الوحيد بالعراق واشتغل بمعمل حداد وصاحب معمل انسان فقير وعرفت عنده بنات
أيهم: قررت أسس عائله واطلب ايد احد بناته للزواج بس المشكله اني لازم اطلبها لنفسي لان ماعندي احد يروح يخطبها اهلي مسافرين بالاردن بس ابوية واخوية موجودين بالكاظمية يمي
أيهم: مشيت عليهم وتمت الخطوبة صرت انطي لفلوس لـ دنيا (اللي صارت من نصيبي) حتى تكمل تجهيزها
دنيا: بعد ماتمت خطوبتي وبديت اجهز اجهازي لحد مافد يوم اجة أيهم يتفاهم وياي قبل زواجنه
أيهم: يابة شلونج شخبارج
دنيا: الحمدلله انت شخبارك
أيهم: من الله بخير. عيني جاي واريد اكلج تردين بيت بسيط نكعد بيه لو تردين تجهيز كامل ثنينهن اني مااكدر عليهن تعرفين الوضع وواني وحدي واهلي بالخارج هاي كل فلوسي
دنيا: سمعت كلامه وفكرت ومن بعد تفكير. لانكعد أبيت ملك احسن من التجهيز
أيهم: حتى غرفة اخشاب ماكو
دنيا: عادي المهم بيت ملك
أيهم: بعد ماسمعت جوابها واتفقنه على هاذ الشي لحد مااجة يوم الزواج حبيت افرحها حجزت بفندق شيراتون بـ بغداد وتم زواجي منها وثاني يوم رجعنة لبيتنه
دنيا: مرت ثلاث أشهر على زواجي وبـ يوم طلعت للباب الحوش اشتهيت موطة اخذت فلوس ومديت راسي من الباب جانو جهال يلعبون
دنيا: ياولد حبيبي تعال جيبلي موطة من ذاك الدكان
:حاضر خالى
دنيا: جانت الدنيا مغرب بالاثناء ورا ماراح الولد رجع أيهم من الشغل شافني ماده راسي من الباب وتخبل وصار عصبي دخل للبيت وبدون ميعوف السبب ضربي وتعارك وياي
دنيا: بعد ماضربني رجع طلع ويا اصدقائة وبعد زواجي بفترا عرفت هوا مدمن للشرب نمت ذيج اليل وحسيت جسمي يون عليه وصخنت
