មួយស្របក់ក្រោយមកហ្វូតក៏បានងូតទឹកប្តូរសម្លៀកបំពាក់រួចអស់ហើយទើបគេបានចេញមកខាងក្រៅហើយក៏ឃើញថាជេមអង្គុយនៅកៅអីវែងទាំងខ្លួនទទឹកជោករួមទាំងញីញ័រថែមទៀតគេមកអង្គុយតែម្នាក់ឯងនោះទេក៏ព្រោះតែអ្នកគ្រូព្រមទាំងអ្នកផ្សេងទៅចង្រ្កាន្តបាយអស់ហើយចំណែកឯក្មេងៗក៏ដល់ម៉ោងរៀនរបស់ពួកគេដូចគ្នា
«បងមកអង្គុយអីនៅទីនេះហើយមិនព្រមទៅផ្ទះ?»ហ្វូតគេបានដើរមកគោះស្មារបស់ជេមមួយដៃដោយឃើញថាគេកំពុងតែអង្គុយភ្លឹកតែម្នាក់ឯង ដោយមានជំនួយទាញស្មារតីពីហ្វូតហើយជេមក៏បានងាកមករកហ្វូតទាំងមុខស្លែកស្លាំងដោយសារតែរងាខ្លាំងហើយមើលទៅ
«ហេតុអីក៏មុខរបស់បងស្លេកបែបនេះ?»ដោយឃើញថាជេមមានសភាពប្រែប្រួលខ្លាំងពេកហ្វូតក៏អត់នឹកបារម្ភមិនបានក៏ស្ទុះទៅក្រសោបផ្ទៃមុខរបស់ជេមអោយងើបមកមើលខ្លួន
«យើងមិនដឹងទេ»
«បងឈឺប្រាកដណាស់មុខក៏ក្តៅថែមទៀត ហេតុអីក៏មិនទៅផ្ទះវិញមកទ្រាំអង្គុយទាំងអាវសើមបែបនេះធ្វើអី ឃើញដែរទេពេលនេះបងអង្គុយទាល់តែអាវស្ងួតអស់ហើយ ចេះតែមកអង្គុយទៅកើតគ្មានផ្ទះនៅទេឬយ៉ាងម៉េច?»ហ្វូតគេបារម្ភគឺបារម្ភហើយបន្ទាប់ពីដកដៃចេញពីថ្ពាល់របស់ជេមហើយគេទេសនាអោយជេមតែម្តង
«ឯងកើតស្អីសុខៗក៏ថាអោយយើងបែបនិង?បារម្ភពីយើងក៏ប្រាប់តាមត្រង់មកយើងមិនបានយកលុយនោះទេ?»ជេមក៏បានក្រោកឈរទល់មុខនិងហ្វូតរួចក៏តប
«អ្នកណាបារម្ភ ខ្ញុំអត់ទេ»ហ្វូតក៏រកដើរចេញតែជេមក៏ចាប់ដៃជាប់
«ទៅផ្ទះវិញទៅឯងមិននៅតែមួយថ្ងៃនៅក្នុងផ្ទះស្ងាត់ខ្លាំងណាស់»ហ្វូតបានងាកមករកជេមយ៉ាងលឿនបន្ទាប់ពីលឺប្រយោគមួយនេះហើយជេមក៏និយាយបន្តទៀត
«ឯងមិននៅគឺគ្មានអ្នកឈ្លោះជាមួយនិងយើងឡើយ»មួយឃ្លានេះធ្វើអោយហ្វូតដាច់ចង្កេះតែម្តងហើយគេក៏គ្រលាស់ដៃចេញពីជេម
«បើចឹងបងប្រហែលជាអផ្សុកយូរទៀតហើយក៏ព្រោះតែខ្ញុំនិងមិនទៅវិញនោះទេ»
«ហេតុអី?»
«បងគិតខ្លួនឯងទៅ»ថាហើយហ្វូតក៏បានចូលទៅខាងក្នុងវិញហើយបានបន្តិចក្រោយមកគេក៏បានយកខោអាវដើម្បីអោយជេមប្តូរដូចគ្នាបើទុកទាំងបែបនិងក៏មិនកើតដែរបើជេមរឹងដូចដែកប្រាប់អោយទៅវិញក៏មិនព្រម
YOU ARE READING
Brother Zone
Roman d'amourរឿងមួយនេះនិយាយអំពីក្មេងប្រុសម្នាក់ដែលបានលួចស្រឡាញ់បងប្រុសក្រៅខោរបស់ខ្លួន តែបងប្រុសរបស់គេមិនបានចូលចិត្តគេវិញនោះទេគេតែងតែធ្វើបាបខ្លួនរបស់គេតាំងពីក្មេងមកម្ល៉េះ។តើស្នេហារបស់ពួកគេនិងទៅជាយ៉ាងណាទៅបើម្នាក់ទៀតស្រឡាញ់ហើយម្នាក់ទៀតចូលចិត្តធ្វើបាប?តែថាសាច់រឿងអាច...
