ကျောက်ဖြူသားလှေကားပေါ်ကနေ မဟူရာပုံရိပ်လေးက
တရွေ့ရွေ့ဆင်းလာသည်။ အနှေးပြကွက်မလို၊ နောက်ခံဂီတ
ဖွင့်သီခြင်းမရှိပါပဲ သူ့အရှိန်အဝါက ရင်သပ်ရှုပ်မောစရာ ။
ဝတ်ခဲလှသည့် Prada Leather shoes က ခြေအစုံမှာ
သိမ်မွေ့နေသလို ပြောင်ရှင်းနက်မှောင်သော Wooyongmi
Pants နှင့် အရပ် ၆ပေကလည်း ပလဲပနံသင့်လှသည် ။
လှေကားတစ်ထစ်ချင်း ဆင်းလာလိုက်တိုင်း သူ့လည်တိုင်က
ပင်လယ်ပြာဆွဲသီးလိုမျိုး လှုပ်ရမ်းနေမိတာတော့
ဟန်ယူဂျင်းရဲ့ နှလုံးသားပင်။
ခါတိုင်းနဲ့မတူညီစွာ ပုံစံအသစ်ဆင်မြန်းထားတဲ့
ကိုကိုဟာ တကယ်ကိုညှို့ချက်ပြင်းပြင်း လှသည် ၊
လှရက်နိုင်လွန်းသည် ၊ ဂန္တဝင်မမြောက်ရင်တောင်မှ မဟာဆန်သော အနှီ Omega ၏အလှကို စာတင်ဖို့ရာ Shakespeare
ပြန်မွေးဖွားလာဖို့တော့ကောင်းသည် ။
မျက်တောင်ခတ်ဖို့ရော ၊ အသက်ရှူဖို့ပါ မလောက်ငှရသည့် အခိုက်အတန့်ရောက်နေတာတောင် ကိုကိုက
" တစ်ခုခုအဆင်မပြေလို့လားဟင် ယူဂျင်း "
အဖြေအား သိနှင့်နေပါလျက်နှင့် သူ့ကိုယ်လုံးလေးကို သူ
ငုံ့ကြည့်ကာ မေးနေရှာပုံက အပြစ်ကင်းစင်သယောင် ။
" ဘ..ဘာမှမဖြစ်ပါဘူး ကိုကို ၊ ဒီတိုင်း ... လှလို့ပါ "
" ဒါဆို ကိုကိုသွားတော့မယ် ၊ Ollie ကားက ဒီဘက်နီးနေပြီတဲ့ -
စာပို့ထားတယ် ၊ ခြံထဲဆင်းနှင့်နေလိုက်တော့မယ်လေ "
တကယ်တမ်း ညဘက် ဒီလိုအဝတ်အစားမျိူးနဲ့ ကိုကို အပြင်ထွက်တော့မယ်ဆိုတော့ ယူဂျင်း စိတ်မအေးနိုင်ပါ ။ ဒီလိုပုံစံလေးတွေဝတ်တာ ရှာမှရှားတဲ့သူမလို့ မျက်စိရှေ့က ကြွေရုပ်လေးကို မိမိတစ်ယောက်တည်းသာမြင်နိုင်အောင် သော့ခတ်ပြီး
သိမ်းထားချင်မိစိတ်က တဖွားဖွား ။
ကိုယ်သားဖြူဖြူကို ရှင်းလင်းကြည်လင်စွာ မြင်နေရသည့်
အနက်ရောင် see through လက်ရှည်မှာ စက္ကူပန်းရိုက်
အပွင့်ပြာပြာတွေကသာလျင် တစ်ခုတည်းသော ဖုံးကွယ်စရာ ။
လက်ကောက်ဝတ်ထိ ရှည်လျားတဲ့ sleeve နဲ့ ဆန့်ကျင်စွာ
၅၀စင်တီခပ်စွန်းစွန်း ခါးကျဉ်ကျဉ်အား အလုံးစုံဖော်ထုတ်ခွင့်
ပြုထားသည့် ဒီ crop top ဒီဇိုင်နာကို ဟန်ယူဂျင်း ခပ်ပြင်းပြင်းသာ ဆွဲထိုးချင်မိတော့သည် ။
ESTÁS LEYENDO
Blazing Bride
FanfictionA veil of secrets. A body built to burn. They called him a bride. He came dressed in fire. - written in Burmese - Ricky x ?
