အပြာရောင်နုနုကောင်းကင်တစ်ခွင်သည် တိမ်းကင်းစင်လျက်။ ညနေခင်းလေပြည်နှင့်အတူ ပန်းဆီရောင်မိုးကပ်စက်ဝိုင်း အနားသတ်တို့က ရှက်သွေးကြွနေသယောင် ။
ချွမ်ရွေ့ ခြံကြီးရဲ့အပြင်က မြက်ခင်းစိမ်းဝါဝါပေါ်မှာ တစ်ယောက်ထဲ ငူငူငေါင်ငေါင်ရပ်နေမိသည် ။
သူ အသက်ရှူဝဖို့ ကြိုးစားနေတာဖြစ်မည် ။ မိုးနတ်မင်းက သနားညှာတာသောအားဖြင့် ခပ်လွင့်လွင့် လေပြေအေးအား သူ့ပါးနှစ်ဖက်ဆီသို့ ပက်ဖြန်းခပ်ရှပ်ပေးနေသေးသည် ။
ညာလက်ထဲက အပြာရောင်ပန်းစည်းကို သေချာဆုပ်ကိုင်ရင်း
အတွင်းဝတ် shirt ရဲ့ ကြယ်သီးနှစ်လုံးလောက် ခပ်ဆတ်ဆတ်ဖြုတ်ပစ်လိုက်မှ နေရထိုင်သာရှိသွားသလို ။
ပြန်ပြီးထူထူထောင်ထောင်ဖြစ်မယ်ကြံကာရှိသေး Suit အနက်နှင့် လူတစ်ဦးက သူ့ကို ခန်းမထဲ ပြန်ဝင်ဖို့လာခေါ်သည်။
ထိုသူကို သူရင်းရင်းနှီးနှီးကို သိနေပါသော်လည်း အမည်မတပ်နိုင်သလို ၊ အတွေးစတို့လည်း ကောက်နှုတ်မရပါပေ ။
ကောင်းပြီ ဟု ဆိုကာ ချက်ချင်းပင် ထိုသူ့နောက်ကနေ ဝတ်ရုံစကိုမရင်း ချွမ်ရွေ့လိုက်ပါလာခဲ့သည် ။ သိပ်မလျှောက်ရသေးခင်မှာပဲ Foxglove လို့ခေါ်တဲ့ ခေါင်းလောင်းပန်းနီနီတွေ စည်းရိုး
တစ်လျှောက်ခတ်ပွင့်သော တံခါးပုပုလေးဆီ ရောက်လာသည်။
ခြံအတွင်းထဲမှာ အနည်းဆုံးသာမန်ဘုရားကျောင်းလောက် အကျယ်အဝန်းရှိတဲ့ အလှဆင် အဖြူရောင်တဲကြီးက စောင့်ကြိုလျက်။
ကန့်လန့်ကာကို လှပ်၍ ချွမ်ရွေ့ဝင်သွားတော့ အလယ်တည့်တည့်မှာ နှင်းဆီပြာ တွေခင်းကျဲထားတဲ့ မြင့်သည်ဆိုရုံ အဖြူရောင်လျှောက်လမ်းတစ်ခု ။
လျှောက်လမ်းရဲ့အဆုံးမှာတော့ စင်မြင့်လေးတစ်ခုက ပန်းပေါင်းစုံများနှင့်တင့်တယ်စွာနှင့်ပင် ။ ဤစင်ပေါ်မှာသူမသိသောမျက်နှာစိမ်းတွေနှင့် သင်းအုပ်ဆရာနှင့်ဆင်တူသော ဆံပင်ခပ်ဖွေဖွေး အမျိုးသားကြီးတစ်ဦးရှိသည် ။
သင်းအုပ်ဆရာ၏နံဘေးတွင်တော့ နံ့သာရောင် suit နဲ့အတူ
အမည်မသိ ပန်းပြာပြာတစ်ပွင့်က ဘယ်ဘက်ရင်အုံမှာ အိန္ဒြေရစွာဖြင့် ရီဝေဝေမျက်ဝန်းများနှင့် သူ့နှလုံးသားကို ဖမ်းစားနေသော အမျိုးသား ။
ESTÁS LEYENDO
Blazing Bride
FanfictionA veil of secrets. A body built to burn. They called him a bride. He came dressed in fire. - written in Burmese - Ricky x ?
