“ သူ့နာမည်က ဂင်မ်ဂယူဘင်း ”
လွန်ခဲ့တဲ့ မိနစ်အနည်းငယ်တုန်းက လောကကြီးကို နှုတ်ဆတ်ထားခဲ့ဖို့ ဆုံးဖြတ်ပြီးတဲ့ ချွမ်ရွေ့က အခုတော့ဖြင့် သူ့ ကမ္ဘာထဲ လူတစ်ယောက်ထပ်ဝင်တာကို သင်ယူနေပြန်ပြီ ။
“ ဂျီအုံးငီးဟျောင်းနဲ့ ဆွေမျိုးနီးစပ်တော်တယ် ၊ အတိအကျပြောရရင်တော့ သူက ဂင်မ်ဂျီအွန်းရဲ့ ဦးလေးပဲ ”
“ ဘယ်လို ! ”
ချွမ်ရွေ့ မျက်ခုံးတွေက ပင့်တင်လျက်
မက်သျူး ပြောနေတာတွေ ချွမ်ရွေ့နားမလည် ၊ သူသိသလောက် ကိုကို့မှာ တဝမ်းကွဲတွေတောင် သိပ်မရှိ ။
“ မင်းကို ငါပြောတယ်လေ ၊ ဂျီအုံးငီးဟျောင်းမရှိတဲ့ အချိန်အတွင်း သူ့တူနဲ့ လွှတ်ထားတယ်ဆိုတာ .. အဲ့တာသူပဲ ။ ငါက နည်းနည်း လွဲသွားတာ ”
မက်သျူးက အနားကို ဖြည်းဖြည်းချင်းကပ်လာရင်း
“ ဂင်မ်အဖိုးကြီးရဲ့ ဇယားတွေထဲက တစ်ယောက်ကနေ မွေးတာတဲ့ ၊ အဲ့တာကြောင့် သူရှိမှန်းတောင် သိကြတာမကြာသေးဘူး တစ်လျှောက်လုံး ဒူဘိုင်းမှာပဲ ရှိနေခဲ့တာ ”
ချွမ်ရွေ့ မျက်တောင် မခတ်စတမ်းနားထောင်နေမိသည် ။
“ ပြီးတော့ သူက Kim group က အလုပ်တွေတစ်ခုမှ စိတ်မဝင်စားဘူးပြောတာပဲ။ လာကတည်းက သူ့ပရောဂျက်နဲ့ သူ ၊ ဘက်ဂျက်ကိုလည်း ဂင်မ်မိသားစုဆီက လုံးဝမတောင်းဘူး ”
“ လူတွေ ပြောတာကတော့ … ”
“ UAE မှာ စပွန်ဆာအကြီးကြီးမိခဲ့တာတဲ့ ”
အားရပါးရ ဖောက်သည်ချနေတဲ့ မက်သျူးမျက်လုံးလေးတွေက အရောင်တလက်လက် ။
ချွမ်ရွေ့ကတော့ ထို သူ့ကို စိတ်ထဲကနေ မှတ်ချက်ပေါင်းစုံပြုနေပြီ ။ ဒါဆို အမေတူသားလေးပေါ့၊ အစကတည်းက လူကောင်းမဟုတ်မှန်း သိပြီးသား ။
ဒါကို သူကလည်း ဝန်ခံသည်၊ မျက်နှာပြောင်တိုက်ချက်ပင် ။
လွန်ခဲ့သော နာရီဝက်ခန့်က အနှီဂယူဘင်းဆိုသူနှင့် ထိတ်လန့်စက်ဆုပ်ဖွယ်ရာ အတူတူရှိနေခဲ့ရသည် ။
YOU ARE READING
Blazing Bride
FanfictionA veil of secrets. A body built to burn. They called him a bride. He came dressed in fire. - written in Burmese - Ricky x ?
